Todos os podcast | Galicia en goles

Adrián Ben e Ana Peleteiro. Javi Rodríguez en directo, autor do gol do Celta Fortuna en Irún. Rolda de prensa de Epi e logo entrevista persoal a Pablo Hernández, do Basquet Coruña, falando do record de vitorias: 10.

Entrevistas a atletas nos campionatos de España de Ourense, destaca a plata de Saleta. Entrevistas persoais con xogadoras e adestradora do Celta de baloncesto feminino. Entrevistas persoais con Javi Rey e Álvaro Antón.

E a actualidade polideportiva do día con Roberto Carlos Carballo

O Celta perde 3-2 en Xetafe despois de igualar un 2-0; na Segunda, o Racing de Ferrol caeu baixo o diluvio en Burgos, 2-0; e na 1ª RFEF o Lugo acabou cedendo un empate 1-1 co Osasuna B. E, no baloncesto, o Breogán non puido co Real Madrid, 73-80, e na LEB partidazo co Basquet Coruña, 104-103 ante do Burgos.

Narramos en directo os tres partidos do sábado na 1ª RFEF: o empate do Celta Fortuna, a goleada do Dépor nas Gaunas e a vitoria do Arenteiro co gol de Christian Santos. Na 2ª RFEF, seguimos o Ourense CF 2-Compostela 0. E no baloncesto, dende o Sar, estamos no Obradoiro 78-Unicaja 90.

Venres de moito baloncesto seguindo en directo o Betis 72-COB 48, da LEB Ouro e con entrevista ao adestrador do Basquet Coruña, Diego Epifanio. No fútbol, repasamos como se presenta a xornada de fin de semana, de Primeira División ata 3ª RFEF, e tamén ollamos para o balonmán, cos presidentes do Cangas e do Atlético Novás.

Na 1ª RFEF, o Cornellá remóntalle o partido ao Celta Fortuna en cinco minutos, 1-2; e o Lugo non pode pasar do 0-0 co Real Irún. No baloncesto, o Breogán acaba caendo en Zaragoza, 63-61. E no fútbol sala, o Poio e o Burela pasan á final da Supercopa ao eliminar nos penaltis o Roldán e o Futsi.

Seguimos os partidos das galegas na Liga Feminina Endesa: o Ensino perde no Pazo 75-80 co Jairis, o Celta sucumbe co IDK 77-57 e o Uni Ferrol vence 66-75 na cancha do Gernika. Na LEB Ouro vitoria do Basquet Coruña en Lleida, 83-85. E as previas do fútbol e da Supercopa de fútbol sala.

Xornada especial con dous partidos en Balaídos: na Primeira, o Celta caeu 0-1 co intratable líder Girona e houbo de novo críticas para Benítez. Á noite, o Deportivo impúxose 1-2 ao Celta Fortuna no derbi da 1ª RFEF. Mentres, na Segunda, o Racing lograba un fantástico triunfo en Xixón, 1-2. E no baloncesto, derrora do Obra, 89-79, na cancha do Baskonia.

Dende o Anxo Carro narramos a vitoria do CD Lugo de Paulo Alves, 1-0, sobre a Real Sociedad B; e dende o Espiñedo o empate do Arenteiro co Teruel, 1-1. Na 2ª RFEF, imos ao Vero Boquete para celebrar o 2-0 do Compos ante o Covadonga. E no baloncesto, mala xornada para o Breogán, que caeu 83-68 en Manresa.

Abrimos o programa con Javier Manjarín, que volve a Xixón agora como técnico no Racing de Ferrol. No fútbol, conversarmos tamén co presidente do Arenteiro, Argimiro Marnotes; no baloncesto, coa ex xogadora do Uni Ferrol Patri Cabrera; e no atletismo co presidente da Federación Galega, Iván Sanmartín.

Especial Galicia en goles coa transmisión en directo dende o estadio de Balaídos do Celta-Real Sociedad de cuartos de final da Copa do Rei. Os vigueses encaixaron o 0-1 no minuto 2, a Real dominou todo o partido e fixo o 0-2 na segunda parte e aínda que Luca de la Torre marcou no engadido os de Benítez xa non puideron evitar a eliminación.

Comezamos ao mediodía con tres citas galegas na Primeira Federación: Sabadell 2-Celta Fortuna 1, Nástic 2-Lugo 0 e Real Unión 1-Arenteiro 2. E continuamos pola tarde coa vitoria do Deportivo, 2-0, sobre a Ponferradina, líder do grupo 1.

