Driesestig

Suid-Afrikaners is lief vir hulle diere. Dis dikwels die selfopgelegde taak van sommige om te help met die versorging van ander se troeteldiere. Danielle van Rooyen is een van daai mense. Dis sedert 2010 dat sy verseker dat die honde in die Bophelong township in die Vaaldriehoek ingeënt word en kos kry. Dis deesdae vir haar ‘n voltydse werk met gereelde fondsinsamelingprojekte.

Justin Witbooi gesels met Martelize Brink oor sy werk as ‘n veiligheidsbeampte in die filmbedryf. Hy werk onder andere op die stelle van Fear Factor en Survivor.

Sylvaine Strike gesels oor haar loopbaan as aktrise, skrywer en teaterregisseur. Sy Vertel hoe sy tot Franse ridder geslaan is, en breek die nuus dat sy Damon Galgut se, The Promise, waarmee hy die Bookerprys gewen het, verhoog toe bring.

Met die afgelope Wêreld Oorplantingspele wat in Perth, Australië, gehou is, het die Suid-Afrikaanse span nege gouemedaljes, 21 silwer en elf bronsmedaljes teruggebring. Maar die medaljes is glad nie so belangrik nie as wat dit is om elke dag voluit en met dankbaarheid te leef, het Mariska Spoormaker gehoor toe sy met dr. Heilie Uys, spankaptein, gesels het. Maar eers vertel Heilie ‘n bietjie meer...

Annerie Snyman vertel vir Martelize Brink die storie van Suid-Afrikaanse handgerolde sigare.

Dawie Botha vertel vir Martelize Brink van KwaZulu-Natal se geboue, soos Pornet se gebou op die Bluff waarvandaan hulle die hawe se skeepsverkeer bestuur.

Haidee Muller-Isaacs gesels met jeugprediker en skrywer Ivor Swartz oor hoe hy leer dans het met depressie én hoekom hy hom veral oor jong depressielyers ontferm.

Elsie Harmse praat oor die mensgedrewe ambagte wat bestand is teen GPT-tegnologie.

Koekie de Villiers vertel van die grootste opelug saalperdskou ter wêreld wat verlede week in Bloemfontein plaasgevind het.

Die Baaienaar en argitek, Bardie Badenhorst, is só dankbaar vir sy verlossing van sosiale media, want nou het hy emmers vol tyd om nuwe belangstellings te vind én uit te leef. Een hiervan is om wegsmyt-bakstene te versamel en dit weer ‘n goeie doel te gee. Mariska Spoormaker het met Bardy langs sy hoop van meer as 700 bakstene gesels.

Breyten van der Merwe vertel vir Martelize Brink van ’n nuwe medisinale sampioenspesie wat hy identifiseer het. Hericium ophelieae is endemies tot die Knysnabos en kom spesifiek voor op die Kaapse Beukeboom, die Waterboom, die Ysterhoutboom en Stinkhoutboom.

Stefan Doveton-Moore vertel vir Martelize Brink van die Britse kroonjuwele wat tydens Koning Charles III se kroning te sien sal wees.

Craig Venter van Defy praat die voor- en nadele van ‘n gasstoof tenoor 'n elektriese stoof.

Die Tygerberg-kinderkoor het pas koning gekraai in die afdeling vir kinderkore by die Hull Internasionale Koorkompetisie in Brittanje. Dit beteken dat hulle outomaties toegang kry tot die Wêreldkoorspele in 2024 in Nieu-Seeland, en dus in die kampioenskapsafdeling kan meeding sonder om eers te kwalifiseer. Haidee Muller-Isaacs gesels met koordirigent Karina Erasmus en 'n paar koorlede oor hierdie...

Melanie Verwoerd deel met Martelize Brink haar histerektomie-ervaring, en vertel van die tekort aan ondersteuning vir vroue wat daardeur gaan.

In sy sewentig jaar het Frik Olwage die Visrivier-Canyon se 90 km-staproete al meer as 60 keer suksesvol aangepak, en ook baie stappers deur dié wêreld geneem. Noudat die Visrivier op sy droogste is in 14 jaar, en Frik besluit het om nie die roete voor die volgende goeie reëns te gaan stap nie, het Mariska Spoormaker met hom gaan praat.

Piet du Plessis vertel vir Martelize Brink van sy loopbaan in brandbestryding, die gespesialiseerde opleiding wat brandbestyders kry, en die impak wat klimaatsverandering op hulle werk het.

Eloise Webb gesels oor haar pad tot in die Vroue Springbok- en Springboksewesspan. Dié heelagter het ook provinsiale kleure in netbal en krieket.

Gawie Wolmarans gesels oor die voordele van ’n gewone klavier teenoor digitale klaviere. Johan Rademan pols Gawie ook oor daai beginnersmusiek wat selfs bure teen die mure kan uitdryf. Wie ekn dan nie Chopsticks of Für Elize van Beethoven nie?

Mari-Louis Guy vertel vir Martelize Brink van wisseldiëte met veganisme. Sy deel ‘n paar idees en praat oor die neiging om te sorg dat almal om ‘n tafel se kos dieselfde lyk, hetsy dit vleis of ‘n alternatief is.

Dawie Botha vertel vir Martelize Brink hoe geboue en paaie op sand gebou word, asook die uitdaging van sand se beweging by hawemondings.

Aan die oewer van die Soutrivier in die lowerryke Nature’s Valley, het Mariska Spoormaker 'n Amerikaner raakgeloop wat in vyf weke Afrikaans leer praat het. Die 29-jarige Andy Kite het darem so drie jaar voor dit deur middel van YouTube Afrikaans probeer leer, maar eers in Suid-Afrika het hy aan die Afrikaans-praat gekom

Maryke Musson vertel vir Martelize Brink van tuna se rol in die visbedryf. Tuna verteenwoordig 20% van die waarde van vis wat gevang word.

Dr. Hanneline Smit-Robinson vertel vir Martelize Brink van die Middelpunt Natuurreservaat wat die enigste broeibevolking van die witvlerkvleikuiken buite Etihopië het. Dit is nou tot Ramsargebied verklaar.

Eddie Wallace het koning gekraai in 'n gewigsverliesprogram op TV. Haidee Muller-Isaacs het by hom gehoor hoe dit voel om 53 kg ligter te wees, nadat hy voorheen die skaal op 227 kg laat kreun het. En hy is nog nie klaar nie, hy wil nog 50 kg verloor, vertel hy trots.