Driesestig

Fanie du Toit gesels met Johan Rademan en Martelize Brink oor sy radio-ervaring.

Krieketlegende Faf du Plessis gesels met Johan Rademan en Martelize Brink oor sy lewe op en van die krieketveld af.

Annelize Hartley (Annie soos sy bekendstaan) is ‘n kunstenaar wat engelvlerke van hout maak. Die verkope is egter nie watwonders nie. Sy is sieklik, en hoewel sy haar steeds daarmee besig hou, is dit die geld wat sy van weldoeners op straat kry, wat haar aan die lewe hou. Jacqui January het gaan kyk waar sy bly en wou by haar weet hoekom sy besluit het om engelvlerke te maak.

Oudomroeper Susan Booyens gesels met Johan Rademan en Martelize Brink oor haar dae by die radio.

Dawie Botha gesels met Johan Rademan en Martelize Brink oor Mpumalanga se kragstasies.

Een van die besonderse kenmerke van die Baai, is die 22 kilometer lange groen long wat deur die stad loop - die Baakensriviervallei. Deesdae is daar groot opgewondenheid oor ‘n waterval wat ontdek is toe digte indringersbos uitgekap is. Mariska Spoormaker het gaan kyk.

Iris Bester vertel vir Johan Rademan en Martelize Brink van haar 40 jaar agter die mikrofoon - van Jongspanatelejee en Vrouerubriek tot aanbieder van Spektrum.

Tinus Beukes van die Twee Oseane Akwarium vertel vir Martelize Brink van seekastaaings. Ons ken hulle skulpe as seepampoentjies.

Die NG Kerk op De Hoop was eens op 'n tyd die middelpunt van die landbougemeenskap sowat 14 km wes van Oudtshoorn. Omdat die gemeenskap mettertyd gekwyn het, en daarmee saam die gemeente, is dit later by die gemeente Oudtshoorn-Park ingelyf. Haidee Muller-Isaacs het daar gaan inloer.

Piet Coetzer en prof. Doreen Atkinson vertel vir Martelize Brink van die Vergete Hoofweg van 1000 km, vanaf Ceres en Tulbagh tot by Kuruman. Piet is besig om oor twee weke ‘n deel van die roete met sy perdekar af te lê.

Ilse du Toit gesels met Martelize Brink oor die potketel, en hoe brandewyn gemaak word.

Die Lubbe-broers van Carnavon kon sweis voor hulle vas kon skryf, vertel hulle vir Haidee Muller-Isaacs. Die broers het eers elkeen 'n draai oorsee gaan maak, en toe kom nesskop op Oudtshoorn, waar hulle hulle oupa Roy se liefde vir ysters laat voortleef. Haidee het het by hulle gaan inloer.

Elizma Oosthuizen vertel vir Martelize Brink van die Bobbies Veerpyltjieklub op Potchefstroom, en die gestremde span van die Amelia Nasorgsentrum se kampioenskappe.

Dianne du Toit Albertze vertel vir Johan Rademan en Martelize Brink van Gayle, ‘n gaykodetaal of sosiolek.

Elrie de Beer van First Care Wildfire Support verduidelik hoe hulle in gemeenskappe hand bysit, selfs wanneer daar nie 'n brand is nie.

Colleen Brocker praat oor die uitwerking wat naskoolse programme op die jeug se geestesgesondheid het.

Esther van Niekerk vertel vir Johan Rademan en Martelize Brink oor haar betrokkenheid by bemarking toe Radio Suid-Afrika herposisioneer is tot Afrikaans Stereo, en die oorgang na Radio Sonder Grense - nou RSG.

Namakwaland is die tuiste van die wêreld se kleinste skilpad, die Namakwa-spikkelpadloper. Daar is ook ‘n verskeidenheid van besondesre reptiele. Die omgewing is ‘n navorser se droom, en van die spesies is nog nie beskryf nie. ‘n Navorser wat langer as 40 jaar tussen die berge en klipkoppe van Namakwaland beweeg, is besig om ‘n navorsingsentrum daar te vestig.

Pieter Coetzer vertel vir Johan Rademan en Martelize Brink van die opleiding van bemanning in die kommersiële seevaartbedryf.

Johannes Haarhof vertel vir Johan Rademan en Martelize Brink van die spoorlyn tussen Gauteng en Maputo, wat as die Oosterlyn tussen Pretoria en Lourenco Marques gebou is.

Devan Kruger het al die Epic en Trans-Alpe per fiets aangepak. Hy en sy gesin woon buite Charlotte in die VSA, en hy vertel aan Johan Rademan in Beiere, hoe hy letterlik deur 'n dobbelspel daar beland het.

Celri Olley vertel vir Johan Rademan en Martelize Brink van ekofobie onder jong kinders.

Veearts dr. Ingrid de Wet gesels met Martelize Brink oor mediese versekering vir troeteldiere.

Die Shamwari-wildreservaat buite Gqeberha is 30 jaar oud. Die man aan die stuur van sake is Joe Cloete. Hy het 30 jaar gelede op hierdie wildsplaas begin werk as toergids. Hy vertel vir Haidee Muller-Isaacs van sy drome vir die behoeftige gemeenskap rondom die reservaat, en hoe hy wil help met werkskepping.

Wiskundewonderkind Stiaan Scheepers vertel vir Martelize Brink van die soort wiskunde wat hy doen, waarin hy brons gewen het by die Junior Wêreld Hoofrekenekampioenskap in Duitsland.