Driesestig

Liezl Owen vertel vir Martelize Brink van die eilandlewe by Cape Cod, VSA. Vandag is dit -12 grade Celsius daar, maar dit is ‘n gewilde vakansiebestemming in die somer.

Haidee Muller-Isaacs vind meer uit van Karoo Kaarte, die KKNK se multidissiplinêre gemeenskapsprogram, wat vanjaar vyf jaar oud word. Dié span het onlangs afgeskop met die beplanning van hulle splinternuwe teaterproduksie, Spoel, wat by die 30ste KKNK debuteer, asook hulle vele ander kreatiewe uitkomste.

Die Spaanse sierskaatskampioen, Tomas-Llorenc Guarino Sabate, moet sy roetine by die Olimpiese Spele verander. Kopiereg is die rede. Hy gebruik al heel seisoen musiek van die Minions-animasiefilm, maar het nie toestemming om dit by die Winter Olimpiese Spele te gebruik nie.

Bradley Bergh vertel vir Martelize Brink van die Karoo Donkey Sanctuary op De Rust, en die 400 diere wat daar ‘n heenkome vind.

Omdat werkgeleenthede skaars is in die omstreke van die Oos-Kaapse dorpie, Thornhill, het boervrou Joan Puttergill 30 jaar gelede met ‘n volhoubare werkskeppingsprogram in ‘n ou, maar opgeknapte, Appeltreintjie-stasie begin. Mariska Spoormaker het daar gaan inloer.

Dr. Willem Botha vertel onder andere van die name Volker en Merwede. Die Van der Merwes se van kom ook van die Merwederivier in Nederland.

‘n Prentjiemooi kerk in Italië kry te veel besoekers, veral om selfies daar te neem. ‘n Versperring sal binnekort opgerig word om voertuigtoegang te beperk tot inwoners en toeriste wat in die dorp oornag.

Die prysgeld vir beroepsgholf is deesdae astronomies. Die PGA-toernooi s’n is al meer as $550 miljoen, met ‘n gemiddelde verdienste van $2,3 miljoen per speler. LIV Gholf stoot 2 tot 25 miljoen dollar per toernooi in, en die DP World Tour betaal $125 miljoen plus bonusse uit aan spelers wat kwalifiseer. Een verkeerde beslissing, soos ‘n strafhou, kan dus duur wees. Inus Marais is 'n internasionale...

Kos- en kultuurhistorikus Hetta van Deventer-Terblanche praat oor die toenemende gewildheid van waatlemoen as geurmiddel, en hoe dit in verskillende streke se kookkuns gebruik word.

Maryke Musson vertel van die bloudrake, see-engele, bloublasies en seiljag-jellies wat aan die kus uitgespoel het.

‘n Toerismewebblad is in die warmwater. Dit het ‘n blog wat deur kunsmatige intelligensie geskryf word. Dit stel dit voor dat mense ‘n warmwaterbron by ‘n afgeleë dorp besoek, wat glo ‘n gunsteling onder stappers is. Daardie warmwaterbron bestaan egter nie.

Nadat sy desjare geskei is, het Nadia Boezak stoksielalleen en verlore gevoel as ‘n enkelma van twee jong kinders. Daar moes tog ook ander wees wat soos sy voel, en dis presies hoekom sy haar organisasie, Undercover Heroes, begin het. Dis 'n koesterplekkie vir enkelma's en -pa's. Haidee Muller-Isaacs het met Nadia gesels.

Dieetkundige Valpré Huisamen praat oor preserveermiddels, en die verband met verhoogde siekterisiko.

In China word dit die jaar van die perd. ‘n Fout met die vervaardiging van ‘n speelgoedperd het tot ‘n topverkoper gelei. ‘n Perd se glimlag is verkeerd aangewerk, en die somber perdjie resoneer met jong werkers wat soos korporatiewe slawe voel.

Deon Lotz vertel vir Martelize Brink van sy rol in RSG se middagvervogverhaal, Faksie. Hy praat ook oor die filmbedryf se optog na die parlement.

Haidee Muller-Isaacs gesels met Netwerk24 se adjunkredakteur, Theresa Olivier, oor haar lewensverhaal. Sy vertel hoe sy in die mediawêreld beland het, watter stories vir haar belangrik is om te vertel, en die lewenslesse wat haar loopbaan in die joernalistiek haar geleer het. Sy sonder ook 'n paar stories uit wat haar altyd sal bybly.

Dr. Mandie Uys vertel vir Martelize Brink van die sterrekykers van Babilon en China van 5 VC, ‘n NASA-sterrekundige van 2025 NC, en die Betlehlemster.

Crocs het ’n Lego-weergawe bekendgestel. Dit is ’n Lego-blok(kie) waarop jy met gemak kan trap.

Matty Strydom gesels met Martelize Brink oor haar viermaande lange reis deur Indië.

Noudat Desember se feestyd met vriende- en familiesamesyn iets van die verlede is, is dit dalk tyd om te kyk na die mense wat nie in die geroesemoes van mense wil beland nie, en verkies om by die huis te bly, al is dit op hulle eie. Mariska Spoormaker het hieroor gepraat met Hanna Kotze, ‘n kliniese maatskaplike werker en traumaberader van die Baai.

Gavin Terblanche, David Bush en Takanori Hoshi vertel van die NHK TV-span van Japan se besoek aan Wupperthal.

In Vancouver is daar ‘n museum van persoonlike mislukkings. Goed waar dinge fout gegaan het, is daar te sien, met die storie waar die item inpas.

Lizaene Cornwall vertel vir Martelize Brink van die Panthera Africa grootkat-toevlugsoord by Stanford, wat onlangs skade gelei het met die brande in die omgewing.

Al 49 jaar lank weet almal van Kariega wie Winston en Marlene Wong is, want dit is hoe lank die egpaar se Dragon Inn die inwoners met smullekker Chinese wegneemetes bederf. Noudat die Wongs nader aan tagtig as sewentig is, het Marlene al soort van legendariese status bereik. Mariska Spoormaker het gaan inloer.

Dr. Willem Botha praat oor Germaanse naamgewing, en die ideale en beginsels wat ouers in hulle kinders wou vaslê.