Driesestig

Esme du Toit praat oor gasveiligheid in die huis, en die moets en moenies met die gebruik daarvan.

Wanri Venter gesels oor haar loopbaan as hokkieskeidsregter. Sy was in beheer van die eindwedstryd van vrouehokkie by die Statebondspele.

In Despatch se Reservoir Hills ry ‘n mens met ‘n lang kronkelpad – die naam is Versoeningspad - teen die steilte uit verby ‘n wêreld vol van opslaanhuisies. Mariska Spoormaker het dié pad gery om uit te kom by die klein huisie met die groot gemeenskapshart, waar Monique Haven gevestig is. Elma Saalman, stigter van dié nie-winsgewende organisasie, verduidelik hoekom dit stand gekom het.

Rachelle Best praat oor die voordele van videospeletjies vir kinders.

Martelize Brink gesels met dr. Marinda Kruger op Elgin oor haar entrepreneurskap as tiener, haar loopbaan as voedseltegnoloog, haar doktorale tesis, risiko’s neem in haar vyftigs, en die avontuur wat vir haar voorlê as wynmaker in die bekende Napavallei in Kalifornië.

Jacqui January hoor van ‘n gefokusde nie-regeringsorganisasie wat daarna streef om ’n positiewe rol te speel in die transformering van landbou. Hulle bied hulp met ontwikkelingstrategieë om doelwitte te bereik.

Dr. Carel Stander vertel van die Hugenote Gedenkskool en die Marie Luttig-gedenklesings.

Suzaane Burger vertel vir Martelize Brink van haar mobiele hondesalon. Ons hoor wie dit besoek, en die dienste wat daar aangebied word.

Aubrey Williams vertel vir Martelize Brink van wolduvets uit die Karoo.

Prof. Josef de Beer en Gasant Gamiet praat oor ‘n kodering- en robotikaklub om onderwysers in minder gegoede gebiede te help om skoliere toegang tot die jongste tegnologie te gee.

In die Addo-olifant Nasionale Park is die veldwagter Gibson Thambo ná 39 jaar diens in dié Oos-Kaapse park, geloof vir die wyse waarop hy sy jarelange veld- en dierkennis aan die jonger geslag veldwagters oorgedra het. Gibson, wat nou afgetree het, het tydens sy afskeidsfunksie met Mariska Spoormaker oor sy loopbaan gepraat.

Willemien Jooste vertel vir Martelize Brink van die Mongoolse Derby-uithourit wat sy gewen het. Sy het 1000 km met half wilde perde oor agt dae afgelê, en die mans in die stof laat byt.

Salvin Hirschfield gesels met Martelize Brink oor die Aspoestertjie-steaksnitte en hoe om dit voor te berei.

Elize Parker van Four Paws gee terugvoer oor die vrylating van vyf leeus wat in Europa gered is.

Die Shackbouer en opvoedkundige sielkundige, Quinton Adams, vertel vir Haidee Muller-Isaacs hoe hy Soebatsfontein ervaar het toe hulle daar vir Oupa Dries en Ouma Dina 'n huisie gaan bou het.

Hoe kan ‘n gemeenskapsondersteunde landbouprogram begin word? Boere, verbruikers, wetenskaplikes en beleidmakers kan almal saamwerk om nuwe landbougeleenthede en gewasse te help vestig. Jacqui January vertel van landbougrondhervorming en inisiatiewe om vennootskappe te bou.

Elize Parker vertel van vyf leeus wat in Europa gered is en vanmiddag in Suid-Afrika aangekom het.

Lize Maritz praat oor uitbranding by vroue en veral by ma’s.

Geregistreerde dieetkundige en voedingsterapeut Carien Meyer gee vir Martelize Brink praktiese raad vir werklike randrekkerkos.

Die 78-jarige Francette Roux vertel vir Martelize Brink haar lewensverhaal as ‘n transgender vrou, en die besluite wat sy as tiener moes neem.

Boervrou Elmarie Thöle vertel vir Martelize Brink van die uitdagings van boerdery, en die planne en ander besighede wat oor die jare ontwikkel moes word om die pot aan die kook te hou, wanneer droogtes of brande jou van ‘n oes beroof.

Dieuwke-Jean Linee vertel vir Martelize Brink van haar kuns en ‘n uitstalling van sketse van sterk vroue saam met gedigte van dr. Diana Ferrus.

Beurtkrag kan dodelik wees vir jou troetelreptiele of -visse in ‘n akwarium, het Mariska Spoormaker gehoor toe sy Deon Greyling by die Kraaines Troeteldiersentrum op Despatch raakgeloop het.

Frikkie Vermeulen vertel vir Haidee Muller-Isaacs van sy ouma se Wat Sal Doen-kos, sy grootworddae as plaaskind en sy dae as polisieman.

Dawie Burger vertel vir Martelize Brink van ‘n projek in die Sederberge, waar sederboomsaad met behulp van hommeltuie versprei word.