Driesestig

Die Protea-vrouekrieketkaptein, Suné Luus, gesels oor haar loopbaan en die span se vordering in die T20-Krieketwêreldbeker.

Lazyja Steyn, Lomar Steyn en dr. André Hattingh vertel vir Johan Rademan van die hulpverlening wat Pediatric Care Africa bied aan kinders in nood. Hulle is tans op ‘n 7000 km lange motorfietstoer van Suid-Afrika om geld in te samel.

Dawie Botha vertel vir Johan Rademan van drie bergpasse in die Oos-Kaap.

Praat van 'n ouer garde met 'n groot liefde vir voetslaan, dan praat jy van die lede van die Natura Klub waarvan die meeste 70 jaar en ouer is. Elke Maandag kom hulle vanuit Despatch, Kariega en Gqeberha byeen om vir die volgende paar uur 'n voetslaanroete in die natuur te volg. Mariska Spoormaker het op ‘n Maandag by hulle gaan inval, en is deur een van die stappers, Justine Topkin, verwelkom.

Ruan Venter praat oor die korrelasie tussen jou persoonlikheid en jou werk. Hy vertel wat die simptome is wanneer dit nie bymekaar pas nie.

Haidee Muller-Isaacs gesels met pastoor Leon Prinsloo van die AGS Groot Brak. Hy preek al jare lank op RSG se Sondagprogramme. Haidee vind meer uit oor sy gemeenskapshart en grootwordjare in Tarka, Mosselbaai.

Botanis Rupert Koopman gesels oor voorstedelike plantbewaring, en die belangrikheid daarvan om stedelike stukkies natuur op te pas.

Prof. Jan Wium vertel vir Johan Rademan hoe jy ontwerp en bou om aardbewings te weerstaan.

Johan Nel vertel vir Johan Rademan van Breadline Africa, wat klasse en speelterreine vir voorskoolse fasiliteite bou. Vanoggend het hulle hulle duisendste stuk infrastruktuur by Pooh Bear Educare in Delft gebou.

Toe die Oos-Kaap Super 14 klubreeks vir die Kirkwood Rugbyklub wink, het die hele gemeenskap ingespring om hulle rugbyveld in top kondisie te kry, want ‘n goeie tuisveld is een van die vereistes vir deelname aan dié reeks. Nou spog die klub nie net met ‘n grasgroen veld nie, maar ook met ‘n vrou, Wilma Samson, as hulle visepresident. Mariska Spoormaker het gaan kyk hoe lyk die veld, en het toe die...

Reghardt Kühn en dr. Louié Kühn vertel vir Johan Rademan en Martelize Brink van die ontstaan van die Wynland Simfonieorkes, en die rol wat dit in die gemeenskap kan speel.

Haidee Muller-Isaacs gesels met Natale Roelofse, wat al sedert 1986 wedlope doen. Hy het al meer as 'n 1 000 wedlope voltooi en het meer as 76 000 km op sy klok gehad voor sy heupvervanging in 2019. Natale het al die hele Europa plat gedraf.

Chanté Swart gesels in skaars-siekte-maand oor Rare Diseases SA, en haar eie pad met ‘n skaars siekte.

Conrad Hicks gesels met Johan Rademan en Martelize Brink oor sy werk as kunssmit en grofsmit. Sy kuns is tans meestal in koper, en hy verduidelik hoe dit verskil waneer hy met yster en koper werk.

Die bestanddele vir bokkoms is jong harders, growwe sout en vars water. Die vis moet in die soutwatermengsel lê vir drie tot vyf dae, afhangend van die temperatuur. Die bokkombedryf is goed op dreef en maak ‘n verskil in die lewe van talle Weskussers. Amos Jantjies is ‘n voorman by een van die vishuise in Bokkomlaan op Velddrif. Jacqui January gesels met hom oor die verskillende groottes harders,...

Erfenisaktivis Mogamat Alexander gesels met Johan Rademan en Martelize Brink oor Kaapse Moslemafrikaans en sy woordeboek van leenwoorde. Hy is bekommerd dat hierdie variant van die taal kan uisterf.

Werner Jerling vertel vir Johan Rademan en Martelize Brink van die konstruksie van kusstrukture in die Oos-Kaap.

Haidee Muller-Isaacs besoek ’n paar blommeverkopers op straat in die Kaap, en 'n bloemiste in die Karoo om te hoor wat verkoop vir Valentynsdag.

Jandro Conradie vertel vir Johan Rademan en Martelize Brink van die ontwikkeling van Amerikaanse voetbal in Suid-Afrika, en ‘n toer na Maryland in die VSA later vanjaar waar hulle aan ‘n toernooi gaan deelneem.

Voëlteler Frederick Prins vertel vir Martelize Brink van dwergpapegaaie, of Lovebirds.

In Nelson Mandelabaai loop die lede van die Bethelsdorp Gemeenskapspolisiëringforum breëbors rond nadat hulle onlangs deur die Suid-Afrikaanse polisie as die beste gemeenskapsforum op nasionale vlak aangewys is. Karen Kemp, voorsitter van die forum, het vir Mariska Spoormaker gesê dit voel nou asof hulle harde werk ware erkenning geniet.

Prof. Francois Engelbrecht vertel vir Martelize Brink wat die osoonlaag is en hoe dit werk.

As bendelid het Yaseen Jasand Mohammed sy ma se hart gebreek, maar ná ‘n paar omgedopte jare ruk hy homself reg en maak deesdae opslae as Sasso Vlet, die rapper van Tiryville / Lapland. Feitlik al sy skeppings waarsku hoe maklik ‘n mens se lewe verkeerd kan loop. Sy jongste treffer, PLEK, TYD, handel juis hieroor. Mariska Spoormaker het hom gaan opsoek.

Chrisél Attewell vertel vir Martelize Brink van haar kuns, wat kyk na die skakel tussen die mens en die aarde.

Veelsydige Protea vrouekrieketspeler Anneke Bosch gesels met Johan Rademan en Martelize Brink voor hulle in die ICC T20 Vroue Wêreldbeker-openingswedstryd teen Sri Lanka te staan kom.