Ons en die Onderwys

Hierdie week in Ons en die Onderwys gesels Johan van Lill met Quinton Adams oor die uitdagings wat skole het met kinders wat uit informele nedersettings kom.

Johan van Lill praat met met Danie van Wyk, die bestuurder van Die Suid-Afrikaanse Onderwysontwikkelingstrust oor die uitdagings wat armer skole te bowe moet kom.

Johan van Lill praat met dr. Jeanette de Klerk Luttig en dr. Heinie Brand oor waardegedrewe dissipline in skole.

Johan van Lill gesels met die skoolhoof van Jan Krielskool op Kuilsrivier oor hulle prestasie om as die beste spesiale skool in die land aangewys te word. Hy hoor ook hoe Laerskool Eversdal tablette in die klaskamer benut.

Johan van Lill gesels met oogkundige Inge Loubser oor visieprobleme in die klaskamer. Sy gee wenke oor hoe onderwysers leerders met visieprobleme kan identifiseer.

Johan van Lill gesels met die skrywer, motiveringspreker en ontwikkelingskenner, dr. Melodie de Jager, oor wat onderwysers alles kan doen om die druk waaronder hulle verkeer, te oorleef.

Johan van Lill kyk na die gehalte van onderwysers wat die professie betree, en hoe om verskillende temperamente in die klaskamer te hanteer.

Johan van Lill praat met Karel Esterhuyse, medeprofessor in Sielkunde aan die Universiteit van die Vrystaat, oor lees en speltoetse om kinders se ontwikkelingvlakke te bepaal. Hoe werk hierdie toetse en hoe word dit opgestel?

Johan van Lill gesels oor lewensafrigtingsvaardighede vir onderwysers met Kim Ikel, 'n lewensafrigter en onderwyskundige.

Johan van Lill praat oor sport vir gestremdes. Jannie Putter verduidelik hoe skole oordrewe kompetering op sportgebied kan hanteer.

Johan van Lill praat met onderwyskundige, Dr. Andre Vermeulen oor verskillende leervoorkeure en die rol wat leerders se breindominansie in die klaskamers speel.

Johan van Lill gesels met regsonderwyskundiges, Cecile Eloff en Annamagriet de Wet van die Noordwes Universiteit, oor die hantering van rassisme in skole.

Johan van Lill gesels oor 'n projek wat die Stigting vir Bemagting deur Afrikaans aangepak het om matriekleerders te help om by die eise van tersiëre opleiding aan te pas. Hulle noem dit die Brugbou-projek. Ons gaan loer ook in by die Woordfees se Woorde Open Wêrelde of beter bekend as die WOW-projek waar dit nou 'n miernes van bedrywigheid is vir al die aktiwiteite wat hierdie week voorlê.

Johan van Lill praat met Idilette van Deventer, 'n onderwyskundige, oor onderwysbestuursleierskap. En jy loer in by die Hands for a Bridge-projek by die Hoërskool Bellville.

Johan van Lill praat met Izelle Els van die Club 21 skool vir leerders met Downsindroom.

Johan van Lill praat met dr. Peter Beets, hoofdirekteur kurrikulumbestuur en onderwysontwikkeling by die Wes-Kaap Onderwysdepartement, oor die taal- en wiskundestrategie wat tans in skole geïmplementeer word. En Elacia Whittingham vertel van die SAALED-konferensie oor inklusiewe pedagogie wat volgende naweek in Johannesburg gehou word.

Johan van Lill praat met dr. Jeanette de Klerk-Luttig van die Kantoor vir Morele Leierskap aan die Universiteit van Stellenbosch oor wat die eienskappe van 'n goeie onderwyser is, en wat 'n onderwyser in staat stel om suksesvol te wees.

Johan van Lill gesels oor 'n paar inisiatiewe waarby onderwysers en leerders hierdie jaar kan inskakel: die SAASTA Wetenskapsdebatskompetisie, die ATKV Edu-Konferensie en die Nasionale Toneelspelkompetisie.

Johan van Lill gesels oor privaatskole. Ons fokus op hoekom ouers hulle kinders by 'n privaatskool inskryf, kyk na die kostes en gesels ook met 'n onderwyseres wat al by 'n staatskool en 'n privaatskool onderwys gegee het.

Johan van Lill gesels oor tuisonderwys met Leendert van Oostrum, 'n kenner op die gebied van tuisonderwys, en Yvonne Adams, 'n ma wat al etlike jare lank tuisonderwys met haar seun doen.

Die onderwysers moet hierdie week terug skool toe en Johan van Lill gesels met dr. Jannie le Roux, motiveringspesialis, oor hoe om hierdie onderwysjaar met mening aan te pak.

Johan van Lill gesels in Ons en die Onderwys met prof. Charl Cilliers oor hoe onderwysers leerders kan voorberei vir tersiëre onderrig.

Johan van Lill neem die afgelope onderwysjaar in oënskou. Sy gaste is Irma Eloff, die dekaan van die Fakulteit Opvoedkunde by die Universiteit van Pretoria, Rika Joubert betrokke by die Inter-universitêre Sentrum vir Onderwysreg en Beleid en Paul Colditz van Fedsas.

Johan van Lill gesels met Paul Colditz, hoof van Fedsas, oor die staat se planne om die magte van skoolbeheerliggame in te kort, veral ten opsigte van die aanstellings van onderwysers, adjunkhoofde en skoolhoofde.

Johan van Lill gesels met onderwyskundige Petrus Jacobs oor hoe onderwysers hulself emosioneel gereed moet kry vir die uitdagings van 2016.