Driesestig

Markus Fourie gesels met Martelize Brink oor die vrae wat PSG Insure tydens die onrus ontvang, en wat jy met versekering in gedagte moet hou wanneer jy verhuis.

Haidee Muller-Isaacs praat met Laurie Greyvenstein oor sy niewinsgewende organisasie, Social Justice Foundation, wat mense met onderhoudsake en mediasie help. Dié oud-landdros vertel hoekom hy en sy vrou, Anneke, 'n passie het om mense met onderhoudsake te help, en hoe hulle ander desperate mense gaan help ter ere van Mandeladag op 18 Julie.

Hy dink in hierdie dae van pandemie en inperking veral aan die mense wat ‘n struikelblok soos hakkel te bowe moet kom, sê Jo Els, landdros van Tarkastad in die Oos-Kaap. Jo het langer as 40 jaar met die frustrasie en verleentheid van hakkel saamgeleef. Op 55-jarige ouderdom het hy toevallig op ‘n kursus afgekom wat hom gehelp het om hakkel te oorkom. Hy vertel sy storie vir Mariska Spoormaker.

Jaco van der Linde vertel vir Martelize Brink van die Pedal Project wat kinders uit agtergeblewe gemeenskappe vir bergfietsritte in Stellenbosch se berge neem. Hy gesels oor die impak van die uitstappies op die kinders se geestesgesondheid, en hoe dit met ADHD help.

Roné de Bruyn vertel van wintertuine wat 'n besoek verdien.

Biokinetikus Marius Cornelissen praat oor die voordeel van oefening vir mense met komorbiditeite vir Covid-19, en hoe jy ná Covid-19 weer moet begin oefen.

Hendrik Botha vertel vir Martelize Brink van sy versameling Coca-Cola memorabilia van sowat 11 000 items.

Misdaad is een van die top storie-idees vir rolprente en TV-reekse. Deel van die wenresep is wanneer dit op ware gebeure gebaseer is, en die gerehabiliteerde misdadiger self sy rol speel. Rina Jooste is ‘n rolprentmaker wat vertel wat agter die skerms gebeur in haar werk. Sy vertel ook van die lewenslesse wat sy by van die misdadigers geleer het. Jacqui January gesels met haar.

Jaco Botha vertel vir Martelize Brink van die infrastruktuur in Suid-Afrika vir laaistasies vir elektriese voertuie.

Prof. Renata Schoeman praat oor die impak wat Lang-Covid op werkgewers het.

Björn Alexander gesels oor sy nie-winsgewende organisasie, Hilltop Legacy, se werk in die Paarl-gemeenskap. Hy vertel hoe hulle programme reeds 'n reuse impak maak in die lewe van die jongmense, deur te fokus op akademie, fisiese aktiwiteite en mentorskap. Haidee Muller-Isaacs het gaan hoor hoekom dié jongman so hard werk om 'n verskil in sy gemeenskap te maak.

Lésa van Rooyen vertel vir Martelize Brink van die Vredesparke-stigting se Peace Parks TV. Op die webblad kry jy sien wat die veldwagters in die oorgrensparke sien en doen.

Polistireen is ‘n plastiekverpakkingsmateriaal wat in elke huishouding te vinde is. Dit word gebruik om waardevolle huishoudelike toestelle, soos yskaste en TV’s, te beskerm tydens verpakking. Daar is egter ‘n ernstige pleidooi aan Suid-Afrikaners om in die groot aanvraag om plastiek te herwin, gehoor te gee. Jacqui January het die storie…

Dallas Oberholzer vertel vir Martelize Brink van sy geleentheid om op 46 Suid-Afrika in skaatsplankry by die Olimpiese Spele te verteenwoordig.

Dertien jaar gelede het die Baaise egpaar Rudi en Ellie Goossens binne die organisasie Vriende van Van Stadens begin om vrywilligerwerk in die munisipale Van Stadens Veldblom-reservaat te doen, en nooit daarmee opgehou nie. Die reservaat, eens amper vergete en verslete, is deesdae 'n inheemse flora-lushof. Die Rotariërklub, PE Sunrise, het nou hulle hoogste toekenning vir gemeenskapsdiens aan die...

Annatjie Reynolds gesels met Johan Rademan en Martelize Brink oor wdie voorbereiding van wildsvleis.

HGG Finansiële Groep bied die reeks, Geldgids, aan om in dié tyd van geldverknorsing hoop te gee en kennis oor te dra. Met die skokkende insinking die afgelope jaar in die ekonomie, besef ons opnuut die rol wat geld op alle gebiede speel. Prof. Johann Kirsten, direkteur van die Buro vir Ekonomiese Ondersoek en professor in Landbou-Ekonomie verbonde aan Stellenbosch Universiteit, skets met statisti...

Chris Schoeman gesels met Johan Rademan en Martelize Brink oor die gebrek aan sporthistorici, en die navorsing wat hy oor die Britse en Ierse Leeus gedoen het.

Alta Swanepoel vertel vir Johan Rademan en Martelize Brink wat as 'n veteraanmotor beskou kan word, die uitsonderings wat vir dié motors in wet gemaak word, en die aanpassings wat jy sal moet maak as jy dit vir alledaagse rondrydoeleindes wil gebruik.

Annatjie Reynolds gesels met Johan Rademan en Martelize Brink die verwerking van wildsvleis.

Dr. Marina Joubert gesels met Johan Rademan en Martelize Brink oor top wetenskaplikes as glanspersoonlikhede of celebrities.

Die Tuinroete het nou sy eie Camino-staproete, geskoei op die Camino de Compostela-staproete in die noorde van Spanje, wat jaarliks groot getalle besoekers van dwarsoor die wêreld lok. Diie Tuinroete-camino is die sustersroete van die gewilde Pelgrimstog vir Hoop, wat in die Stellenbosch- en Overberg-omgewing is. Die eerste groep stappers op die roete het in die week van 14 Junie informeel gestap,...

Melody Kleinsmith gesels met Johan Rademan en Martelize Brink oor die verskillende beroepe in die museumbedryf.

Raoul van den Berg gesels met Johan Rademan en Martelize Brink oor die geskiedenis van vliegtuie bou in Suid-Afrika, die vliegtuie wat plaaslik ontwikkel is, en wat jy moet studeer om dit te kan doen.

Dieetkundige Retha Harmse vertel waarmee jy gesonde kos kan vervang, wat sommige mense nie kan eet nie as gevolg van siekte of allergieë.