Driesestig

Dawie Botha vertel vir Johan Rademan en Martelize Brink van Welkom, die sirkelstad.

Op die plaas Mooigedacht, hoog in die Oos-Kaap se Kougaberge, het Mariska Spoormaker boervrou Carine Strydom ontmoet, wat haar passie vir veldherstel en die uitroei van indringerbome uitleef.

Iana Strydom vertel vir Johan Rademan en Martelize Brink vanb Spoorstories wat op SABC 2 te sien is.

Veearts dr. Coetzee de Beer vertel van die siekte wat hase en konyne deesdae tref.

Haidee Muller-Isaacs kuier by professionele nar en sanger, Sjaka Septembir. Sjaka is 'n veelsydige en talentvolle kunstenaar, wat vir haar meer vertel van wat hy alles doen.

Martelize Brink gesels met Linda Potgieter wat ’n Guiness-wêreldrekord opgestel het vir die meeste rekspronge in ‘n uur. Sy het 23 gedoen.

Prof. PW van der Walt verduidelik vir Martelize Brink hoe radar werk.

Haidee Muller-Isaacs loer in op Wellington by akteur Chris van Niekerk se winkeltjie propvol antieke ware. Sy is huistoe met 'n paar ou plate van haar gunsteling sangers.

Wêreld Toiletdag word op 19 November herdenk. Martelize Brink gesels met prof. Eugene Cloete oor grondwater en behoorlike sanitasie om waterbronne te bewaar.

Karen Meiring gesels oor die behoefte om oor die musiekbedryf in Suid-Afrika te praat.

Lika Berning praat oor entrepreneurskapsontwikkeling in die plattelandse filmbedryf.

Dr. Ida du Plessis-Faurie vertel vir Johan Rademan en Martelize Brink hoe ouers hulleself kan voorberei wanneer ’n vroeë geboorte verwag word.

Neil Sandilands gesels oor sy loopbaan as akteur, en hoe hy begin musiek maak het.

Daniela Marais vertel hoe jy veilig kan wees op TikTok.

Prof. Egmont Rohwer praat oor lugskepe, en hoe veilig helium vir hierdie doel is.

Nadia Schrenk gesels oor haar werk as dierefisioterapeut.

Haidee Muller-Isaacs was op die stel van 'n nuwe rolprent wat gemaak word van Deon Meyer se boek, Proteus. Cobus van den Berg en Jorrie van der Walt vertel van die uitdagings, planne beraam wanneer die weer sleg is, en watter groot verskil begrotings maak. Fliekmaak is een groot legkaart wat konstant ontwikkel, sê hulle.

Elré Clarence vertel vir Martelize Brink van die uitdagings wat diabetes vir kinders inhou.

Dr. Danie Malherbe vertel vir Martelize Brink hoe gis werk.

Die Stigting vir Bemagtiging deur Afrikaans is vanjaar 30 jaar oud. Haidee Muller-Isaacs gesels met professor Michael le Cordeur oor die projekte wat hulle aanpak om gemeenskappe te bemagtig, en veral die chemie-projek waarby hy nou betrokke is.

Neil Swart en Anouchka Horn vertel vir Martelize Brink hoe hulle fynproewerkos op groot skaal maak.

Mariska April, Christoff en Ilse Pauw gesels oor hulle ervaring as lede van die Libertaskoor.

Martelize Brink gesels met ‘n vroue bierbrouer van Pretoria, wat gevra is om haar vaardighede in die Swartland ten toon te stel. Angelique Kieser was ‘n argitek wat tydens die grendeltydperk besluit het bierbrou is haar ware passie.

Eric R. Kok gesels oor sy loopbaan as skrywer, filmmaker en gemeenskapsaktivis. Sy rolprent Liesbet is onlangs met vyf toekenings by die Thokoza-filmfees vereer.

Theo Kleynhans gesels oor sy aanslag tot keramiek, en hoe sy werk hom ses maande van die jaar na Spanje neem.