Driesestig

Daar is al na hom verwys as 'n dienaar van die struggle en die kansel. Haidee Muller-Isaacs gesels met die anti-apartheidsaktivis, dr. Llewellyn Macmaster, oor die lewe ná sy aftrede in 2024, en hoe hy homself besig hou.

Dale Steele het op 100 die VSA se oudste orgaanskenker geword toe sy lewer oorgeplant is.

Eben Lourens vertel van SAWDN, ‘n netwerk van vrywilligers wat opgelei is om verstrengelde walvisse te red, deur toue en nette los te sny.

Dr. Willem Botha praat oor Hebreeuse name onder Afrikaanssprekendes, soos Elia en Elias, wat Ellis geword het. Ons praat oor Daniël wat Dail geword het, soos die beroemde Springbokvleuel, Dail Williams, en Joachim wat Joggem geword het, soos Joggem van Bruggen, die Afrikaanse skrywer.

Die Bank van Engeland het besluit om die afbeeldings van mense soos William Shakespeare en sir Winston Churchill op hulle banknote te vervang met diere. Daar is nog nie op spesifieke diere besluit nie. Diere-afbeeldings sal help om vervalsing te bemoeilik.

Die Goodnow-saal op Wellington spog met 'n ryk geskiedenis. Tien jaar gelede het die historiese gebou afgebrand. Hulle besonderse Steinway-klavier is erg beskadig. Die saal is gerestoureer, en die klavier is intussen herstel. André Terblanché, hoof van die Breytenbach Sentrum op dié Bolandse dorpie, vertel van die organisasie se konsertreeks wat nou in hierdie saal plaasvind. Hy brei ook uit oor d...

Kos- en kultuurhistorikus Hetta van Deventer-Terblanche praat verder oor hoe om jou eie speserymengsels te maak. Jerk en Japanese sewespesery is aan die beurt.

RSG se programbestuurder, Kobus Burger, en Eddie de Jager van die dramadepartement gesels oor die RSG-radiodramaslypskool in Kaapstad.

Meer as 2 000 koningin-tuinmiere is op Nairobi in Kenia se lughawe gekry op pad China toe. Dit was bestem vir die troeteldierhandel in Europa en Asië.

Johan Rademan gesels met Pierre-Jean Gerber oor Dirk Ligter se monument in die Ceres-Karoo, Indwe en die Ida-kerkie in die suide van die Drakensberg.

Kaasmaker Clement October vertel van Klein River Cheese se handgewasde Gruberg-kaas, wat in New York se deli’s te koop is.

Dieetkundige Valpré Huisamen praat oor melatonien wat help met slaappatrone. Dis egter nie ’n langtermyn oplossing nie.

In China is 10 gram se goudkorrels in ‘n geslagte eend se maag gekry. Dis sowat R29 000 werd.

Heidi van der Merwe vertel vir Martelize Brink sy was besig met ’n solo-motorfietsrit deur Afrika saam met haar hond, Harley, toe oorlog haar genoop het om eers huistoe te kom.

Dr. Mandie Uys praat oor die antieke Chinese, hulle porselein, en die geheim van hoe om dit te maak wat so lank bewaar is.

‘n Lys van vreemde dinge wat in die VSA op vliegtuie agtergebly het, sluit goed in soos ’n bioniese knie, ‘n goudstaaf, ‘n vere strikdas, ‘n deel van ’n meteoriet, ‘n stel vergulde gholfstokke.

Pierre Smit vertel vir Martelize Brink van sy ervaring in Antarktika en besoek aan die Suidpool. Al was dit somer was dit -35 grade Celsius.

Haidee Muller-Isaacs gesels met Vredendal se Leigh Kordom oor die Matzikama Green Walk, 'n agt dae lange staptog van Bitterfontein na Doringbaai, wat op 13 Maart afskop. Dit word gedoen ter bewusmaking van groen ekonomiese geleenthede, jeugbemagtiging en gemeenskapsbetrokkenheid.

Twee 16-jariges in Nieu-Seeland het per ongeluk ‘n rugsak met kontant en dagga neergesit op ‘n plek vir skenkings vir ‘n liefdadigheidswinkel...

Natuurkenner Dave Pepler vertel vir Martelize Brink van donkies en die variasies soos muile en botterkoppe.

Dr. Willem Botha praat oor Hebreeuse name soos Elisabet, Daniël, Gabriël; Emaneul, Nataniël, Samuel, Michael en ander name uit die Bybel.

Om die Spice Girls se debuutalbum se 30ste jaar te vier, het die Britse Koninklike Munt herdenkingsmunte beskikbaar gestel. Die duurste is goue munte vir £10 535.

Luca Human-Maré is op pad Amerika toe, waar hy by die FIFA Sokkerwêreldbeker ‘n amptelike wedstrydbaldraer sal wees.

Kos- en klutuurhistorikus Hetta van Deventer-Terblanche verduidelik hou om jou eie speserymengsels maak.

Boekeredakteur Elna van der Merwe het vier jaar gelede die Moederstad verruil vir Stilbaai in die Suid-Kaap. Sy vertel vir Haidee Muller-Isaacs hoe die dorp onder haar vel ingekruip het, en hoe warm haar hart steeds klop ná die sukses van die pas afgelope Stilbaai-boekefees.