Ons en die Onderwys

Met sy dubbelbane in teenoorgestelde rigtings is Koebergweg een van die gevaarlikste paaie in die Wes-Kaap. Anthea het gaan inloer by Laerskool Ysterplaat, wat oorkant dié pad geleë is, om meer uit te vind oor hulle padveiligheidbewusmakingsveldtog.

Anthea Adams was by Laerskool Durbanville wat net soos die res van die wêreld, Mandeladag behoorlik gevier het. Sy sit ook die kollig op ʼn bestuursprogram vir departementshoofde en hoofde, die Principals Management Development-program.

Bykans 9 000 onderwysers in die Wes-Kaap het tydens die Junie-vakansie kurrikulum-opleiding bygewoon. Dié opleiding berei onderwysers voor vir 2014 wanneer die derde en laaste implementeringsfase van die Nasionale Kurrikulum Beleidsverklaring (NKBV) oftewel CAPS in Graad 7 tot 9 en Graad 12 plaasvind.

Kenners praat oor opvoedingsontwikkeling en interessante en omstrede sake in die onderwys.

Kenners praat oor opvoedingsontwikkeling en interessante en omstrede sake in die onderwys.

Is jy ʼn gegradueerde wat jou kundigheid en talente wil inspan om ʼn verskil te maak in skole en gemeenskappe? Die Teach South Africa-program werf jong gegradueerders wat spesialiseer in vakke soos Wiskunde, Wetenskap, Tegnologie of Engels en plaas hulle in skole wat sukkel om die mas op te kom in dié vakke.

Aandagtekort-hiperaktiwiteitsversteuring (ADHD) affekteer leerders se vordering op skool. Dr. Thereza Bothma van die Wes-Kaapse Onderwysdepartement verduidelik hoe ouers en onderwysers leerders wat met dié toestand gediagnoseer is, kan ondersteun.

Nasionale Jeugdag word landswyd op 16 Junie gevier en dis veral jongmense se passie, toegewydheid en onwrikbare geloof in dit wat reg is, wat erkenning kry. Leerders van die Hoërskool Zwartkop val in dié kategorie en hulle sukses is legendaries! Verteenwoordigers van hierdie uitblinker-skool gee jou ʼn kykie agter die skerms.

ʼn Nasionale Beroepsgerigte Sertifikaat wat by ʼn VOO-kollege verwerf word, is ʼn goeie opsie vir persone sonder Graad 10, 11 en 12. So sê Ivan Swart, die Kommunikasie- en Geleentheidsbeampte van Northlink Kollege.

Vyf klippies, Blikaspaai, Wolf-wolf hoe laat is dit? Bok-bok, sakresies en Kat-en-muis – die arbeidsterapeut, Heleen Johnson, sê tradisonele speletjies is bobaas vir fyn- en groot motoriese ontwikkeling.

Spelterapie het talle voordele soos dat dit leerders help om toekomstige moeilike situasies te hanteer. Anthea Adams praat hieroro met ‘n kliniese sielkundige, Michelle Nel.

Die Suid-Afrikaanse Onderwysersunie se ondersteuning gee dryfkrag aan inisiatiewe wat op nasionale en plaaslike vlak uitgerol word. Anthea Adams gesels hieroor met Chris Klopper, Uitvoerende Hoof van SAOU.

Volgens navorsing dra armoede grootliks by tot leerders se swak vordering op skool. Die Wes-Kaapse Onderwysdepartement se uitgebreide voedingskema poog egter om dié situasie om te keer.

Vir baie ouers is dit ʼn opdraande stryd om eksterne faktore wat dwelmmisbruik aanmoedig, af te weer. Die skoolsielkundige, Bridget Goosen, het raad.

Omgewingsfaktore soos bendegeweld, egskeiding of verandering in die leerder se familiestruktuur kan lei tot angs en depressie. ‘n Skoolsielkundige, Bridget Goosen, vertel waarna onderwysers, ouers en vriende moet oplet en hoe hulle leerders kan bystaan.

Leerders en onderwysers word amper elke dag blootgestel aan bendegeweld in en rondom die skool. Neville Goliath, John Linderts en Grace Ziegler vertel van inisiatiewe wat skole kan implementeer as voorkomingsmaatreëls teen bendegeweld.

Bendebedrywighede op skool is aan die toeneem en leerders en onderwysers word byna daagliks blootgestel aan een of ander vorm van geweld. ʼn Wanbalans tussen die waardestelsels van die skool en die gemeenskap is dikwels die vonk in die kruitvat.

Boelie op skool en in die gemeenskap is aan die toeneem en ouers en onderwysers is raadop. Liesl Schoonraad se Strong4life-program het ©° unieke aanslag en bemagtig alle leerders, boelies, slagoffers en leerders wat knak onder groepsdruk.

Wat is die verskil tussen boelie en terg? Thamar Jacobs, ʼn maatskaplike werker, en Liesl Schoonraad van die program Strong4Life, verduidelik hoe dié negatiewe gedrag met wortel en tak uitgeroei kan word.

Wie kan ʼn kompetisie weerstaan? As jy jou leerders se woordvaardighede en liefde vir boeke ʼn hupstoot wil gee dan is die Idols vir boeke-kompetisie net die regte ding! Fiona van Kerwel en Shireen Crotz vertel hoe dié skole-uitreikprogram leerders en onderwysers kan bemagtig.

Anthea Adams het gaan inloer by die Verf- en Vers werksessies wat deel was van die Universiteit van Stellenbosch se Woordfees. Sy’t daar kennis gemaak met ywerige leerders wat hard aan die oefen was vir die WOW-Spelkompetisie se uitdunrondes later vanjaar. Dié kreatiewe projekte is deel van die universiteit se jaarlange Woorde Open Wêrelde (WOW)-Projek.

Graad 8 Wiskunde is vir baie leerders ʼn uitdaging omdat hulle nie sekere wiskundige konsepte, wat hulle reeds in graad 7 moes bemeester, onder die knie het nie. Marise Oberholzer het egter raad. Anthea Adams gesels met dié wiskunde-ghoeroe oor die verband tussen ʼn positiewe gesindheid, gereelde huiswerk en ʼn verantwoordelikheidsbesef.

Gee jou kind se gesukkel met wiskunde jou grys hare? Die wiskundekenner, Marise Oberholzer, help jou lag-lag om wiskundige konsepte soos tafels op ʼn praktiese manier aan te leer.

Die Wiskundekenner, Marise Oberholzer, sê ouers kan hulle kinders speel-speel help om wiskundige konsepte onder die knie te kry.