Spektrum

'n Kennisgewing van 'n mosie van wantroue teen die Kaapstadse Burgemeester, Patricia de Lille is vir eers verwerp. Die Speaker van die Kaapstad metroraad, Dirk Smit sê die kennisgewing was gebrekkig. Hy sê hy is wel bereid om die ANC te help, om die kennisgewing te verbeter vir 'n volgende vergadering.

Die beeldhouer, Angus Taylor is aangewys as die wenner van die 2017 Helgaard Steyn-toekenning. Hanri Wondergem berig dat hierdie toekenning een van die grootste pryse vir die bevordering van kuns en kultuur in die land is.

Suid-Afrikaners herwin die jaar effe meer as verlede jaar. Dit is egter glad nie genoeg om 'n impak te maak op die besoedeling in die land, weens rommel nie. Annebie Pretorius van die organisasie Plastiek Suid-Afrika sê Suid-Afrika moet ten minste 50 persent van dit wat verbruik word, herwin.

Die Noord-Kaapse dorpie Orania is die eerste in die wêreld wat oor sy eie kripto-geldeenheid beskik. Die dorp het reeds sy eie geld-eenheid wat as die Ora bekendstaan.

Vroeg in Desember sal Suid-Afrikaners 'n supermaan kan gewaar - die vierde een vanjaar. 'n Senior navorsingsgenoot by die Suid-Afrikaanse Nasionale Ruimteagentskap, Dr Pieter Kotze sê egter dit is nie 'n ongewone verskynsel nie maar dit bly besonders.

Daar is twee kampe wat die Mediese Innovasie-Wetsontwerp betref. Aan die een kant is diegene wat glo dit kan daartoe bydrae om innoverende denke oor medisyne en genesing aan te wakker. Aan die ander kant is daar diegene wat bevrees is dat, indien die regulasies nie nagevolg word nie, dit pseudowetenskap en kwaksalwery gaan aanmoedig.

Goeie nuus vir toekomstige pa's is dat hulle moontlik in die toekoms geregtig sal wees op 10 dae verlof, as die ma van hulle kinders op kraamverlof is. Aanneemouers sal ook moontlik geregtig wees op verlof van 2 maande en 2 weke.

Afrika lande het geen ander keuse as om nou saam te staan teen die storting van hoendervleis vanaf Europese Unie lande nie. Die praktyk is besig om die pluimveebedryf en alle bedrywe wat daaraan verbonde is dood te druk. Fairplay Suid-Afrika, te same met nog Afrika lande soos Ghana sê hierdie grens aan ekonomiese slawerny. Die stigter van die Fairplay Beweging, Francios Baird sê slegs 26 persent v...

Slegs vyf persent van hoendervleis wat in Ghana verkoop word, kom van die plaaslike sektor daar. Die res word alles ingevoer. Victor Poji, die voorsitter van die Ghanese Nasionale Vereniging van Pluimvee boere sê die EU boelie Afrika regerings.

Die Nasionale Dierebeskermings Vereniging is bekommerd oor vrektes en ernstige beserings van wilde diere wat in strikke gevang word. Die stel van strikke is veral nou 'n uitdaging in nasionale parke en natuurreservate. Hanri Wondergem het byKaren Tendler, die NDBV se bestuurder van handel in wildlewe gaan uitvind hoe wyd die probleem strek.

Belastingvriendelike sones behaal internasionaal groot sukses, en die Johannesburg metro oorweeg nou die implementering hiervan, om ekonomiese groei in die stad aan te wakker. Maar wat behels die konsep en hoe, indien dit goedgekeur word, sal dit die stad kan bevoordeel?

Reeva Steenkamp se ouers Barry en June Steenkamp sê hulle voel nou eers dat geregtigheid in die moord op hul dogter geskied.

Aandeelhouers in genooteerde maatskappye, gaan binnekort moet verduidelik hoekom hulle maatskappy nie gehoor gee aan omgewingsbewaringswetgewing nie. Die Sentrum vir Omgewingsreg het pas 'n nie regerings-organisasie gestig, Just Share vir die doel. 'n Prokureur by die sentrum en programbestuurder vir deursigtigheid en verantwoordbaarheid in die sakesektor, Tracey Davies sê daar is 'n groot gaping...

