Leefwêreld van die Gestremde

Leefwêreld van die gestremde 3 Augustus 2014

Fanie du Toit vind meer uit van 'n dienshond vir gestremdes. En Jacqui Janaury hoor hoe ander diere soos perde, hase en voëls vir terapie ingespan word.

Leefwêreld van die gestremde 27 Julie 2014

Jacqui January kyk na diskriminasie op grond van fisiese uitdagings. Fanie du Toit gee duidelikheid oor die VN Konvensie wat as riglyn dien. Hy vertel ook van ondersteuning wat beskikbaar is vir ouers van gestremde kinders.

Leefwêreld van die gestremde 20 Julie 2014

'n Jong volwassende vertel van haar uitdagings om te leef met intellektuele gestremdheid.

Leefwêreld van die gestremde 13 Julie 2014

Jacqui January en Fanie du Toit vind meer uit oor die bewusmakingsveldtog vir geestesgesondheidsmaand, en 'n vrou deel haar storie van dankbaarheid na 'n breinoperasie.

Leefwêreld van die gestremde 6 Julie 2014

Die werk wat vrywilligers doen vir mense met gestremdhede is instrumenteel in die voortbestaan van die hulporganisasies. jacqui January vind meer oor die hulp wat vir blinde mense beskikbaar is. En Fanie du Toit hoor van die risiko's en voorkomingsmaatreëls van druksere.

Leefwêreld van die gestremde 29 Junie 2014

'n Jongman in 'n rolstoel vertel sy inspirende verhaal van positiwiteit en ondersteuning.

Leefwêreld van die gestremde 22 Junie

Jacqui January en Fanie du Toit kyk na riglyne wat verseker dat kinders en jongmense met gestremdhede op 'n gelyke basis kan kompeteer.

Buitengewone skole vir kinders met gestremdhede se praktiese aanpassings en fokusareas is anders as hoofstroomskole s'n. Fanie du Toit en Jacqui January vind meer uit hieroor.

Die oudwordproses bring uitdagings en soms liggaamlike en geestelike gestremdhede. Hoe kan jy jouself en jou geliefdes ondersteun en die lewe geniet? Jacqui January en Fanie du Toit het gaan uitvind.

Watter reëlings is daar getref om mense met gestremdhede op stemdag by te staan? Daar is ook nuus oor 'n liefdadigheidsorganisasie wat sporthulpmiddele aan gestremdes bied.

Suid-Afrika se grondwet word beskryf as 'n mylpaal vir minderheidsgroepe. Jacqui January en Fanie du Toit kyk na die suksesse en aanpassings die afgelope 20 jaar vir mense wat leef met gestremdhede.

Pad na Onafhanklikheid is 'n program vir mense met gehoorverlies in die werkplek. Fanie du Toit kyk na die uitdagings wat professionele mense moet oorkom. En Jacqui January vind meer uit oor Wêreld Outismemaand.

Het jy geweet die sterkste been in jou liggaam is in jou binne-oor? Hierdie en ander interessanthede oor gehoorverlies word bespreek.

Wat is 'n beskermde werksfasiliteit vir mense met gestremdhede? Naas Ferreira vertel meer van die Oosrandse Beskermde Werkwinkel vir volwassenes met 'n verstandelike gestremdheid.

Die fokus val op die impak van hemiplegie. Fanie du Toit kyk ook na die uitdagings rondom die gelyke indiensneming van mense met gestremdhede.

Ingrid Vorwerk-Marren vertel van 'n ondersteuningsgroep in Pretoria vir mense wat regstreeks deur beroerte geraak word.

Jeannie Rudolf vertel van die impak van sigverlies en die voordele verbonde aan die gebruik van 'n gidshond.

Fanie du Toit gesels met Heidi Claassens van Bothaville oor haar twee seuns wat erge gehoorverlies het.