Driesestig

Velia Davids vertel vir Johan Rademan en Martelize Brink van die kosnood op die strate Kensington, Maitland, Vasco en Goodwood, en die voedingskema wat sy bestuur om die probleem aan te pak.

Vanessa Clarke vertel van haar poging om jongmense betrokke te kry by rotsklim as sport, en om kompeterende atlete te ontwikkel vir die Olimpiese en Paralimpiese Spele.

Caren Kearley is ‘n digter wat by die dood omgedraai het ná ‘n ernstige motorongeluk. Haar herstel is moeisaam, en sy gebruik skryf as terapie om weer die lewe aan te pak. Sy is ook deel van Poetry Jam se First Fridays-projek, wat een maal ‘n maand in die Riebeekvallei se amfiteater plaasvind. Johan Rademan het met haar gesels.

Johan Bouwer praat oor die bruinsprinkane in die Karoo uit die oog van ‘n herlewingsboer.

Rachel Wall vertel van die Stilbaai Sakekamer wat vereer is as die AHI se Sakekamer van die Jaar in die Wes-Kaap.

Rudi van der Westhuizen vertel vir Martelize Brink van die rol wat judasbokke by abbatoirs speel.

Agri-Expo, die oudste landbougenootskap in Suid-Afrika, vier vanjaar sy 190ste bestaansjaar. Tydens hulle spesiale vieringe op die landgoed, Cavalli, buite Stellenbosch is prominente landbourolspelers vereer, en opwindende planne vir 2022 aangekondig. Haidee Muller-Isaacs was daar.

Johann van Niekerk vertel vir Martelize Brink hoe die vlaag bedankings wat op hande is, ‘n geleentheid bied om ‘n onderneming te herskep.

Ant Rachel Fortuin vertel vir Haidee Muller-Isaacs van Kylemore se geskiedenis, en hoekom sy haar hartsplek met 'n lappieskombers vergelyk. Haidee hoor ook dat Kylemore se mense mooi sing omdat hulle putwater drink, en dan is daar 'n vermaaklike storie oor hoe die mense glo desjare daar leer swem het.

Nadine Cloete gesels met Martelize Brink oor ses Suid-Afrikaanse filmprojekte wat saam met Netflix aangepak word.

Die hoenderbedryf is die tweede grootste, naas die mieliebedryf, in die Suid-Afrikaanse voedelmark. Daar word 4-miljoen hoenders per dag geslag om te voldoen aan die vraag na dié gesogte vleissoort. Izaak Breytenbach van die Suid-Afrikaanse Pluimveevereniging vertel vir Jacqui January van ons grooooot liefde vir hoendervleis.

Maarten Laubscher gesels met Martelize Brink oor die Lighthouse Bros se aanslag om avontuur te gebruik om ‘n verskil te maak in die lewe van jong mans.

Die leerlinge van Hoërskool Despatch jubel nadat Kosie Smit, hulle fisiese natuurwetenskappe onderwyser, uit 700 genomineerde onderwysers landwyd deur Solidariteit se Onderwysgilde as die Hoërskool-onderwyser van die Jaar aangewys is. ‘n Paar van die leerlinge het vir Mariska Spoormaker vertel hoe hulle voel.

Zonja Penzhorn gesels oor die term, geslagsgebaseerde geweld, wat die werklike geweld verdoesel.

Daagliks hoor ons op sakenuusverslae en lees ons in sakeverslae woorde waarmee ons nie vertroud is nie of nie weet wat dit beteken nie. In GeldGids se nuwe reeks, GeldAlfabet, verduidelik ons paneel kundiges die algemeenste sakeverwante woorde, van A tot Z, en die betekenis daarvan. Ons paneel kundiges wat geldverwante begrippe onder die letter I bespreek, is Niek van den Berg, en Eduan Basson, ve...

Anel Stofberg praat oor toegang tot die werksmag vir mense met gestremdhede.

Haidee Muller-Isaacs gesels trekkers en nogmaals trekkers met oom Hannes Rheeder van Kraaifontein.

Linda Diedericks vertel vir Johan Rademan en Martelize Brink van die Rijksmuseum in Amsterdam se uitstalling oor slawerny in die Nederlandse koloniale era, wat Suid-Afrika insluit.

Sylvia Vollenhoven vertel van die musiekteater, Krotoa Eva van de Kaap, wat amper deur die Covid-vlugverbod in die wiele gery is.

Laverne Stebbing gesels oor die rol van vrywilligers in die stryd teen MIV en Vigs.

Prof. Francois Roets praat oor die vordering in navorsing oor die stompkopkewer wat die bome teister.

Samara Cloete praat oor Suid-Afrika se digitale mededingendheid.

Marina Clark gesels met Johan Rademan en Martelize Brink oor die realiteit van die regte van mense met gestremdhede.

Dr. Etienne van der Walt praat oor neurogedrag in die werkplek.

Wendy Pekeur praat oor plaaslike gemeenskapsorganisasies en gemeenskapsreaksie op geslagsgebaseerde geweld.