Driesestig

Hendrik Pohl vertel vir Martelize Brink van potboomtegnologie, wat onder andere gebruik maak van weefselkultuur om plante te vermeerder in ‘n laboratorium onder steriele omstandighede.

Haidee Muller-Isaacs het by 'n taksidermie-fabriek op Oudtshoorn gaan inloer om meer uit te vind oor hierdie bedryf.

Riaan van der Walt vertel vir Martelize Brink van Die Fynbosvisprojek om Clanwilliam se sandvis van uitwissing te red.

Leon Greyvenstein vertel vir Martelize Brink hoe petrol van steenkool gemaak word.

José Gómez en Roma Ferreira vertel vir Martelize Brink van die Hibachi-braai, oorspronklik uit Japan, se gewildheid wat vlamvat in Suid-Afrika.

Isabel Groesbeek vertel vir Martelize Brink van 'n Genealogie- en Familiefees, en ons hoor van families wat verteenwoordig word.

Komediant Francois Boyce vertel vir Martelize Brink hoe hy daarby uitgekom het om mense te laat lag, en hoe die Hoezit Samelewing gebore is.

Lewenslesse is oral te leer - in ons allerdaage lewe en in die natuur. Vandag hoor ons van ‘n paar lesse vir kinders uit die oseaan deur middel van ‘n toneelopvoering deur werklose jongmense.

Francois Pienaar gesels met Martelize Brink oor Suid-Afrika se gereedheid en betrokkenheid in die Metaverse.

Berné van Zyl praat oor entrepreneurskap, haar loopbaan en die fiksheidsprogram wat sy op televisie aanbied.

Madi van Schalkwyk vertel vir Martelize Brink van die A STRANGER KIND-organisasie (ASK) wat mense aanmoedig om oop gesprekke met vreemdelinge te hê. Mense met buitengewone ervaringe stel hulle beskikbaar sodat mense hulle kan uitvra om ander perspektiewe op situasies te kry.

Emma Reinke vertel vir Martelize Brink van haar ervaring as transgender vrou.

Martelize Brink verken die LGBTQI+ alfabet in ‘n reeks van 4 episodes. In die eerste deel bied internasionaal gesertifiseerde seksuoloog dr. Elmari Mulder-Craig ‘n oorsig en agtergrond van die seksualiteitspektrum.

Haidee Muller-Isaacs kuier op die granaatplaas van Gerhard en Marita Meyer tussen Oudtshoorn en Calitzdorp, waar sy meer leer oor die granaatproduksie-proses in die fabriek.

Afgetrede admiraal Arne Söderlund vertel vir Martelize Brink van sy private vlootversameling.

Mihan Louw vertel vir Martelize Brink hoe hulle saad en kundigheid tot opkomende boere se beskikking stel.

Die Ystermankompetisie is die inisiatief van ‘n Kaliforniese paartjie in die middel jare sewentig. Intussen is daar wêreldwyd reeds verskeie weergawes van hierdie kompetisie aangebied. Jacqui January hoor van ‘n jong vrou met Meervoudige Sklerose wat dié naweek aan die Ystermankompetisie deelneem.

Veronika Olivier vertel vir Martelize Brink van haar kunswerke van herwinde materiaal, wat baie gewild oorsee is. Haar eerste plaaslike solo-uitstalling vind binnekort plaas.

Theresa Wessels vertel vir Martelize Brink hoe sy haar stensilstokperdjie in ‘n onderneming verander het.

Clement October en Raymond Siebrits gesels met Johan Rademan en Martelize Brink oor Clement se rol as hoofkaasmaker by Klein River Cheese. Hy vertel van sy pad met kaas, en ons proe die kaas waarmee hulle verlede jaar ‘n gouemedalje by die Wêreld Kaastoekennings in Spanje gewen het.

Christa Kleynhans is passievol oor haar werk in die onderwys. Sy vertel vir Haidee Muller-Isaacs van die pad wat sy stap nadat bipolêre gemoedsversteuring by haar gediagnoseer is. Sy skryf haarself as't ware “skoon” as haar kwel. Dit het gelei tot 'n boek oor haar kondisie.

Sarene Nel praat oor leierskap in ‘n post-Covid-periode.

Richard van der Westhuizen gesels met Johan Rademan en Martelize Brink oor sy grootword wêreld en loopbaan. Hy sing ook ‘n paar liedjies.

Danny de Nobrega gesels met Johan Rademan en Martelize Brink oor die afgelope brandseisoen, en die werwing van vrywilligers.

Adele du Toit vertel vir Johan Rademan en Martelize Brink van die verskil tussen tee en tisane, soos Rooibos, en die fyner details van geurprofiele.