Driesestig

Werner Jerling vertel van siviele ingenieurs se rol in munisipale infrastruktuur en behuisingsprojekte.

Haidee Muller-Isaacs gesels met die akteur en kunstenaar, John B. Swart. Hy het sy internasionale debuut gemaak in PLANET OF THE SHARKS en was ook in die HBO-program, RAISED BY WOLVES. Plaaslik was hy te sien in BOLAND MOORDE en ANDER MENS. Ons hoor hoe die hond, Tjoppie, John se lewe gered het nadat hy in 'n ernstige motorongeluk was 'n paar jaar gelede.

Louis Holtzhausen vertel van ‘n kinderspanningsverhaal wat die belangstelling in skaak aanwakker.

Martelize brink loer in by Laerskool Wynland op Worcester op die vooraand van die aanvang van die nuwe skooljaar. Skoolhoof Liezel van der Westhuizen sê hulle is gereed vir die nuwe jaar se uitdagings en suksesse.

Martelize Brink gesels met Arné Stander, entomoloog by Babylonstoren, oor die belang van insekte en hoe om hulle tuis te laat voel in jou tuin.

Omdat Carike Keuzenkamp so lekker sing oor Sarah de Jager, het baie meer Suid-Afrikaners vertroud geraak met hierdie legendariese vrou, wat veral op Hentiesbaai so goed kon vis uittrek. Nou lyk dit asof 'n hoërskoolonderwyseres van Despatch, die 25-jarige Monique Jonck, dalk eendag in Sarah-se voetspore sal kan loop. Mariska Spoormaker het gaan hoor.

Joernalis Julian Jansen gesels oor sy loopbaan, hoe hy misdaadboeke skryf, en hoe hy die inhoud en op-die-toneel-verslaggewing as mens verwerk.

Pedro Alvez van die Advanced School of Locksmithing vertel van die geskiedenis van sleutels, nuwe tegnologie, en wat die skool aanbied.

Haidee Muller-Isaacs gesels met Leoni Fourie oor die Klein Karoo Leessentrum, en wat dit vir die kinders op Matjiesrivier buite Oudtshoorn beteken.

Martelize Brink gesels met paaldansinstrukteur Madelize van Schalkwyk van Pole Dance Cape Town oor paaldans as ’n sport. Sy verduidelik hoe die paaldans wêreldkampioenskap werk waar Chantal Cornelissen onlangs in Italië goud gewen het.

Martelize Brink en Johan Rademan gesels met die nuwe generasie balletdansers in Suid-Afrika, Carmi Landsberg (14 jaar oud) en Josh Williams, lede van die Mzansi Balletskool.

Al jare lank moet akademici, uitgewers en nuusredakteurs hulle storie ken om plagiaat in skryfwerk te herken, maar nou is daar ChatGPT,’n kragtige kunsmatige intelligensie bot wat sake lelik kan omkrap. 'n Kommunikasiekonsultant en joernalis van Nelson Mandelabaai, Ed Richardson, glo dit sal 'n onomkeerbare invloed op die mediaveld hê. Mariska Spoormaker het meer gaan uitvind.

Lizz Meiring gesels oor haar insameling van drag vir 'n kleremuseum. Sy soek alle klere en bykomstighede van die 1800’s tot vandag.

Martelize Brink kuier aanhuis by skrywer en kultuuraktivis Elias P. Nel in Kraaifontein, en bespreek sy loopbaan en die groot taak om die rieldans te laat herleef.

Haidee Muller-Isaacs praat met prof. Jean Greyling van die Nelson Mandela Universiteit. Hy koordineer, in samewerking met die Leva Stigting, die Tangible Africa-projek. Hulle fokus is om onderwysers en leerders voor te berei vir die toekomstige kodering- en robotika-kurrikulum vir skole.

Tershia de Klerk van die National Freedom Network en die Joseph Movement praat oor die wettiging van prostitusie, of te wel sekswerk.

Dawie Botha vertel van die interessante geskiedenis van die damme bo-op Tafelberg.

Martelize Brink praat met Johan Oldenburg om te hoor hoe dit met die vlugtelinge uit Oekraïne gaan, wat hy gehelp het om na Nederland te vlug. Sy gesels ook met een van die vlugtelinge wat ‘n nuwe lewe in Nederland moes vestig.

Dr. Hanneline Smit-Robinson, die bewaringsbestuurder van BirdLife South Africa, gesels oor nuwejaarsvoornemens vir voëlkykers.

Daar is net twee soort mense - dié wat ‘n Alfa ry en mens wat nié ‘n Alfa ry nie. Só sê die Baaienaar Andrè Walters wat in 1981 die OP Alfa Romeo Klub saam met Ian Vrey gestig het. Meer as 40 jaar later is dié klub nog baie aktief, al is daar nie meer 'n Alfa Romeo-handelaar in Gqeberha nie. Mariska Spoormaker wou by André weet hoekom sy hart so Alfa klop.

Christiaan Erasmus, ‘n leefstylontwerper wat lank in Istanboel gewerk het, vertel van leer wat van olywe gemaak word.

Leon Klein se pad met lang Covid. Leon moes weer leer loop, en sterk steeds aan. Haidee Muller-Isaacs het gaan uitvind hoe dit deesdae met hom gaan.

Martelize Brink gesels met Marinda van der Nest, ‘n erfenisbewaringstudent wat pas haar meestersdissertasie ingedien het oor ’n ontleding van handgemaakte papier van olifantmis en die mis van ander herbivore.

Martelize Brink gesels oor gewetensverbruikers met Paul Colditz van Fairtrade Afrika. Hy verduidelik wat ‘n “conscious consumer” is, en hoe jy meer ingeligte besluite as verbruiker in die nuwe jaar kan maak.

Hein Cooke, ‘n metalurgiese ingenieur, vertel van ‘n beurs wat deur sy alma mater, Richardsbaai Hoërskool, aan hom toegestaan is, en hoe hy die “pay it forward” klousule van die ooreenkoms gaan nakom.