Driesestig

Daar mag van die luisteraars wees wat ons RSG-onderhoud van ‘n paar jaar gelede kan onthou met Johnson Ndlakuza, die Baaienaar met die groot hondehart. Toe het die ouderdom hom al krom getrek, maar hy wou net honde was en skeer. Vandag, op 84-jarige ouderdom, is Johnson steeds hiermee besig. Hy het aan Mariska Spoormaker verduidelik hoekom hy nog so aktief is.

Lizette Volkwyn vertel vir Phil Loots hoe jy direkteur van jou eie lewe kan word.

Annika le Roux vertel vir Phil Loots van haar onlangse ervaring in Antarktika.

Maggi Loubser vertel vir Phil Loots wat ons kan leer uit die samestelling van ‘n brons beeldhouwerk.

Haidee Muller-Isaacs kuier by Jan Conradie met ’n huis vol spoorweë-memorabilia. Jan was eers ’n stoker, en later drywer van die Bloutrein.

Hybré van Niekerk vertel vir Phil Loots van 'n ontdekking wat sy gemaak het oor die herkoms van die beeld, wat as dié van Krotoa voorgehou word.

Innovasie tot voordeel van individue en gemeenskappe is aan die orde van die dag by Nelson Mandela Universiteit se Sentrum vir Gemeenskapstegnologie. Die studente ‘n sensorboks ontwerp wat boere sal help om die grond- en klimaat-toestande te meet voor aanplanting. Mariska Spoormaker het gaan kyk hoe werk dit.

Nico van Heerden vertel vir Phil Loots hoe hy iemand gered het wat 62 uur onderwater in ‘n gesinkte boot vasgekeer was. Dr. Martin Muller verduidelik hoekom die persoon nie net na die oppervlak geneem kon word nie.

Haidee Muller-Isaacs gesels met skrywer Deon Meyer oor sy liefde vir die Karoo, sy grootworddae op Klerksdorp en dat Deon gedink het dit spook in die Meyers se huis in Italië. Haidee was tydens die opname in Oudtshoorn en Deon in Italië.

Ina Wilken is die nuwe voorsitter van GrysKrag, ‘n niewinsgewende diensorganisasie vir persone ouer as 50 jaar. Sy praat oor haar visie vir GrysKrag.

Rex Zietsman verduidelik vir Renske Jacobs hoe biobrandstof gemaak word.

Sal jy kan stilsit in jou huis wanneer ‘n blaasorkes verby loop en vrolike klanke om jou spoel? Die afgelope 18 jaar het die jong musikante van die Helenvale Brass Band en inwoners wat hulle deur die strate volg, ‘n bekende gesig geword. Mariska Spoormaker het ‘n oefening van dié gewilde orkes bygewoon.

Andries Bruyns vertel vir Renske Jacobs hoe hy didgeridoos maak en hoe dit klink.

Jacques Gombault vertel hoe hy toneelspel gebruik op bewustheid te skep en mense op te voed oor boeliegedrag.

Haidee Muller-Isaacs loer weer in by die uitkyk-tannie van Bellville, Tannie Poppie Weideman. ‘n Paar jaar gelede het Haidee by Tannie Poppie ingeloer nadat sy by die supermark langs haar woonstel gehoor het hoe sy haar ontferm oor die jongmense wat daar werk.

Almie Louis gee ‘n paar eenvoudige idees vir kersversierings.

Johny Klein deel sy herinneringe van Kerstyd in die Noord-Kaap.

Dawie Botha vertel vir Martelize Brink van Agulhas se vuurtoring.

Curt Baker is gebore en getoë op Mosselbaai in die Suid-Kaap. Deesdae is hy 'n bemarkingsbestuurder by die SABC in Kaapstad. Hy vertel vir Haidee Muller-Isaacs van sy skoolskoenprojek, en hoekom die kinders van sy tuisdorp hom ekstra na aan die hart lê. Hy het nog nie naastenby genoeg skoene ingesamel nie, maar die hoop beskaam nie, sê Curt.

Fundile Nene vertel vir Martelize Brink van haar grootwordjare in ‘n township tot waar sy haar LLB-graad met onderskeiding verwerf het.

Veearts dr. Ingrid de Wet praat oor troeteldiere en slangbyte.

As jong argitek in Nelson Mandelabaai het Bardy Badenhorst nie net inspirasie uit sosiale mediaplatforms geput nie, maar Instagram ook die elektroniese dagboek van sy ontwerpe gemaak, en dit daarna op Pinterest gedeel. Maar nou is Bardy klaar met enige sosiale media. Mariska Spoormaker het gaan hoor hoekom.

Paul Colditz praat oor Fairtrade, wat streef vir regverdigheid in die handelsomgewing.

Weet jy hoe voel dit om in ‘n feitlik leë opgaardam te staan wat ‘n metropool moet bedien? Retief Odendaal, die burgemeester van Nelson Mandelabaai, sal jou hiervan kan vertel. Hy het met Mariska Spoormaker gepraat.

Herman Bosman praat oor die rol van die staat en die burgerlike gemeenskap om menseroof te bekamp.