As fillas do café

Percorremos a historia do saxofón e descubrimos algunhas mulleres saxofonistas, as primeiras e as non moi coñecidas.

A primeira novela de aventuras de Lucía Román e o proxecto apícola no que está metida Fátima Estévez.

Imos conversar sobre o albinismo en África con Mafalda Soto, unha das fundadoras de Beyondsuncare, aproveitando a expo ‘Iguais baixo o sol’, que andivo estas semanas pola cidade. Ademáis, encontro europeo de terapeutas e surf adaptado en Patos. Unha vintena de diferentes especialistas en inclusión comparten experiencias estes días no clube Quenlla.

Coñecemos un roteiro pola cidade que nos comproba a aportación da muller na historia de Vigo ‘Sons de Mulleres’. E además, visitamos o centro de día da Garrida, onde algunhas mulleres achegan lembranzas da súa historia de vida.

Neste #fillasdocafé escoitaremos ós esquíos do Monte Alba e coñeceremos ás árbores dos dinosaurios, ademáis de plantas máxicas no xardín da Fundación Sales.

Neste #fillasdocafé entramos nos institutos de investigación sanitaria de Vigo e Santiago a coñecer algo da ciencia que aí se fai. E un libro, ‘Comerás flores’.

Neste #fillasdocafé, 'Barrios, bloques y basura' e 'Los incorregibles', os libros da historietista de New York, Julia Wertz. E máis historias, as que recollen no Instituto de Estudios Vigueses.

Nesta ocasión un par de libros para #fillasdocafé. Os da autora Amelie Nothomb e o seu traductor Sergi Paimes. E o da editorial Belagua, ‘En la penumbra de un jardín extraño’.

#fillasdocafé de paseo con xente que escribe libros e os ambienta na cidade.

Ides escoitar neste #fillasdocafe o paseo polos laboratorios de nanotecnoloxía no Cuvi e mais unha recomendación de libros: ‘Fármaco’ e ‘Atmósfera de bulos’.

Neste #fillasdocafé, conversa coas traballadoras sociais do programa ‘Aférrate a la vida’ de Alborada e mais unha idea de paseo, seguindo o libriño de Aira Editorial ‘Rutas polo pasado xudeu de Galicia’.

Neste #fillasdocafé, de paseo polo torreiro o luns de San Campio agardando ás carrozas.

Algo de historia das rondallas no val do Fragoso e mais no da Louriña para este #fillasdocafé

‘Elas. As de Bouzas’. A historia de 30 viciñas do barrio. E unha recomendación literaria, un par de libros de Cecilia Fernández Santomé: ‘Unha rapaza de provincias’ e ‘As despedidas’.

Neste #fillasdocafé, o poemario ‘Acuruxar’ de Inés López. E unha achega ó mundo das máquinas de coser industriais con Maquicoser.

Nestas semanas de verán, que visitar en Galicia? Seguimos as recomendacións de Emilia Pardo Bazán para 'viaxeiros inquietos' un xullo de 1891. Así vai este #fillasdocafé.

Neste #fillasdocafé conversa sobre os campionatos de natación artística, os caramelos Minimelis e propostas para esta fin de semana.

Conversa coa catedrática Ana Boullón, especialista en onomástica, sobre os nomes do mar.

Un #fillasdocafé musical. Imos conversar sobre o Noia Harp Fest con Bea Martínez

Visitiña á Galería Maraca acompañadas de Pelucas. Imos coñecer ós artistas do EEI Monte Alba.

Para este #fillasdocafé rescatamos a conversa con Aránzazu Domínguez, de Moharé, deseñadora de vestiario da película “Antes de Nós”, baseada na vida de Castelao.

Neste #fillasdocafé coñecemos as herbas de San Xoán cunha veciña de Valladares. E conversando Lara Meneses, directora xeral xuventude, saberemos mais do voluntariado ambiental interxeracional-VAI.

Neste #fillasdocafé, unha voltiña polos Montes de Vigo, que xa se esbozan os primeiros datos do plan 2046. Ademais, conversa con Tamara Valderrama sobre o grupo de show de patinaxe de Valladares.

Do medievo moito non hai en Vigo… ou iso din. Aixa Costas adicou parte do seu TFG a rebuscar nos arquivos e fondos de museos. Imos ver que atopou.

Visita guiada á exposición 'A pegada das nais' no MARCO. Un percorrido polos 40 anos da Asociación Érguete.