Driesestig

Daniel Kritzinger vertel vir Johan Rademan en Martelize Brink van ‘n internasionale groep avonturiers wat gaan poog om die eerste mense te word om die 3700 km lange Noordwes-deurgang, wat die Atlantiese oseaan en die Stille oseaan verbind, te roei. Daniel is die spandokter.

Elize Parker vertel vir Martelize Brink hoe om te werk te gaan met terapiediere by die werk.

Haidee Muller-Isaacs gesels met Cobus van den Berg, wat ’n lewe van syfers verruil het vir films maak.

Christiaan Erasmus vertel vir Martelize Brink hoe hy ‘n lewe in Istanboel verruil het vir twee jaar sonder krag en lopende water in Eswatini.

Dr. Angelique Kritzinger verduidelik vir Martelize Brink hoe fotosintese werk.

Tussen Helenvale en Bethelsdorp in die Baai se noordelike voorstede kan voetslaners deesdae die Khoi-staproete volg, en minstens ‘n honderd jaar in die geskiedenis terugloop. Jy kan selfs van die plaaslike Khoi-leierskap èn Dr. Wragtag ontmoet, het Mariska Spoormaker gevind toe sy soontoe gegaan het.

Michelle Greyvenstein vertel vir Martelize Brink van die vele gebruike van turksvye.

Hugh Amoore en Prof. Henk Geertsema vertel vir Johan Rademan en Martelize Brink van die Internasionale seëltentoonsteling wat binnekort in Kaapstad plaasvind.

Johan Fourie vertel vir Haidee Muller-Isaacs van sy grootworddae as plaasseun op De Hoop buite Oudtshoorn, toe die lewe nog sorgeloos was en hier nog water en ‘n groot landbougemeenskap was. Hy dink met heimwee terug, en vertel wat hy alles van daardie wêreld kan onthou.

Chris Badenhorst het al 45 motorfietse in sy lewe besit. Van al dié ysterperde het hy net vier gehou, wat hom na aan die hart lê. Johan Rademan het hom hieroor gepols.

Tim van Kratenburg vertel vir Johan Rademan en Martelize Brink van sy loopbaan as maatskaplike werker.

Verbruikers het gewoonlik ‘n redelike idee wat hulle regte is, maar die meeste van ons kan nie presies sê wat hierdie regte is, en hoe dit beskerm word nie. Iemand wat al jare lank verbuikers bemagtig en inlig oor hulle regte en verpligtings, is Ina Wilken. Jacqui January het by haar gaan inloer.

Heléne Brand vertel hoe GROW Educare Sentrums kleuterskooleienaars in gemarginaliseerde gemeenskappe help om hulle kleuterskole soos besighede te bestuur, om dit volhoubaar te maak.

Bob Pullen vertel van die Drakensbergprojek, wat sorg vir beide water en hidro-elektrisiteit.

Jo-Dolphin APD Swartland op Malmesbury is ’n dagsorgsentrum vir erg gestremde persone in die omgewing. Martelize Brink het by ’n fondsinsamling vir die sentrum uitgevind wat alles daar gebeur.

Gabriela Carolus praat oor die invloed van selfbeeld op eksamenprestasie.

Maryke Musson gesels oor seeperdjies.

Wat doen ’n veearts wat in beheer is van al die wild op 'n groot wildsplaas? Dis nie kinderspeletjies nie, maar as dit jou passie is, dan voel dit nooit soos werk nie. Dr. Johan Joubert kan soms lekker vir homself lag met dié dat hy, soos sy kollegas dit noem, 'n ongeluksvoël is.

Ernest Mnyaka vertel vir Martelize Brink hoe hy as ’n petroljoggie van Malmesbury ‘n digbundel die lig laat sien het. ‘n Tronkervaring het ‘n ommekeer in sy lewe gebring. Gey Kriek is sy werkgewer, en gesels saam oor tweede kanse.

Prof. Gert-Jan van Rooyen vertel vir Johan Rademan hoe ‘n mikrogolfoond werk.

Oudomroeper André Liebenberg vertel vir Johan Rademan van sy dae op radio.

Wickus Lubbe vertel van Suid-Afrika as ‘n mediese toerismebestemming.

Oudomroeper Marius du Plooy gesels met Johan Rademan en Martelize Brink oor sy radioloopbaan in sowel Suid-Afrika as Nederland.

Radiolegende Nic de Jager gesels met Johan Rademan en Martelize Brink op Afrikaanse radio RSG se 85ste verjaarsdag.

Sara van Rooi, stigerslid van die Prins Albert Rieldans-vastrappers, vertel vir Haidee Muller-Isaacs hoe sy die groep begin het. Sy leer vandag die jongmense op die dorp hoe om die ding te doen, en om hulle uit die kwaad te hou.