Driesestig

Hoe raak die voortslepende pandemie kinders vir wie koorsang 'n welkome buitemuurse aktiwiteit is? Haidee Muller-Isaacs gesels hieroor met Karina Erasmus, afrigter van die Tygerberg-kinderkoor, en van die kinders in die koor.

Akteur Jacques Gombault vertel hoe sy jeugervaringe sy loopbaan gevorm het, en van die jeugprojek waar hy betrokke is.

Tafelberg is in 2020 aangewys as Afrika se voorste toerisme-attraksie. Vanjaar is dit weer genomineer in dieselfde kategorie en die Tafelberg Sweefspoormaatskappy is genomineer in die Verantwoordelike Toerisme-afdeling.

Die digitale era vereis unieke vaardighede wat reeds op skool ontwikkel moet word, sê akdamiese konsultant Samara Cloete.

Die mooiste storie van vaderliefde kom uit die Bergsebra Nasionale Park naby Cradock in die Oos-Kaap. Die vader se naam is Mabula, ‘n jagluiperdmannetjie. Sy welpies se name is CJ en Chad. Die storie het begin toe Angela, Mabula se wyfie, hulle welpies gaan leer het hoe om te jag. Roland Januarie, hoof van die Bergsebra Nasionale Park, vertel vir Mariska Spoormaker wat gebeur het.

Lewensafrigter Lizette Volkwyn sê wanneer te veel oor 'n ding dink, begin jy om jou vermoëns te bevraagteken.

Basiese morele waardes is die grondslag van emosionele intelligensie, sê Magdie de Kock, wêreldpresident van die Vereniging van Landelike Vroue. Een van die lidorganisasies van die vereniging, Die Dameskring, het 'n projek begin om gesonde waardes onder kinders te kweek. Jacqui January het meer hieroor gaan uitvind hieroor by die president van die Dameskring, Coreen King.

Dr. André van Niekerk praat in Wêreld Allergieweek oor anafilakse wat wêreldwyd aan die toeneem is.

Jy kan hulle maar die Strippers van Aristea noem. As jy in 'n tehuis vir bejaardes bly moet jy soms planne beraam om fondse bymekaar te kry. Toe besluit twee inwoners om te strip. Nee dis darem nie wat jy dink nie! Haidee Muller-Isaacs het by Huis Aristea gaan inloer om die storie uit die perd se bek te hoor.

Sarene Nel vertel hoe kantoorspasiessal lyk as werk-van-die-huis weer werk-by-die-werk word?

Dr. Hennie Combrink vertel van His Hands se betrokkenheid by die Winterhoop-projek.

Dr. Jurie Joubert praat oor ouerbetrokkenheid in onderwys. Onderwysdepartemente dwarsoor die wêreld bied opleiding en ondersteuning aan ouers om onderrigondersteuning aan hulle kinders te gee.

In Nelson Mandelabaai het 'n oudonderwyser, Mark Baartman, begin om gratis rekenaarkursusse vir werklose jeug aan te bied, en heelwat van hulle het reeds die kursus met welslae voltooi. Meneer Baartman het ook uit sy eie sak vir die skootrekenaars betaal wat die studente gebruik. Mariska Spoormaker het met hom gepraat.

Cathy vertel vir Martelize Brink van haar ervaring as swaarvragmotorbestuurder op die langpad in die 1980's.

Anil Lalla vertel vir Martelize Brink van sy ervaring as gemeenskapsapteker in Penlyn, Kaapstad.

Royzanne Kampher verduidelik wat jy in gedagte moet hou wanneer jy huisverbeterings oorweeg.

Sirene Paulse van Somerset-Wes het na 'n ernstige verkoue in 2019, gesukkel om die gevoel van naalde en spelde in haar regterbeen af te skud. Twee jaar later was sy 'n kwadrupleeg. Die ma van twee vertel vir Haidee Muller-Isaacs hoe sy weier om op te hou veg om haar lewe terug te kry.

Opvoedkundige sielkundige Jacques Viljoen gesels oor mense se vaardighede wat uit pas is met dit waarna werkgewers soek.

Afvalbestuur het ‘n hoogs tegnologies gevorderde bedryf geword. Stortingsterreine word deesdae ontwerp om die impak op die omgewing te verminder. Reon Pienaar, ‘n raadslid van die Instituut vir Afvalbestuur, vertel vir Jacqui January van die interessanthede in die bedryf en kry ‘n paar wenke oor afvalbestuur by die huis.

Geo Botha praat oor finansiële opvoeding wat toeganklik gemaak moet word vir jongmense.

Enzo D ‘Aguanno vertel vir Johan Rademan en Martelize Brink van sierskaats in Suid-Afrika.

Dr. Chris van der Merwe is ‘n bekende sakeman wat as die uitvoerende hoof van twee genotteerde maatskappye gedien het. Min mense ken die pad wat hy geloop het en sedert hy die Hoërskool JG Meiring verlaat het. Hy het sonder ‘n pa groot geword en by ‘n tannie naby Goodwood in die Kaap gebly. Sy twee ooms was dieselwerktuigkundiges wat hom aan die motorwêreld blootgestel het. Hy is ‘n selferkende pe...

Vanjaar word die walvis behoorlik gevier met ‘n klomp walvisfeeste wat kuslangs van Algoabaai tot anderkant die Weskus gehou gaan word. Die feeste val saam met duisende bultrugwalvisse wat van nou af in Suid-Afrikaanse waters begin aankom as deel van hulle jaarlikse migrasietogte langs die Oos- en Weskus van Afrika, op pad na die ewenaar. Donè Louw, toerismebeampte van Nelson Mandelabaai, het aan...

Nicci Scott en Joubert Cilliers gesels met Johan Rademan en Martelize Brink oor 'n bemagtigingsprojek vir vroue in vervoer.

PR de Wet praat oor die POPI-wet wat binnekort in werking tree.