Diario cultural | Noite

Cultura

Cultura

Cultura

Isaac Díaz Arias fálanos da mostra de obras do seu pai, Isaac Díaz Pardo, que se pode ver no museo de Belas Artes da Coruña co título "A barca de Caronte". A exposición pretende reflectir toda a traxectoria artística do polifacético artista.

Falamos co fotógrafo verinense Carlos Folgoso do seu proxecto "Alén do Lago", co que gañou a XII edición do Premio Galicia de Fotografía Contemporánea. O fotógrafo xa expoñeu a súa obra en Nova Iork, San Petesburgo ou Londres.

Falamos de "Ubasute", o texto de Paula Carballeira sobre o abandono e a vellez que foi levado aos escenarios coa dirección de Vanesa Sotelo. Acompáñannos a autora e a directora. Ademais botamos unha ollada á evolución da campaña Toponimízate.

Entrevistamos a Ánxeles Cuña, a directora da obra teatral "O grande incendio", unha fábula do alemán Roland Schimmelpfennig, que escenifican Sarabela Teatro e a Escola da Noite de Coimbra. Ademais repasamos os nomes dos galardonados este ano coas medallas Castelao.

"Cuestións de vida e morte" é o título da exposición da costarricense Priscilla Monge que se pode ver no Centro Galego de Arte Contemporanea. Sobre ela falamos coa artista e co comisario da mostra, Santiago Olano.

Do 1 ao 6 de xullo desenvolverase a XXII edición do Festival de Cinema e Artes Visuais Curtocircuito. O seu director, Pela del Álamo explícanos as novidades dun certame que volve ás rúas de Compostela.

Falamos coa artista Raquel Figueiras sobre a súa exposición "Materia colectiva", que se pode ver en Ourense ata o 13 de xullo. Ademais estreamos "Pélago", o libro CD que vai lanzar Guadi Galego.

No Día Internacional dos Arquivos queremos saber como se desenvolve na actualidade o traballo dos arquiveiros, bibliotecarios e documentalistas en Galicia. Falamos con Olimpia López, a presidenta de BAMAD, a asociación que agrupa estes profesionais.

Asomámonos á VII edición do Festival de Autoedición e Banda Deseñada Independente conversando cunha das súas organizadoras, Neves Rodríguez. Ademais falamos da estrea en cines de "Sirat" e da película "Xustiza artificial", de Simón Casal.

A poucas horas da estrea da proposta teatral "Costa da morte. Cartografía dun naufraxio" falamos coa súa creadora, Mariña Lestón. O espectáculo formúlase como unha viaxe pola historia marítima de Galicia a través de relatos reais e cantigas populares interpretadas en directo

O "Equipo Chaira" acaba de ser galardonado pola Asociación de Escritores en Lingua Galega polo seu traballo de recuperación da literatura de tradición oral. Falamos dun dos seus compoñenters, Xoan R. Cuba. Ademais asistimos á presentación da exposición sobre Isaac Díaz Pardo "A barca de Caronte"

Estes días desenvólvese o Galicia Escena PRO, a feira das artes escénicas creada para estimular a contratación dos espectáculos de produción galega. Para saber como é o proceso de selección das obras e como inflúe a feira na programación da tempada falamos con Carme Castro. Ademais Ramón Villares explícanos de que se falará nas xornadas "A invención da tradición", que organiza a Real Aca...

Falamos da XII edición do Galicia Escena Pro, o mercado das artes escénicas de Santiago, no que este ano presentran as súas propostas 21 compañías. Sobre o seu contido conversamos cun dos organizadores, Gustavo del Rio. Ademais asomámonos á Mostra de Cinema Periférico da Coruña S8

Conversamos con Celia Díaz Núñez, autora de "A avoa canta como unha cotovía", libro infantil editado por Galaxia. Ademais falamos da resucitada Bienal de Arte de Pontevedra.

A xerente da Fundación Florencio Delgado Gurriarán, Débora Álvarez, explícanos o proxecto de elaborar un diccionario colaborativo co léxico propio de Valdeorras. Ademais falamos da exposición fotográfica colectiva "Future stories", organizada pola Fundación Marta Ortega Pérez.

Susana Villaverde e Isabel Rey fálannos da estrea da obra de teatro infantil "O carteiro de Ximaraos", unha montaxe do CDG e Os Monicreques de Kukas.

Conversamos con Jesús Castro Yáñez do seu novo libro de poemas, "Outroutro". A Fundación Granell celebra o seu 30 aniversario con varias exposicións.

Nunha semana de estreas fixámonos na obra teatral "Alta costura", da compañía Elefante Elegante. Falamos cos seus protagonistas, Gonçalo Guerreiro e María Torres. Tamén comentamos "Sophie non é o meu nome de guerra", de Redrum Teatro, e da película "Antes de nós", de Ángeles Huerta.

O Pavillón Español na Bienal de Arquitectura de Venecia ten comisarios galegos. O proxecto Internalities, comisariado por Manuel Bouzas e Roi Salgueiro, poderá verse o vindeiro ano en Galicia. Conversamos con Manuel Bouzas. Ademais Kiko da Silva fálanos da edición deste ano de Bdra Gráfica.