Diario cultural | Noite

O artista e realizador David Fidalgo Omil revisa os clixés sobre o amor na televisión na exposición 'Love'. No seu traballo utiliza o concepto de meme para se achegar unha visón irónica e critica sobre a telerealidade.

O Concerto para formigoneira e ensemble abre o proxecto de residencia musical que desenvolve no Centro Galego de Arte Contemporánea Ensemble Liberdade coa dirección de Xacobe Martínez Antelo. “Nós cremos no poder transformador da música, da cultura, senón non estariamos nisto”, asegura nunha entrevista do Diario Cultural.

"É unha diáspora que non vén tanto dun lugar xeográfico como dun lugar ontolóxico. Nós viñamos do campo e o campo non é un lugar distinto senón un mundo distinto”. Brigitte Vasallo publica 'Tríptico do Silencio' que forma parte do proxecto de investigación sobre a memoria das diásporas Triloxía de Naxos.

A editorial Galaxia celebrará cun premio dotado con 25.000 euros o seu 75 aniversario. Recupera así a fórmula coa que xa celebrara o seu vixésimoquinto aniversario.

A Asociación Amigos da Ópera de Santiago recupera a zarzuela 'Miñatos de vran', con libreto de Ramon Otero Pedrayo.

"Temos que poder amosar as ferramentas que ten o teatro á comunidade e con elas traballar temas dos que é necesario falar”. Nauta Teatro presenta esta fin de semana o resultado escénico do proxecto de investigación sobre as identidades de xénero que desenvolve ao abeiro do festival Galicreques.

O libro 'Retratos de vodas, partos e funerais' é a última obra de poemas da autora Silvia Penas.

A galega Carolina Rodríguez Canosa é a oboe coprincipal da Sinfónica de Galicia. Falamos con ela da súa traxectoria profesional e dos soños cumpridos, nunha entrevista no Diario Cultural.

Xa está en cines a película 'Honeymoon', do galego Enrique Otero e protagonizada por Nathalie Poza e Javier Gutiérrez. "É unha historia de amor, pero sobre todo de segundas oportunidades", explica a actriz do filme María Vázquez nunha entrevista no Diario Cultural. A película parte dun drama, a morte dun fillo nun país estranxeiro, pero o relato constrúese a través da comedia e...

A sede coruñesa da cinemateca da Xunta ofrece, en colaboración coa Fundación Xapón, unha escolma de sete fitas do cineasta xaponés Masahiro Shinoda. No Diario Cultural entrevistamos a Jaime Pena, programador da Filmoteca de Galicia. "É unha oportunidade única, non é fácil acceder a estes filmes", asegura nas ondas da Radio Galega.

Este 2024 Fina Casalderrey é finalista de dous dos premios máis importantes do mundo na literatura infantil Hans Christian Andersen e Astrid Lindgren. Neste Diario Cultural entrevistamos a escritora Fina Casalderrey e a David Cortizo, o presidente de Galix, a Asociación Galega do Libro Infantil e Xuvenil.

O escultor Acisclo Manzano expón 'Os Eremitas' no Centro Cultural Marcos Valcárcel de Ourense ata o 14 de xaneiro. A exposición recupera unha lenda antiga que é tamén o resultado dunha historia persoal vinculada coa Ribeira Sacra. "Débolle toda a miña vida á escultura", sinala Acisclo Manzano nunha entrevista no Diario Cultural.

'Nadal no Gaiás': música, teatro, xogos e moito máis ata o 7 de xaneiro! Falamos con Fátima Mª García, Xefa do Servizo de Coordinación Estratéxica e Innovación da Xunta de Galicia e coordinadora dos proxectos de Galiverso. Moncho Lemos tráenos varias estreas: 'Samsara', de Lois Patiño; 'El libro de las soluciones', de Michel Gondry; e 'Migración', de Benjami...

“A forza económica do turismo é tan brutal que se volve incontenible, hai que manexala e manexala require coraxe e decisións importantes”. Fernando Agrasar é o comisario da mostra “HERITAGERS” sobre o efecto do turismo no patrimonio que se pode ver no Colexio Oficial de Arquitectos na Coruña

Preséntase 'Luísa Villalta, alma de violino', un álbum ilustrado sobre a escritora a través das palabras que a definen. Conversamos con Beatriz Maceda, Eli Ríos e Laura Suárez.

“Estamos acostumados a unha narrativa do amor romántico convencional pero a vida vai por outros lugares as relacións cambian, non se acaban simplemente”. Angel Filgueira, estrea no Festival Novos Cinemas de Pontevedra o seu filme 'Cando toco un animal'.

“Intento facer un teatro popular de corte político que provoque pensamento”. A montaxe 'Iribarne' abre o Foco Carrodeguas que presenta en Compostela as tres novas obras da compañía ButacaZero . Falamos con Esther Carrodeguas.

“Pensamos que o nadal pode ser unha boa época” O FETEGA cambia de datas. Comeza no Carballiño o Festival de Teatro Galego que celebra a súa 34ª edición. Falamos co director, Carlos Ledo.

“Os festivais promoven a interacción e esa formación comunitaria, comunal que tanto precisamos”. Comeza en Pontevedra a oitava edición do festival Novos Cinemas. Falamos co director, Suso Novás.

“O desafío maior ao que me enfrontei foi a aparición das grandes palabras”. A escritora e editora Dores Tembrás presenta novo libro. 'Enxertos' esculca as pegadas, lembra as aprendizaxes primeiras.

“O concepto de Ilustración abrangue todas as facetas da vida non só a arquitectónicaou urbanística, na alimentación hai uns grandes cambios, por exemplo”. Falamos do Ferrol da Ilustración coa historiadora Manuela Santalla López autora de "Fariñas e muíños en Ferrolterra durante a Ilustración".

“Hai unha estrutura de Federación que cremos que non responde á realidade e á sociedade actual. É lóxico que se necesite un cambio, son uns estatutos que xa teñen 40 anos”. A Federación de Librarías de Galicia renova directiva. O novo equipo está presidido por Cielo Fernández.

Máis de 10.000 entradas na Base de datos do teatro galego documentan unha sorprendente actividade escénica entre os anos 1936 e 1973. Falamos con Carlos Biscaínho Fernándes do Observatorio do teatro galego e da Base de datos do teatro galego (1936-1973) que a Academia Galega de Teatro presentou en Culturgal

Vinte cantantes de sete países competirán esta fin de semana polos galardóns do VI Concurso de Canto Compostela Lírica organizado por Amigos da Ópera de Santiago. Vértebras, a nova proposta do hip hop galego que chega para axitar conciencias e dar voz ás esquecidas. O dúo formado por Ika Subversiva e Amari presenta «Moito Love», un tema en clave «old school» cunha profunda carga de compromiso soci...

“É desexable unha colección permanente no CGAC? E de ser así, serían necesarios novos espazos ou máis espazo para o CGAC?” Pedro de Llano Neira modera as mesas sobre “Coleccións públicas a debate: A colección CGAC” que se inscriben na programación do 30 aniversario do centro.