Driesestig

Christina Notley vertel hoe dit gekom het dat sy kaasdoekprodukte maak. Sy is blind, maar solank haar man mooi knip, sukkel sy nie om te stik nie.

‘n Bruid in Indië het ‘n video aanlyn geplaas van haar wat op haar troudag werksaansoeke gestuur het.

Haidee Muller-Isaacs gesels met die Kaapse tennisafrigter, Belford Hendricks, wat saam met ’n paar ywerige tennismaats 'n padelklub wil stig vir die gemeenskap, met die fokus op kinders.

Dr. Ria Smit praat oor velsorg vir tieners, en wys algemene foute uit.

Eekhorings in London is deesdae damprokers! Die rookrommel se vrugtegeure lok die eekhorings, en dis nie goed vir die diere nie.

Johan Bezuidenhoudt het lank binnelands en buitelands in die toerismebedryf gewerk voordat hy uit Gauteng na ‘n rustiger oord, Fraserburg, in die Karoo verhuis het. Daar het ‘n Karoo-boer hom aangepor om toeriste na die Karoo te bring. Hy moes navorsing doen oor ‘n makro-omgewing met verskeie uitdagings. Hy kon sy wye kennis van internasionale toerisme ook bywerk. Johan Rademan het hom gepols oor...

Dr. Mandie Uys praat oor die antieke Romeine en grafitti.

‘n Duitse handballiga se silwer trofee is in November gesteel. Dit is in die kelder ontdek.

Arnold Bothma vertel vir Martelize Brink van die lewe in Kobuleti, Georgië, waar hy en sy vrou gaan aftree het.

Bedags ry Amanda Smit vervaard rond om laerskoolkinders betyds by hulle skole af te laai, en smiddae is sy weer op haar pos om hulle veilig terug na haar tuis-nasorg in Bellville te karwei. Haidee Muller-Isaacs het gaan inloer, en daar het Amanda hart oopgemaak oor haar hartstog vir jong kinders, en hoekom sy haarself uitleef in dié beroep.

In Orlando, Florida, is ‘n hospitaal hof toe oor ‘n vrou wat vir langer as vyfmaande ‘n bed beset het, nadat sy as pasiënt ontslaan is.

Christo Kamffer vertel van Ovambo-hoenders, wat aangepas is vir Afrika, dus ook jou agterplaas.

Dr. Willem Botha praat oor die oorsprong en betekenis van die naam, Maria, en beantwoord luisteraarsnavrae oor Wicus, Terence en Suretha.

‘n Franse vlootoffisier het sy skip se posisie weggegee toe hy sy drafsessie op die dek, op die Strava-fiksheidstoepassing geplaas het.

Waldo Scribante vertel vir Martelize Brink van ‘n saamtrek van Mercedes-Benz W123-motors om die vyftigste bestaansjaar van die motors te vier.

Kos- en kultuurhistorikus Hetta van Deventer-Terblanche praat oor drankies met speserye. Sy deel ’n resep uit 1856 vir switchel (gemmerbier), en ’n resep vir Mexikaanse pynappelbier.

Jan Karsten gesels met Martelize Brink oor skaak. Dié 18-jarige is in 2023 al as Internasionale Meester aangewys. Nou het hy die SA Geslote Skaakkampioenskap gewen.

In die VSA was ‘n kat oppad om uitgesit te word oor ‘n verstopping. ‘n Organisasie het tot sy redding gekom, en 26 haarrekkies is uit sy ingewande gehaal.

Haidee Muller-Isaacs gesels met Karen Kemp oor Angel Hearts, 'n nie-winsgewende organisasie in Bloemfontein vir mense met gestremdhede, wat sy in 2015 gestig het. Mense word daar met baie liefde geleer om hulle kreatiweit te volle uit te leef.

Dieetkundige Valpré Huisamen praat oor plantgebaseerde opsies, wat lekker is en voldoende voed.

In die Franse dorpie, Arcis-sur-Aube, is Charles Hittler en Antoine Renault-Zielinski albei kandidate in die burgemeestersverkiesing. Sosiale media kan nie genoeg hiervan kry nie.

Komponiste soos Johann Sebastian Bach, Wolfgang Amadeus Mozart, Maurice Ravel en Alban Berg het almal op hulle dag aan musiekgildes behoort wat uit die Middeleeue stam. Gildes was daar om vakmanskap te bevorder, en vandag glo die Liedmakersgilde wat die kunslied in Suid-Afrika bevorder steeds aan mentorskap en om ‘n verhoog vir dié kunsvorm se kunstenaars te skep. Johan Rademan het met die klassie...

Dr. Mandie Uys praat oor die antieke Grieke en Romeine. Sy begin die verhaal waar hulle mekaar ontmoet, en half saam begin loop het.

In 1952 het Allan McCloskey vir ‘n week lank ingestaan vir sy dorp se grafgrawer. Daardie week word toe 73 jaar en 75 dae, tot hy in November 2025 op 92 afgetree het.

Milla Jooste vertel vir Martelize Brink van die lewe in Dubai, waar sy gebaseer is as lugwaardin.