Driesestig

Dieselwerktuigkundige Dries Myburgh het Haidee Muller-Isaacs tydens die Oppiwater Kunstefees ontmoet. Hy vertel vir haar van sy verlede in die weermag, sy werk aan treine, sy liefde vir ou musiek, en sy derde kans op die liefde.

Amira Willighagen gesels met Martelize Brink oor haar sangloopbaan, beplande wêreldtoer en die konsert om haar 18de verjaarsdag te vier.

Evelin Gerritsen gesels met Martelize Brink oor die Hanover Park Verewig-projek.

Dr. Eugéne Viljoen praat oor fopdossers en waarom mans in “drag” verskyn.

Filmmaker Etienne Fourie vertel vir Johan Rademan hoekom hy die draaiboek van die rolprent, Stiekyt, geskryf het. Dit handel oor ‘n akteur wat in die geheim by ’n sukkelende fopdosserklub werk. Hy moet veg vir die behoud van sy huwelik nadat sy vrou hom daar betrap. Hy moet ook die optrede van sy lewe gee om agterdog oor die dood van sy kollega uit die weg te ruim.

Beleggers is gewoond aan beleggings in eienkomme, aandele, effektetrusts, waardevolle kuns, wyn, munte en vele meer. Maar wat van beleggings in groenenergie en -infrastruktuur? Hiermee kan jy help om vooruitgang in gemeenskappe te bevorder en die ekonomie aan te help. Jacqui January het meer hieroor gaan uitvind, en hoor toe van ‘n suksesstorie in ‘n klein gemeenskap in die Oos-Kaap.

Ross Kettles het ‘n meestersgraad in leeuhervestiging, en sy vrou ‘n doktorsgraad in olifantkontrasepsie en -gedrag. Hy woon deesdae aan die Suidpunt van Afrika, en bestuur die fyn lyn tussen bewaring en ontwikkeling in ‘n komplekse boerdery- en waterstelsel in die Elim-omgewing.

Skouperdliefhebber Kobie Smit vertel van sy liefde vir sy perde en spesiale donkies met die kolle. Hy wys vir Haidee Muller-Isaacs sy donkiekar met die naam, Boerepompie, wat spog met 'n braai, ‘n toilet en diskoligte!

Martelize Brink gesels met prof. Annie Bekker van die Universiteit Stellenbosch se Departement Meganiese en Megatroniese Ingenieurswese. Sy is direkteur van die Klank- en Vibrasienavorsingsgroep, en is tans deel van die internasionale Endurance 22-ekspedisie in Antarktika wat die Endurance-wrak gevind het.

Louis de Jager, die kleinseun van die legendariese visvanger, Sarah de Jager, is 'n uithaler duiker. Hy werk op die olie-en-gas-pypleidings in die Arabiese Golf, maar het ook al in Angola en Nigerië geduik. Tydens die Covid-19-inperkings kon hy nie vlieg nie, en het dié bebaarde man ‘n koffiewinkel in Durbanville oopgemaak. Johan Rademan het met hom in Pampoenkraalstraat gesels oor die bedryf waar...

Dieetkundige Carien Meyer gee praktiese wenke oor hoe om na jou liggaam te luister wanneer dit by kos kom.

Prof. André Wessels vertel vir Johan Rademan en Martelize Brink van die SA Vloot se geskiedenis oor 100 jaar.

Sanger Patricia Lewis en Mara van den Bergh, Jody Wayne se agent en bestuurder, deel hulle herinneringe aan Countrysanger Jody Wayne wat in die ouderdom van 77 oorlede is.

Liela Magnus vertel vir Johan Rademan en Martelize Brink hoe sy haar lewe as joernalis by die SAUK verruil het om ‘n restaurant op die platteland te bedryf.

Willem Pietersen het van die harde werk in die wingerde as ‘n plukker en snyer in die seisoentyd, tot ‘n wynmaker gevorder. Op ‘n klein wynplasie moet jy egter bereid wees om alles te doen. Jy snoei, maal, ry die trekker en laaigraaf, pars die druif en fermenteer die sap tot die eindproduk. Johan Rademan het in die Elimdistrik by Black Oyster Catcher ingeloer en met hom gesels.

Jeannine van Straaten vertel vir Martelize Brink van die Buy South Africa-toekennings as deel van Trots SA.

Prof. Nico Gey Van Pitius vertel vir Martelize Brink van die Universiteit Stellenbosch se Sentrum vir Epidemie-reaksie en -innovasie wat deur MIT vereer is.

Annelie Reynolds vertel vir Martelize Brink van die uitdagings om skoue en uitstallings te reël, gegewe die Covid -19-regulasies. Sy vertel van die verskillende stategieë om die uitdagings aan te pak.

Jeanine Boshoff praat oor leer as ‘n duursame opsie vir luukse meubelstukke.

Martelize Brink gesels met Yasheen Johaar die Hanover Park Verewig/Forever-uitstalling.

Op die vakansiedorp Jeffreysbaai het Mariska Spoormaker 'n man in die fleur van sy lewe ontmoet, wat 'n stokou beroep beoefen. Sy naam is Markham Geswint, en op 46-jarige ouderdom is dit sy voltydse beroep om opwenhorlosies te herstel, veral die staanhorlosie of die Grandfather Clock soos dit in Engels genoem word.

Haidee Muller-Isaacs het Willie Schmidt van Stellenbosch in sy hoenderhokke aangetref. Hy vertel haar van pluimveeboerdery, en hoe lief hy vir sy hoenders is. Willie spog met meer as 90 verskillende hoenderrasse in sy hokke.

Wêreld Natuurlewefonds (WWF) en die Universiteit van Pretoria se Walviseenheid smee kragte saam om navorsing oor Noordkapperwalvis uit te brei. Die verwarming van die oseaan het 'n beduidende uitwerking op die aantal walvisse wat Suid-Afrika besoek. Martelize Brink praat hieroor met dr. Morne du Plessis van die WWF.

Jacqui January kyk na die uitdagings vir opkomende boere om tot die saffraanbedryf toe te tree. Sy hoor watter ondersteuning daar is vir boere wat op ‘n klein skaal met hierdie duur spesery wil boer.

Marlise Beyers is ‘n wynmaker van Suid-Afrika wat dwarsoor die wêreld wyn maak. Sy woon in Toronto, Kanada, waar haar man werk.