Driesestig

Milly Saunders was jare lank tot haar aftrede, die teedame by 'n groot vissersmaatskappy. Vandag is sy huiswerker om die pot aan die kook te hou. Sy het ’n reuse hart vir haar gemeenskap, en vertel vir Haidee Muller-Isaacs hoe sy en 'n vriendin op eie stoom na Malawi is om daar te gaan hand bysit.

Lindsay Adams vertel vir Martelize Brink van miljoene Suid-Afrikaanse meisies se uitdaging om skool by te woon weens ‘n tekort aan sanitêre produkte.  #AGAINSTPERIODPOVERTY versprei sanitêre produkte in behoeftige skole.

‘n Minister van Ghana is in hegtenis geneem toe sy ‘n diefstal by haar huis by die polisie aanmeld. Sy word ondersoek vir korrupsie nadat daar glo sowat R250 miljoen se kontant, handsakke en juweliersware uit haar huis gesteel is.

Frans Ferreira vertel vir Martelize Brink van die Noordkaap se twee kommersiële grensposte, Vioolsdrift en Nakop, wat hy help bou het.

Lizette Botha gesels met Martelize Brink oor die belangrikheid om kinders te leer swem, en hoe babas te leer om te dryf.

Kosghoeroe Herman Lensing gesels oor restaurantbeoordeling. Hy is ‘n nuwe beoordeelaar by vanjaar se Eat Out-toekennings.

Allister Brown het vir ‘n derde keer ‘n nuwe rekord opgestel vir die langste tromsessie deur ‘n individu. Dit staan nou op meer as 150 ure!

Veearts dr. Ingrid de Wet praat oor bosluisoordraagbare siektes. Sy waarsku teen laks wees met voorkoming in die winter.

Daar’s ‘n apie op ‘n stokkie, sê ‘n ou kinderrympie, maar daar was werklik so ‘n apie op ‘n stokkie naby die Parlement in Kaapstad se agterdeur. Johan Rademan het met die kurator by Izikomuseums in Kaapstad, Esther Esmyol, gaan kuier en op hierdie interessante storie afgekom.

Dit was ‘n prokureur wat meer as 25 jaar gelede geweier het om haar as 20-jarige te laat sekwestreer, wat haar tóg op die pad van entrepreneurskap gehou het, vertel die Baaise sakevrou Elana van Rooyen. Sy is die eienaar van onder meer die Continental-slaghuise en nou mede-eienaar van die Bramon-wynplaas naby Plettenbergbaai. Mariska Spoormaker het met haar in Bramon se restaurant gepraat.

Jong Iere het verlede week langs die strand gaan stap in die hoop om kokaïen te vind wat daar uitspoel. Dit het gebeur in dieselfe week wat ‘n skip met 5,3 ton kokaïen aan die kus van Sisilië vasgetrek is.

Norman Smuts vertel vir Martelize Brink van sy navorsing oor Suid-Afrikaanse musiekblyspele, wat die inheemse identiteit weergee.

Elzette Barnard vertel vir Martelize Brink van haar versameling van 4 500 Barbiepoppe.

Cobus Toerien vertel waar die veiligste sitplek in ‘n vliegtuig is.

Skrywer en joernalis Ilza Roggeband gesels oor die oop harte van die Melkbosstrand-gemeenskap waar sy, 'n gebore Johannesburger, nou al byna 20 jaar lank nesgekop het. Haidee Muller-Isaacs het daar gaan kuier waar sy ook vir Karen Dreyer ontmoet het, met haar hart vir die kinders uit agtergeblewe gemeenskappe.

Die Barbie-film maak ‘n indruk op die wêreld. In Brasilië is daar selfs burgers op die mark met skreeupienk sous.

Uit Nelson Mandelabaai kom die storie van drie generasies vroue van dieselfde gesin, stowwerige trommels in die motorhuis, die Anglo-Boereoorlog, en die emeritus-professor wat aan die werk gespring het. Dié professor is Tilla Olivier, en Mariska Spoormaker het by haar gaan kuier.

In Amerika gebruik dokters lyksakke met ys om pasiënte met ernstige hitte-uitputting af te koel.

Lydia von Wielligh-Steyn vertel vir Martelize Brink van Suid-Afrika se kernwapenprogram, waarvan haar pa, Nic, deel was. Hy het gehelp met die bou én aftakeling van die kernwapens.

Aktrise, model en TV-aanbieder Marciel Hopkins gesels oor hoe om geleenthede te skep, en hoe dit rigting gegee het aan haar verskillende loopbane.

Haidee Muller-Isaacs loer weer in by dr. Fanie Marais, afgetrede dominee en 'n kunstenaar uit eie reg. Fanie is die pa van die ewe talentvolle aktrise Rolanda Marais, en het voorheen ook kunsterapie aangebied vir gevangenes. Haidee het by hom gaan tee drink en gaan kyk waarmee hy in sy tuisateljee besig is sedert sy aftrede as leraar.

JJ Fischer vertel vir Martelize Brink wat die onderhoud van sonkragstelsels behels.

‘n Australiese seevaarder en sy hond het vir twee maande op rou vis en reënwater oorleef nadat hulle op die oop see verdwaal het.

Dawie Botha vertel vir Martelize Brink van Nelson Mandelabaai se interessante infrastruktuur.

Dis Madidadag! Ons deel herinneringe met die mense van Genadendal oor Nelson Mandela se besoek aan die sendingstasie in 1995.