Nuacht a hAon

Tá an Iaráin ag déanamh a gcuid críonnachta ar an socrú atá tairgthe ag Uachtarán na Stáit Aontaithe Donald Trump le deireadh a chur leis an gcogadh sa Murascaill. Maíonn Trump go bhfuil an réamh obair ar fad déanta agus go bhféadfaí an conradh a shíniú as seo go ceann cúpla lá.

Inniu tá an Pápa Leon XIV ag tabhairt a chuairt seachtaine chun na Spáinne chun críche sna h-oileáin Chanáracha, áit a dtarraingeoidh sé aird ar riocht na n-inimirceach as an Aifric a théann i mbaol a mbáite le ceann cúrsa a bhaint amach san Aontas Eorpach.

Inniu a thagann an Comhaontú Tearmainn agus Imirce i bhfeidhm, iarracht ag an Aontas Eorpach caighdeánú a dhéanamh ar an gcóras faoi’na ndéantar próiseáil ar dhaoine atá ag lorg tearmainn san Aontas.

Tá sé fógartha ag Cumann Sacair na hÉireann go n’imreofar an cluiche sacair idirnáisiúnta in aghaidh Iosraeil, ag bhí le n-imirt i mBaile Átha Cliath ar an 4ú Deireadh Fómhair, chuig láthair neodrach. Tá an cinneadh cáinte go láidir ag an bhfreasúra.

Nuacht Náisiúnta & Idirnáisiúnta - Máire de Bhailís. Nuacht an Deiscirt -Aoife Ní Shúilleabháin. Nuacht an Tuaiscirt -Maighréad Ní Annluain. Nuacht an Iarthair-Ríona Ní Mhainín.

An barr is deireanaí nuachta.

Inniu sa Dáil, sheol an feachtas IMEASC tuarascáil eacnamaíochta atá ullmhaithe ag an eacnamaí Jim Power. Maíonn Imeasc gur féidir oideachas lán-Ghaeilge a leathnú sa tír seo gan aon chostas breise a chur ar an stát chóras.

Tá ardú 0.25% fógartha ag Banc Ceannais na hEorpa inniu ar a gcuid rátaí úis, mar gheall ar an ráta boilscithe agus ar an ardú ar chostas breosla.

Tá an Rialtas anseo i mbun plé le rialtas na Breataine faoin gComhlimistéar Taistil idir Éire agus an Ríocht Aontaithe. Tagann an phlé sna sála ar ionsaí an Luain i mBéal Feirste agus éilimh roinnt pholaiteoirí aontachtacha gur chóir an teorann idir na 6 Chontae agus an stát seo a dhúnadh.

Aréir, den dara oíche as a chéile bhí círéibeacha in áiteanna éagsúla ar fud na 6 Chontae, áit ar gortaíodh 12 póilíní agus gabhadh sé dhuine dhéag.

Nuacht Náisiúnta & Idirnáisiúnta - Cáit de Bhailís. Nuacht an Iarthair - Ríona Ní Mhainín. Nuacht an Deiscirt - Conn Ó Muineacháin. Nuacht an Tuaiscirt -Caoimhe Ní Chonchoille.

An barr is deireannaí nuachta.

Tá imní ar fud na Stáit Aontaithe go bhfuil an tUachtarán Trump ag tarraingt na tíre níos doimhne i gCogadh na Murascaille. Aréir d’ordaigh Trump ruathair mar éiric ar ingearán Meiriceánach a dúirt sé a bhí ionsaithe ag an Iaráin.

Ar maidin, tháinig ionadaithe ó Iarnród Éireann os comhair Comhchoiste Oireachtais ar chúrsaí Iompair le ceisteanna a fhreagairt faoi chóras teicneolaíochta a chosain €50 milliún agus nár h-úsáideadh ariamh. Tá an t-airgead díscríofa ag an gcomhlacht.

Tá cáineadh forleathan déanta ar na círéibeacha a bhí aréir ar fud Thuaisceart Éireann, áit ar scriosadh tithe agus feithiclí. Inniu cuireadh tús leis an bhfiosrúchán reachtúil faoi dhúnmharú an dlíodóra as Béal Feirste, Pat Finucane.

Sa Dáil ar maidin, cháin an Taoiseach Mícheál Martin agus ceannairí an fhreasúra foréigean na hoíche aréir i mBéal Feirste. Anocht sa Dáil caithfear bhóta ar rúin de chuid an fhreasúra atá ag iarraidh tacaíocht an rialtais le Iosrael a chaitheamh amach ó chomórtais spóirt idirnáisiúnta.

Nuacht Náisiúnta & Idirnáisiúnta Cáit de Bhailís Nuacht an Tuaiscirt Caoimhe Ní Chonchoille Nuacht an Iarthair Séamus Ó Scanláin Nuacht an Deiscirt Conn Ó Muíneacháin.

An barr is deireanaí nuachta.

Tá Aughinish Alumina an scaglann atá lonnaithe i gContae Luimní le plé inniu ag cruinniú a bheidh ag ceannasaí gnóthaí eachtracha an Aontais Eorpaí Kaja Kallas leis an Taoiseach, Micheál Martin. Tá brú ag treisiú san AE go gcuirfí smachtbhannaí ar thrádáil alumina leis an Rúis. Tá 500 duine fostaithe ag Aughinish Alumina i Luimneach.

Cuireadh obráidí croí ar athló inniu in chúig ospidéal ar fud na tíre mar gheall ar an stailc atá gloite ag tréleathadóirí atá ina mbaill den cheardchumann Fórsa. Deir Fórsa go bhfuil an Feidhmeannas Seirbhíse Sláinte ag sárú breithiúnais ar a son a d’éisigh an Chúirt Oibreachais i mí Eanáir.

Tá ‘Córas na ndíolúintí ó fhoghlaim na Gaeilge sa gCóras Oideachais’ á phlé ag Comhchoiste Oireachtas na Gaeilge. Céard iad éilimh Ghaeloideachas?

Tá Bord Ospidéal an Rotunda taréis géilleadh d’éileamh an rialtais go gcuirfí deireadh leis an gcóir leighis phríobháideach a bhí dá thairiscint ag dochtúirí chomhairleacha san ospidéal. Bua mór polaitiúil don Aire Sláinte Jennifer Carroll McNeill.

Nuacht Náisiúnta & Idirnáisiúnta Máire de Bhailís Nuacht an Deiscirt Aoife Ní Shúilleabháin Nuacht an Tuaiscirt Maighréad Uí Annluain Nuacht an Iarthair Fódhla Ní Bhraonáin.

An barr is deireanaí nuachta.

An barr is deireanaí nuachta.