Driesestig

‘n Video van ‘n baie stadige atleet by ‘n internasionale byeenkoms het daartoe gelei dat die voorsitter van Somalië se Atletiekfederasie geskors is.

Melanie du Bois gesels met Martelize Brink oor haar lewe as sakevrou, haar persoonlike uitdagings en haar dae as Felicity in 7de Laan.

Kyk jou kind pornografie op die internet? 'n Ongeskikte vraag, maar dalk is dit 'n meer relevante vraag as wat 'n mens dink, want op navorsingsvlak is daar groot kommer oor die toenemende aantal kinders wat verslaaf is aan pornografie op die internet. Mariska Spoormaker praat hieroor met professor Darelle van Greunen, direkteur van die Sentrum vir Gemeenskapstegnologie by die Nelson Mandela Univer...

Joernalis Pieter Steyn vertel vir Martelize Brink van Besmet, ‘n dokumentêre rolprent oor leeuvergiftiging. Dit debuteer later vandeesmaand by die Silwerskermfees.

’n Luukse woonstelgebou in Amerika het ’n waterskoonmaakstelsel waar die stortwater, wasmasjienwater en skottelgoedwater herwin word, en dan gebruik word om bier te brou.

Dawie Botha vertel vir Martelize Brink van Potchefstroom se historiese geboue en die uitdaging met kleigrond.

Haidee Muller-Isaacs gesels met stilis en aktrise Mienke Ehlers oor stylwenke, nuwe geleenthede en drome wat waar word. Mienke is stadig maar seker besig om haar goed in die TV-bedryf in die wurm - voor én agter die skerms.

Pierre de Villiers praat oor visvang en mariene beskermde gebiede. Hy vertel hoe vangste om die gebiede gemonitor word om te sien watter impak bewaring het.

Martina Sanchez-Wilson is gekroon as Skotland se boomdrukkampioen. Die kompetisie se drie katogorieë is spoeddrukkies, toewyding en vryslag.

Miekie Wiese-van Tonder vertel vir Martelize Brink van die rehabilitasie van wilde diere by Zanchieta naby Bloemfontein. Sy vertel onder andere van Elsa die leeu wat vir ‘n nekoperasie by ‘n mensehospitaal was.

Was dit nie vir haar doodservaring in 2007 nie, sou die Baaise sportvrou, Michelle Enslin, nooit aan enige Ysterman-kompetisies deelgeneem het nie. In 2018 is sy twee keer as vrouewêreldkampioen in haar ouderdomsklas bekroon - onderskeidelik in die 70,3 Ysterman-kompetisie in Gqeberha en daarna die vol Ysterman-kompetisie in Hawaii. Michelle gaan in Oktober Hawaii toe om weer aan die vrouewêreldys...

Nathan Trantraal vertel hoe sy skryfwerk omgaan met misdaad op die Kaapse Vlakte.

‘n Britse man, Andrew Malkinson, wat 17 jaar onskuldig in die tronk was, moet volgens wet vir sy lewenskostes in die tronk te betaal.

Vicky Grobler vertel vir Martelize Brink hoe sy skaars Barbiepoppe vir versamelaars invoer.

Jacqui January het gaan tee drink by Lina Kapp op die Vrystaatse platteland. Lina vertel van haar skuif na die rustigheid van Philippolis, en van inwoners uit die verlede - die San-mense, die Griekwas en sir Laurens van der Post. Die dorp is vandag 'n reënbooggemeenskap met ruimte vir 'n Van der Post-tuin en Karookunstenaars.

Katie Taylor het haar eie oorskot vel gelooi tot leer, en gaan dit uitstal as kunswerk om deel te vorm van haar doktorsgraad in beeldende kunste.

Joernalis en musiekkenner Danie Marais vertel vir Martelize Brink van Sinead O' Connor se lewe vol hartseer, en haar rebelse houding teen die verwagtinge van die musiekbedryf.

Die Baai se binnestedelike sendingstasie, Vistarus wat met groot welslae verstotenes, verslaafdes en weerloses op ’n nuwe lewenspad help kom,vier sy 25e bestaansjaar. Dit is 'n besonderse mylpaal, want die meer as 200 siele in Vistarus word sonder enige staatsubsidie gehuisves, gevoed, gerehabiliteer en lewensvaardighede aangeleer. Mariska Spoormaker het gaan kuier, en met die intrapslag Zettie Ma...

Lydia von Wielligh-Steyn vertel vir Martelize Brink van Julius Robert Oppenheimer, die vader van die atoombom, op wie se lewe die film, Oppenheimer, geskoei is.

‘n Lid van Oekraïne se parlement is in die Maldives opgemerk terwyl amptenare nié die land mag verlaat nie. Die voorval word ondersoek, en indien hy skuldig bevind word, kan hy drie jaar tronkstraf kry.

Chanette Paul gesels oor haar loopbaan as skrywer, en haar aanslag tot skryf. Haar 50e boek sien vanjaar die lig.

Milly Saunders was jare lank tot haar aftrede, die teedame by 'n groot vissersmaatskappy. Vandag is sy huiswerker om die pot aan die kook te hou. Sy het ’n reuse hart vir haar gemeenskap, en vertel vir Haidee Muller-Isaacs hoe sy en 'n vriendin op eie stoom na Malawi is om daar te gaan hand bysit.

Lindsay Adams vertel vir Martelize Brink van miljoene Suid-Afrikaanse meisies se uitdaging om skool by te woon weens ‘n tekort aan sanitêre produkte.  #AGAINSTPERIODPOVERTY versprei sanitêre produkte in behoeftige skole.

‘n Minister van Ghana is in hegtenis geneem toe sy ‘n diefstal by haar huis by die polisie aanmeld. Sy word ondersoek vir korrupsie nadat daar glo sowat R250 miljoen se kontant, handsakke en juweliersware uit haar huis gesteel is.

Frans Ferreira vertel vir Martelize Brink van die Noordkaap se twee kommersiële grensposte, Vioolsdrift en Nakop, wat hy help bou het.