Todos os podcast | Galicia en goles

Domingo cargadísimo de deporte: o Barcelona-Uni Ferrol do baloncesto, a vitoria do Celta Fortuna en Fuenlabrada, o derbi Arenteiro-Deportivo, o Breogán-Murcia da ACB, o Pontevedra-Fabril da 2ª RFEF e o triunfo do Racing, 3-1, sobre o Tenerife na Segunda División.

O Celta vence 1-0 ao Granada, rival directo pola salvación, conseguindo o primeiro triunfo na casa e o segundo en 17 xornadas de Liga. Na 1ª RFEF, o Lugo volve se nada de Cornellá, 1-0; e na Terceira imos ao Couto para o UD Ourense-Bergantiños e a Bouzas para o Rápido-Estradense. E pechamos a tarde co baloncesto, narrando o igualado Obradoiro-Real Madrid no Sar.

Comezamos no pazo dos deportes de Riazor conversando con Fernando Romay e con Ricardo Aldrey despois do partido solidario de lendas selección galega-Real Madrid. No fútbol, o ex adestrador do Granada Fabri González analiza a visita dos nazarís a Balaídos e saudamos a Argimiro Marnotes antes do Arenteiro-Dépor. Ademais, no atletismo conectamos co Porto do Son para coñecer as novidades da carreira S...

Retransmisión dende o estadio de Vallecas do Rayo-Celta da 16ª xornada da Primeira División. Os vigueses, practicamente nulos en ataque, foron quen de manter outra vez a portería a cero e volven de Madrid cun punto.

Intenso domingo de competicións: pola mañá os partidos da 2ª RFEF do Compostela e do Racing Vilalbés máis o Joventut-Obradoiro da ACB de baloncesto. E continuamos á tarde con tres choques da 1ª RFEF, Dépor-Sestao, Lugo-Barça B e Majadahonda-Arenteiro, para pechar coa derrota do Racing 1-0 na súa visita ao Huesca na Segunda División.

Tarde do sábado repleta de competicións: fútbol co Celta B-Cultural na 1ª RFEF e co Ourense CF-Pontevedra na 2ª RFEF; baloncesto co Bilbao-Breogán, o derbi Uni Ferrol-Ensino e o Celta-Girona; balonmán co Cangas-Torrelavega e fútbol sala coa gran vitoria do Noia diante do Inter.

O que foi centrocampista do Celta e do Rayo Vallecano, Roberto Trashaorras, debúllanos o partido que os vigueses xogarán en Madrid. Na Segunda División, conversamos con Diego Rivas, ex porteiro do Racing de Ferrol e agora preparador no Arenteiro. e tamén saudamos o adestrador do Ourense CF, Rubén Domínguez, antes do derbi da Segunda RFEF co Pontevedra.

Especial Galicia en goles polos partidos da segunda eliminatoria da Copa do Rei de fútbol: o Racing de Ferrol venceu na Malata 1-0 ao Leganés, líder da Segunda División, e o Celta sufriu para gañar 1-2 no campo do Sestao, equipo da 1ª RFEF, grazas a un rigoroso penalti sinalado no treito final do partido.

A narración íntegra das tres eliminatorias da segunda rolda da Copa do Rei de fútbol que xogan este mércores equipos galegos: o Dépor perdeu no último instante da prórroga co Tenerife (2-3), o Arenteiro foi superado polo Burgos (1-3) pero o Lugo venceu un conxunto de Segunda, o Mirandés (2-0). Ademais, conectamos co baloncesto para ir seguindo o partido da Liga de Campións do Breogán en Turquía.

Retransmisión especial dende A Lomba polo Arosa-Valencia da segunda eliminatoria da Copa do Rei de fútbol. O equipo de Primeira adiantouse no minuto 8 pero logo o Arosa tivo varias ocasións claras para facer gol e a escadra de Rubén Baraja acabou pedindo a hora ante un conxunto de Terceira RFEF.

Especial Galicia en goles polo partido da 15ª xornada de liga de Primeira División entre o RC Celta e o Cádiz no estadio de Balaídos. Os andaluces adiantáronse no minuto 16 noutro erro da defensa do Celta pero logo sufriron unha expulsión rigorosa. E aínda xogando en superioridade máis dunha hora os de Benítez só foron quen de sacar un empate, 1-1.

Domingo de chuvia de goles na Malata, Racing 5-Albacete 4, e tres triunfos galegos na 1ª RFEF: o Dépor remonta no engadido en Barcelona, o Celta Fortuna vence nas Gaunas e o Arenteiro supera 2-0 o Sabadell. E no derbi da 2ª RFEF, 3-0 para o Pontevedra diante do Compostela. No baloncesto, o Real Madrid de Musa esmaga o Breogán e o Ensino malla no Barça, 85-60.