Mala xornada para os galegos no fútbol profesional: o Celta caeu 0-1 coa Real Sociedad, cun gol do ex celeste Brais Méndez; e o Racing perdeu a imbatibilidade na Malata, un ano despois, 1-3 co Oviedo. No baloncesto, o Obradoiro non puido co Tenerife, 86-97, pero o Ensino conseguiu un gran triunfo diante do Valencia, vixente campión de liga, 66-62.

Preparamos con Luis Fernando Dadíe, ex do Celta e da Real Sociedad, o primeiro choque de vigueses e donostiarras, agora en Liga. Na Segunda, coñecemos unha nova peña do Racing e na 1ª RFEF Fernando Seoane, o que foi capitán do Lugo, valora a situación do equipo. Ademais, Julio Delgado comenta o adeus de Jozi no Burela e ollamos para o partido do CRAT, líder do rugbi feminino.

O Celta prolonga na Copa da Rei as boas sensacións dos últimos partidos de Liga. Cun equipo con moitos suplentes habituais, os vigueses venceron en Mestalla 1-3, con dous goles de Douvikas e outro de calcaño de Luca de la Torre e unha granhde actuación dalgúns canteiráns.

Mal domingo para os galegos na Primeira Federación: o Celta Fortuna caeu na casa 0-1 co Nástic e o Deportivo perdeu 1-0 coa Cultutal, rival directo polo ascenso. No fútbol, narramos tamén a derrota do Compos en Santiago e escoitamos os adestradores do Pontevedra e do Coruxo. No baloncesto, o Celta superou 73-66 o Barcelona mentres que na ACB caeron o Breogán e o Obradoiro.

Empates galegos na 1ª e 2ª División: o Celta volveu cun punto de Palma, 1-1, e o Racing de Ferrol foi quen de igualar co Espanyol na Malata, 0-0. Na Primeira Federación, o Arenteiro superou o Barça B, 2-0, pero o CD Lugo sucumbiu en Tarazona, 1-0.

Gran noite para o baloncesto galego na LEB Ouro: o Basquet Coruña gañoulle 97-82 ao Melilla e certificou a clasificación para disputar a Copa da Raíña; e en Ourense o COB superou 99-77 ao Valladolid. No fútbol, as previas da xornada e entrevista co central do Deportivo Pablo Martínez.

Domingo de Copa do Rei de fútbol: o Celta pasa a oitavos ao gañar 2-4 en Amorebieta e o Racing perde co 1-2 Sevilla condicionado pola expulsión de Manzanara. A xornada de 2ª e 3ª RFEF e, no baloncesto, o Breogán pode co Granada, 85-79, e o Obra leva o Barça á prórroga no Palau, 92-90.

O Anxo Carro celebrou o día de Reis coa visita do Atlético de Madrid, que acabou impoñendo o seu potencial ante o CD Lugo. na Copa En Oira, o Ourense CF regalouse unha vitoria sobre o Avilés para se colocar líder da 2ª RFEF. E estivemos en Corme na homenaxe ao árbitro falecido Lucas Vidal, coa familia, xogadores e outros colexiados.

Fin de semana... de Copa. O Racing recibirá o Sevilla en Ferrol e o Lugo nada menos que o Atlético de Madrid mentres que o Celta, que xogará en Amorebieta, presentou xa a Jailson. No fútbol, ademais, falamos co adestrador do Ourense CF, que aspira a ser líder na Segunda Federación, e no baloncesto escoitamos a Lino López, o técnico do Uni Ferrol.

Comezamos na Sede do RC Celta trala presentación do mexicano Marco Garcés como novo director deportivo do club. E logo imos en directo a Riazor para narrar integramente o Deportivo 2-Real Sociedad B 1 que pecha a xornada 18 na 1ª RFEF.

Especial Galicia en goles pola transmisión do Valladolid-Racing, partido da última xornada da primeira volta en Segunda División. Os verdes, noutra exhibición de fútbol, venceron 0-1 cun gol de Álvaro Jiménez e chegan ao Nadal como subcampións de inverno.

O RC pecha o ano do Centenario en posto de descenso e con sensacións moi preocupantes. Os de Benítez caeron 3-2 no campo do Villarreal por culpa, sobre todo, dunha moi mala primeira metade e chegaron a ir perdendo 3-0 despois do descanso. A reacción no segundo tempo non foi dabondo.