Rand en sent

Tracy Peters van die Staatsdienspensioenfonds praat oor aftrede en bedanking.

Athina Jansen gesels met Fabian Crouch van die Staatsdiens-pensioenfonds oor onopgeëiste voordele.

Arehan Brand gesels met Tracy Peters van die Staatspensioenfonds oor die ontstaan en doel van die fonds. Hulle bespreek ook verskeie voordele van die fonds, asook die bydraes wat werknemers en die werkgewer maak.

Athina Jansen gesels met Fabian Crouch van die Staatsdienspensioenfonds oor die hoër belastings wat sedert September van pensioenarisse se pensioen afgetrek is. Hy verduidelik wat pensioenarisse te doen staan om hierdie aftrekkings te verander, of om terug te keer na die normale laer aftrekkings.

Athina Jansen gesels met entrepreneur Marina Prinsloo oor die belangrikheid van jou en jou besigheid se handelsmerk. Christiaan van der Spuy, ‘n argitek en entrepreneur, het onlangs sy eie besigheid begin. Hy deel wenke met mense wat ook werk wil skep.

Arehan Brand praat met prof. Jurie van Vuuren van die Leerstoel vir Entrepreneurskap by die Universiteit van Pretoria, oor hoekom sekere entrepreneurs se produkte nie verkoop nie. Hy gee raad oor hoe klein sakeondernemings hulle verkope kan vermeerder deur middel van bemarking.

Verskeie Suid-Afrikaanse besighede beplan om van Februarie 2023 af, ‘n vierdag werksweek te implementeer om werkstevredenheid en produktiwiteit te verhoog. Dis ‘n projek deur die niewinsgewende organisasie, 4 Day Work Week SA, wat vir ses maande geïmplementeer sal word, waarna die navorsing en uitslae evalueer sal word. Arehan Brand gesels met Jakobus Wilken, ‘n vennoot by IQBusiness in Kaapstad,...

Onlangse navorsingwys dat slegs 8% van Suid-Afrikaners genoeg finansiële beplanning in plek het vir hulle aftrede. Arehan Brand vind uit wat die verreikende gevolge hiervan is, en wat jy kan doen om te verseker dat jy genoeg geld het vir jou oudag. Johann Rossouw, ‘n geregistreerde finansiële beplanner, het raad. ‘n Paar Suid-Afrikaners deel ook wenke en vertel van hulle aftreeplanne.

Inflasie veroorsaak dat verbruikers al duurder vir goedere en dienste betaal.  Arehan Brand gesels met Johann Rossouw, ‘n finansiële beplanner, oor hoe om die impak van inflasie te verminder. Pierre Cloete, ‘n korttermynversekeringspesialis, deel geldspaar wenke.

Athina Jansen gesels met prof. Jurie van Vuuren van die Leerstoel vir Entrepreneurskap by die Universiteit van Pretoria oor entrepreneurskap, en gee raad oor hoe om jou eie besigheid te begin.

Met al die ekonomiese onsekerheid, stygende inflasie en hoë brandstofpryse, hoe kan ‘n mens steeds optimisties bly oor jou persoonlike finansies? Lise-Mari Crafford, hoof van Fondsdistribusie by Allan Gray, het raad hieroor. Marilyn Andreas, die eienaar van Polish Perfection by Marilyn, vertel van haar entrepreneurskapsreis.

Athina Jansen gesels met die bestuurshoof: aktuarieel by Hollard Life Solutions, Gerhard van Wyngaardt, oor lewensversekering en hoe beter finansiële opvoeding groter inklusiwiteit in die versekeringsmark kan bevorder.

Athina Jansen gesels met entrepreneur Jolene Barnes, die eienaar van Prettyful, oor hoe om jou eie besigheid te begin. Sy gesels ook met finansiële adviseur Luther Jooste oor hoe verbruikers hulle finansies beter kan bestuur.

Athina Jansen gesels met skuldadviseur Carla Oberholzer van Debtsafe, oor hulle opname oor Suid-Afrikaanse verbruikers se finansiële realiteit. Sy gee ook praktiese wenke oor hoe om jou finansies aan te pak.

Hoe kan jy beheer van jou persoonlike finansies en geldsake neem? Arehan Brand praat hieroor met Lelané Bezuidenhout, die bestuurshoof van die Finansiële Beplanningsinstituut. Sy verduidelik ook hoe ‘n finansiële beplanner jou kan bystaan en ondersteun.

Waarom verval internet-databondels? Betaal Suid-Afrikaners te veel vir data? Arehan Brand praat met Jan Vermeulen, die redakteur van My Broadband, om antwoorde op hierdie vrae te kry.

Arehan Brand gesels met Nico van Gijsen, ‘n geregistreerde finansiële beplanner, en Karen Bongers, ‘n produkaktuaris by Sanlam, oor finansiële beplanning en langtermynversekering. Die bepalings en voorwaardes van versekeringspolisse is in die kollig, asook waar om te begin om dekking te kry.

Arehan Brand praat met Nico van Gijsen, ‘n geregistreerde finansiële beplanner, oor finansiële beplanning en langtermynversekering. Nico vertel watter versekering verbuikers moet hê, en of dit moontlik is om daarop te spaar.

Hoe raak die onlangse rentekoersverhoging jou geldsake? Arehan Brand praat met Johann van Tonder, 'n ekonoom en navorser, oor die redes vir die styging. Hy vertel ook watter van jou maandelikse paaiemente voorkeur moet geniet, wat verbruikers kan doen om geld te spaar, en hoe die res van 2022 lyk vanuit ‘n ekonomiese perspektief.

Wat is die impak van die voortslepende kragonderbrekings op Suid-Afrikaners en ondernemings, veral in die vervaardigingssektor?

Athina Jansen gesels met ‘n skuldberader oor die rol van ‘n skuldberader, en hoe voordelig hulle kan wees vir verbruikers wat deur hulle uitgawes oorweldig word. Sy gee ook wenke oor hoe jy kan spaar.

Athina Jansen gesels met Denise Maré, eienaar van Maré Squared, oor BTW en die belastingseisoen.

Athina Jansen gesels met belastingpraktisyn Martin de Kock oor die belastingseisoen wat aangebreek het, en hoe dit werk.

Athina Jansen praat met verbruikersjoernalis Ina Opperman oor hoe ons spaarsamig ons geld kan bestuur.

Athina Jansen gesels met ‘n finansiële geletterheidsambassadeur, Delphine van Wyk, olor hoe pa’s kan spaar en hulle geld beter bestuur.