Driesestig

Jacolien Brits praat oor haar deelname aan die Tentpegging Wêreldbeker, wat vandeesweek op George plaasvind. Dié Protearuiter was deel van die span wat in 2018 die Vroue Wêreldbeker gewen het.

Zenobia Kloppers het met haar eerste kortfilm, Rieldans, in Frankryk pryse losgeslaan. Haar tweede kortfilm, Helmhart, verskyn vandeesweek op die silwerskerm. Johan Rademan het met Zenobia gesels oor haar ma se invloed in beide films.

Dr. Winifred Bowman en Carolyn Martin vertel vir Martelize Brink van Creation in die Hemel-en-Aardevallei, wat aangewys is as die vierde beste wynplaas ter wêreld om te besoek.

Slaapstromers verdien tot $15 000 per sessie sodat mense aanlyn kan kyk hoe hulle slaap.

Maryke Musson vertel vir Martelize Brink van die Vaquita-tornyne wat op die rand van uitwissing is, en wat gedoen word om die wêreld se kleinste tornyn te red. Daar is slegs 10 oor in die natuur.

Gawie Viljoen vertel vir Martelize Brink van die verskillende soorte dakke en dakbedekkings.

Drie skepe het vergaan, maar ‘n orrel van ‘n Urkse-vissersfamilie uit Nederland, het in Suid-Afrika bly staan nadat dit ook amper vergaan het. Die orrel is nou in die Gereformeerde kerk in Hermanus. Johan Rademan die storie in Amsterdam by die Van der Breggens uitgevis.

TikTok is gaande oor Barbie Botox. Botox word in die spiere gespuit wat jou kop moet ophou. Dit laat die skouers kleiner en fyner lyk, en die nek langer en slanker vertoon.

Suzanne Smit vertel vir Martelize Brink hoe sy haar hoenderboerdery begin het. Deesdae kan jy haar regte vrylopende hoenderprodukte kry by haar winkel, The Country Chic.

By die River Goose-kampeerplek langs die Breederivier in Bonnievale, vertel Kelvin Phillips vir Haidee Muller-Isaacs van die oorstromings wat daar was, en die kwynende voëlspesies. Sy bekende rivierbootjie waarmee hy gereeld op die rivier vaar en mense van die omgewing en die voëlspesies vertel, het darem nie skade gely nie, maar die trappe wat na die bootjie lei, het in die slag gebly. Haidee kon...

Mondhigiënis Karin Viljoen praat oor primêre tandesorg, wat reeds voor geboorte begin.

‘n Vrou in Amerika het vir juriediens opgedaag met ‘n kleuterdogter en ‘n 18 maande oue drieling. Sy is eers twee en ‘n half uur later verskoon van juriediens.

Izelle Venter vertel vir Martelize Brink van haar belewenis van die mediawêreld - van haar tydskrifdae as hoofredakteur van Huisgenoot tot die stigting van die Via-kanaal op DSTV.

Jacqui January gesels met twee susters wat glad nie skaam is om te sê dat hulle trots op hulle Noord-Kaapse afkoms is nie. Hulle vertel van hulle reise en die stories van plattelandse vroue wat in hulle boeke opgeteken is.

Twee dronk Amerikaanse toeriste het in die Eiffeltoring geslaap, en moes deur ’n spesialis-brandweereenheid gered word.

Willem Olivier vertel vir Martelize Brink van sy mynbouervaring in Noordwes.

Dr. Willem Botha praat oor CJ Langenhoven se spreuke, en deel ‘n paar van die wyshede.

Haidee Muller-Isaacs kuier by Alida Taljaard se tuisfabriek waar sy haar ma, Hanna, se boerseep-nalatenskap voortsit.

In Amerika is daar digitale persoonlike aankopers wat namens hulle kliënte tweedehandse klere gaan soek.

Fanus Ferreira praat oor bobbejane se rol in die verspreiding van fynbos.

Johan Rademan het met die voormalige adjunkminister van landbou, dr. Pieter Mulder, tydens ‘n besoek aan Friesland in Nederland gepraat oor kleinboere se uitdagings in Europa en Suid-Afrika.

Motorjoernalis Marnus Hattingh praat oor die veiligheidstelsels in voertuie. Van die tegnologie is al baie jare oud.

‘n Man is in Indië op die lughawe betrap met 47 luislange en twee akkedisse in ‘n sak. Die sak het vreemd beweeg, en toe is die smokkeldiere ontdek.

Jeanne Hugo van der Merwe vertel vir Martelize Brink dat sy oorsee Picasso en Rembrandt se werke verkoop het, maar nou wil sy kuns toeganklik maak in Kaapstad se noordelike voorstede.

Wat is beter? Moet jy huis koop of huur?