Geestesgesondheid

Johan van Lill praat met kliniese sielkundige Ronell Lemmer oor hoe om stres en trauma deur liggaamsbewustheid te verstaan en te versorg. Hulle praat oor hoe die liggaam dikwels eerste “praat” wanneer ons oorweldig voel, en waarom asemhaling en liggaamsbewustheid so sentraal staan in emosionele genesing. Ronell verduidelik hoe trauma nie net ’n storie in die kop is nie, maar ’n ervaring wat in die...

In Geestesgesondheid gesels Johan van Lill met dr Elzette Fritz, ’n opvoedkundige sielkundige, oor die tema Klein kinders, groot wêreldprobleme: Hoe praat ons met kinders oor klimaatsverandering, oorlog en wêreldkrisisse? Hoe bewus is jong kinders vandag van wêreldgebeure – en watter impak het dit op hul emosionele welstand? Hoe verwerk kinders trauma en onsekerheid,...

Johan van Lill praat met Tania van Greunen, ’n kliniese sielkundige met uitgebreide ervaring in sowel hospitaal- as privaatpraktyk oor skisofrenie. Wat behels hierdie komplekse toestand? Hoe word dit onderskei van ander ernstige geestesgesondheidstoestande? Die gesprek ondersoek hoe skisofrenie manifesteer, die uitdagings van diagnose, die rol van genetiese en omgewingsfaktore, en hoe mense met hi...

Johan van Lill praat met Ronell Lemmer, ’n geregistreerde kliniese sielkundige met meer as 25 jaar se ervaring, oor trauma. Wat ís trauma werklik? Is dit altyd gekoppel aan ’n spesifieke gebeurtenis, of kan dit oor tyd opbou? Die gesprek ondersoek die verskil tussen trauma en stres, en hoe lewensomstandighede ’n rol speel in ons emosionele belewing van spanning.

Johan van Lill praat met Ronell Lemmer, ’n kliniese sielkundige, oor trauma. Wat is dit? Hoe verskil dit van stres? Hoe kan ’n mens weet of jy getraumatiseer is? Hulle bespreek die psigologiese en fisieke simptome van trauma, die impak daarvan op individue en gemeenskappe, en praktiese maniere om spanning en trauma te verlig.

Johan van Lill praat met Nadine Blom oor geweld teenoor vroue en kinders vanuit ’n geestesgesondheidsperspektief. Hulle bespreek die impak van sulke geweld op slagoffers en gemeenskappe, die trauma, en watter ondersteuning beskikbaar is. Daar word ook gekyk na hoe gemeenskappe, skole en instellings ’n rol kan speel in voorkoming en ingryping.

Johan van Lill praat met Lynette Beer oor die sielkunde van verandering. Verandering is onafwendbaar, maar waarom vind ons dit so moeilik om sekerheid vir onsekerheid te verruil? Van klein aanpassings in ons daaglikse gewoontes tot groot lewensveranderinge – die manier waarop ons dit benader, bepaal ons veerkragtigheid en groei. Lynette verduidelik hoe ons brein op verandering reageer, waarom weer...

Johan van Lill praat met Elzette Fritz, 'n opvoedkundige sielkundige, oor kunsterapie. Hoe werk kunsterapie? Wanneer kan dit as ‘n geskikte behandeling gebruik word?

Johan van Lill praat met lewensafrigters Jan Niemand en Hazel Hattingh oor besluitnemingsmoegheid. Elke dag neem ons honderde besluite, van eenvoudige keuses soos wat om te eet, tot komplekse besluite wat ons toekoms beïnvloed. Maar wanneer die konstante stroom van keuses ons uitput, kan dit lei tot besluitnemingsmoegheid – ‘n toestand waar ons kopseer, angs en selfs impulsiewe of uitgestelde besl...

Johan van Lill praat met prof. Jannie le Roux oor die venynigheid wat mense teenoor mekaar het, en die impak wat dit op jou geestesgesondheid kan hê. Dit voel so onregverdig hoe sommige mense teenoor jou optree. Hoe kan jy dit hanteer?