O sábado comezou con ledicia, a que nos trouxo o Lugo ao gañar 0-1 en Sestao con outro gol de Willy Ledesma. No fútbol, contamos tamén o derbi da 2º RFEF, Coruxo-Ourense CF, e a vitoria do Arosa ante a UD Ourense antes de recibir o Valencia na Copa. E no baloncesto, outras dúas alegrías: o Obradoiro impúxose 87-92 en Tenerife e o Celta superou 67-80 ao Gran Canaria.

Teresa Abelleira tivo a súa merecida homenaxe en Pontevedra e as campioas do Mundo de fútbol conseguiron a clasificación para a semifinal da Liga de Nacións malia perder 2-3 con Italia. Nun caos difícil de entender, España iniciou o segundo tempo con só nove xogadoras preparadas. Ademais, Paco Santos repasa a actualidade do resto do fútbol galego con especial atención á Segunda División e á 1ª RFE...

Un moi discutible penalti con expulsión frea o Racing cando gañaba 0-2 en Leganés. Na 1ª RFEF, narramos dende Riazor outro tropezo do Deportivo e a derrota do Celta Fortuna na casa. E, mentres, pendente do Breogán na ACB e do partido do Universitario de Ferrol.

O Celta consegue, por fin, deixar a portería a cero, aínda que non lle chegou para gañar en Mestalla. Na 1ª RFEF, centramos a atención no derbi Lugo-Arenteiro, que levaron os do Carballiño. E no baloncesto, escoitamos a Moncho Fernández e a Álvaro Muñoz tralo Obradoiro 77-Granada 94 no Sar.

Comezamos o domingo coa vitoria do Celta Fortuna, 0-2, en Teruel; no baloncesto, o Obradoiro xoga en Manresa, o Ensino recibe o Gran Canaria e o Celta vai a Barcelona; e no fútbol sala temos derbi histórico O Castro-Burela. Pola tarde, narramos o Racing-Burgos na Malata e o 0-1 do Lugo en Sabadell.

A tarde comeza co tropezo do Deportivo en Tarazona, onde cedeu un empate no minuto 96. Pola contra, o Arenteiro puido co Cornellá, 1-0, no Espiñedo. Na Segunda Federación todo foron boas novas: gañaron o Compostela, o Coruxo e o Racing Vilalbés.

Medimos a febre polo Racing nunha sinatura de autógrafos con Álex López, Bernal e Carlos Vicente. No fútbol, conectamos tamén con Tarazona para saudar o presidente do club na véspera de recibir o Deportivo. No volei, escoitamos o adestrador do Emevé feminino, Pascual Saurín, e no fútbol sala, a Chipi, o técnico do Parrulo. E Wendy Rey, do Viravolta, danos a última hora da gala de ximnasia rítmica...

A xornada íntegra do domingo, cos partidos do Celta Fortuna e do Lugo na 1ª RFEF; os do Pontevedra e o Compos na 2ª RFEF; a vitoria do Dépor na liga feminina; balonmán co Cangas-Huesca no Gatañal e o triunfo do Obradoiro sobre o Baskonia, 108-95, despois de dúas prórrogas.

Empezamos o sábado coa 3ª e co partido do Ourense CF en Oira. Logo narramos o triunfo do Racing en Miranda, o 2-0 do Dépor en Riazor e o empate do Arenteiro no campo da Real B, ademais de estar pendentes do baloncesto co Breogán-Joventut.

O Celta vive outro drama no novo San Mamés. Despois de adiantarse por dúas veces no marcador e logo de que Iago Aspas, que marcara o seu primeiro gol da temporada, fallase un penalti, os de Benítez acaban perdendo 4-3 por mor doutro penalti no último minuto do tempo engadido.

Todas as retransmisións do domingo: comezamos ao mediodía cos partidos do Ourense CF e do Dépor feminino; seguimos co Porriño-Guardés do balonmán e o Racing-Andorra na Malata e, pola tarde, o Sestao-Celta Fortuna, o Real Unión-Deportivo e o Unionistas-Lugo.

Os partidos da tarde do sábado, empezando na Magdalena co Racing Vilalbés-Zamora, pasando por Baltar para contar o triunfo do InterRías, o Arenteiro-Fuenla dende o Espiñedo e, dende Balaídos, o empate do Celta nun partido que rematou cun penalti sinalado e logo anulado no tempo engadido.

Roberto Carlos Carballo preséntanos o menú máis completo das competicións da fin de semana, con especial atención ao Celta-Sevilla e ao Arenteiro-Fuenlabrada do sábado. Ademais, seguimos en directo os encontros que xogan os tres equipos da liga feminina de baloncesto: La Seu-Ensino, Uni Ferrol-Bembibre e Celta-Araski.