Die moordbeskuldigde, Oscar Pistorius se tronkstraf is tot 13 jaar en vyf maande verleng. Dit volg na die staat appèlleer het teen Regter Thokozile Masipa se vonnis van ses jaar. Hulle het gevra dat die minimum vonnis van 15 jaar ingestel word. Die staat het aangevoer dat Regter Masipa se uitspraak 'n oordeelsfout was.

Rou plastiek deeltjies wat in die see beland het by die Durbanse Hawe tydens 'n storm in KwaZulu Natal, begin nou ook op strande uitspoel in die Wes-Kaap. Gemeenskappe aan die KwaZulu Natalse kus het self skoonmaak operasies begin, na die sogenaamde nurdles daar op strande uitgespoel het. Tersia Marais van die organisasie, Stranded Marine Animal Rescue Team of SMART sê sy het Sondag die eerste kla...

Die aanstelling van die nuwe nasionale polisie kommissaris, Generaal Khehla John Sitole het gemengde reaksie ontlok. Maar wie is Generaal Sitole? Joan-Marie Verhoef het gaan uitvind.

Landbou in Zimbabwe is gereed om die sektor weer te laat groei tot sy voormalige glorie, in 'n oogwink. Só sê die president van die Suidelike Afrika Konfederasie van Landbou Verenigings, Theo de Jager. De Jager sê hy is konstant in kontak met die landbouverenigings in Zimbabwe en hulle is gereed om 'n plan aan die nuwe president van Zimbabwe voor te lê.

Huishoudings in Bloemfontein wat sedert verlede Donderdag geen water gehad het nie, behoort weer teen vanaand lopende water te hê. Die woordvoerder van die Mangaung Metro, Qondile Khedama sê waterlekkasies op die hooftoevoerlyn is herstel.

Swart Maandag was die begin van 'n proses om te verseker dat die regering en polisie die bekamping van plaasmoorde prioritiseer. So sê Ernst Roets van die burgerregte organisasie, Afriforum. Hulle beplan om Saterdag 'n protesoptog teen plaasmoorde na die Uniegebou te hou. Afriforum sê die optog is gemik op praktiese oplossings en om plaasmoorde hoog op owerhede se prioriteitslyste te plaas.

Die adjunk direkteur vir opleding en strategiese projekte van die departement van omgewingsake, Jacques du Toit sê die nuwe DNS koodeeringstasie, vergemaklik hulle werk in die veld aansienlik. Die sogenaamde Lab in a Box wat die week in die Nasionale kruger Wildtuin bekendgestel is, as deel van die IBOL konferensie, beteken dat DNS monsters vinniger ontleed kan word tydens 'n ondersoek na onwettig...

Die DA in Kaapstad het vanoggend 'n klag van korrupsie teen die minister van Staatsveiligheid, Bongani Bongo gelê. Dit hou verband met bewerings in die media dat Bongo glo probeer het om die parlementêre leier, wat die ondersoek na staatskaping beheer, Advokaat Nthuthuzelo Vanara, probeer omkoop het. Bongo het glo 'n blanko tjek aan Vanara gegee in die hoop dat hy uit die ondersoek sal onttrek.

'n Argentynse duikboot is steeds vermis, na daar verlede week die laaste keer met die bemanning kontak gemaak is. Die Argentynse vloot is egter nou bekommerd oor suurstofvlakke in die duikboot, wat glo net 7 dae kan hou

Die Verbruikersprysinflasie het in Oktober op 'n jaargrondslag tot 4,8% verlangsaam. In September was die VPI 5,1%. Die syfer is vroeër deur statistieke Suid-Afrika bekend gemaak. Elize Kruger van KNC African Economics gee meer insig oor die syfers.

Die Johannesburg Metro sê hy skenk dringend aandag aan watertoevoer-probleme wat aan die stad se Oosrand ondervind word. Dit volg na 'n groot pyp-lekkasie by 'n stortingsterrein in Linbro Park, oos van Johannesburg. Isaac Dhludhlu van die Metro sê inwoners in die geaffekteerde woonbuurte sal eers teen vanaand weer water hê.

Die voormalige Eskom-voorsitter, Zola Tsotsi, sê hy is deur die voormalige voorsitter van die Suid-Afrikaanse Lugdiens, Dudu Myeni, aangesê om vier bestuurders, insluitend die bestuurshoof, Tshediso Matona, te skors. Tsotsi getuig by die parlementêre ondersoek na korrupsie en wanbestuur by Eskom. Tsotsi het ook getuig dat hy deur president Jacob Zuma aangesê is om 'n raadsvergadering te kanselleer...