Johan van Lill praat met lewenafrigters Jan Niemand en Hazel Hatting oor loopbaanherbeplanning. Dis die proses waar iemand by 'n kruispad in hulle professionele lewe staan, en besluit om hulle loopbaan te heroorweeg, of selfs heeltemal 'n nuwe rigting in te slaan. Wanneer jou loopbaan ‘n dooiepunt bereik het, het dit ‘n geweldige impak op jou geestesgesondheid.

Johan van Lill praat met Wynand Kotze, beter bekend as die fopdosser, Tollie Parton, oor die pad wat hy met sy geestesgesondheid gestap het.

Johan van Lill praat met dr. Elzette Fritz oor die impak wat dit op jou geestesgesondheid het wanneer jy in die buiteland moet woon en werk, en jou familie en gesin is in Suid-Afrika. Ons praat oor aanpassings, eensaamheid, en hoe jy dit die beste vir jou eie geestesgesondheid kan bestuur.

Johan van Lill praat met opvoedkundige sielkundige dr. Elzette Fritz oor wanneer jou kind die nes en/of die land verlaat. Wat is die impak op jou geestesgesondheid wanneer dit oor jou pad kom?

Johan van Lill praat met lewensafrigter Jan Niemand oor die funksie van verveeldheid, en waarom verveeldheid eintlik ’n noodsaaklike toestand vir ons geestesgesondheid is.

Johan van Lill praat met dr. Chris van den Berg, 'n psigiater, oor mans en hulle selfbeeld. Hulle ondersoek die verskil tussen selfbeeld en selfvertroue, waarom selfbeeld belangrik is vir menslike ontwikkeling, en hoe dit beïnvloed word deur interne en eksterne faktore.

Johan van Lill praat met prof. Jannie le Roux, ’n inspirasiespreker en skrywer. Hy bied ook MBA-klasse aan in Menslike Hulpbronbestuur. Die gesprek fokus op hoe om die nuwe jaar op ’n gesonde manier aan te pak, met praktiese strategieë en wenke om jou geestesgesondheid te beskerm en te bevorder.

Johan van Lill praat met prof. Jannie le Roux, ’n inspirasiespreker en skrywer. Hy bied ook MBA-klasse aan in Menslike Hulpbronbestuur. Die gesprek fokus op hoe om op jou lewe te reflekteer en sinvol terug te kyk op die jaar wat verby is. Hulle gesels oor praktiese wenke en insigte om perspektief te kry en doelwitte vir die toekoms te stel.

Johan van Lill praat met geestesgesondheidspraktisyn Jacques Botes oor die impak van eensaamheid op die psige. Hy verduidelik die verskil tussen eensaamheid en alleenheid, en hoe elkeen jou geestesgesondheid beïnvloed.

Johan van Lill praat met lewensafrigter Jan Niemand oor waarom dit voel asof tyd vinniger en vinniger verbygaan namate jy ouer word. Hulle bespreek die impak hiervan op jou geestesgesondheid, en hoe jy maniere kan vind om "tyd terug te kry".

Johan van Lill praat met dr. Elzette Fritz, 'n opvoedkundige sielkundige, oor die impak van trauma by kinders op leer en hulle algemene funksionering in die skool. Wat kan ouers, versorgers en onderwysers doen in tye van trauma?

Johan van Lill praat met dr, Melodie de Jager, 'n ontwikkelingskenner, oor die invloed van vroeë kinderontwikkeling op latere geestesgesondheid.

Johan van Lill praat met dr. Chris van den Bergh, 'n psigiater van Stellenbosch, oor mans en selfdood. Het ons rede tot kommer in Suid-Afrika? Hoe groot is die probleem onder mans? Wat is die behandelingsopsies wat spesifiek vir mans werk?

Johan van Lill praat met Cozette Laubser, direkteur van BabyGym en ’n internasionaal gekwalifiseerde geboorte-opvoeder, oor hoe babas jou brein en hart verander, en die impak daarvan op jou geestesgesondheid.

Johan van Lill praat met dr. Elzette Fritz, 'n opvoedkundige sielkundige, oor die impak van die dood of selfdood van 'n kind op 'n gesin en gemeenskap.