Groeipyne

Ouer-opleidingspesialis Heidi Malan praat verder oor ouer/kind-verhoudings.

‘n Mens sou dink dat ouerskap natuurlik kom, maar ‘n pienkvoet kom nie met ‘n handleiding nie! Ons fokus op ouer/kind-verhoudings saam met ouer-opleidingspesialis Heidi Malan.

Die ontdekkingsreis wat ons ouers saam met veral hulle voorskoolse kinders onderneem, is soms deurspek met onsekerhede. Die wêreld lyk soms boos, en rondom ons tuimel dinge ineen. Ons is bekommerd oor wat die toekoms vir kinders inhou. Kliniese sielkundige en spelterapeut dr. Jo-Marie Bothma gee raad.

Internasional Fetale Alkoholspektrum-afwykingsdag word jaarliks internasionaal op 9 September herdenk. Dis ‘n bewusmaking van die skadelike gevolge van alkoholgebruik tydens swangerskap, en die behoefte aan toepaslike dienste. Dr. Leana Olivier, bestuurshoof van die nie-regeringsorganisasie, Fetal Alcohol Related Research, vertel meer.

Ons fokus op die gevreesde siektes, infeksies en infestasies wat by kleuterskole kop uitsteek, en waaroor ons nie graag gesels nie. Wat is hand-voet-en-mondsiekte? En wat van kopluise en ringwurms? Kleinkinderonderrigspesialis en kleuterskooljuffrou Yolandi van den Heever gee raad.

Marita Bezuidenhout, ‘n ma van drie met meer as ‘n dekade se betrokkenheid in die babakos-bedryf, praat oor die oorgang van borsmelk of formulemelk na vaste kos. Waar begin jy, en waaraan stel jy jou baba eerste bekend?

Ons fokus op verbeelding, en die impak wat verbeeldingspel op voorskoolse kinders se ontwikkeling het. Wilna van Rooyen, ’n vroeë kinderontwikkelingspesialis betrokke by die Afrikaanse Onderwysnetwerk, vertel hoekom dit belangrik is om jou kind se verbeelding vrye teuels te gee.

Ons kyk na finansiële uitdagings, en die impak wat dit op ons kosmandjies kan hê. Wat koop jy, en wat los jy? Dieetkundige Christa Dunn het die antwoorde.

Ons kyk na die rol van nuuskierigheid, weetgierigheid en verbeelding in ‘n voorskoolse kind se ontwikkeling. Wilna van Rooyen, ’n vroeëkinderontwikkelingspesialis betrokke by die Afrikaanse Onderwysnetwerk, praat oor daardie verkenningsoomblikke en ons kleintjies wat alles wil weet. Vra maar vir ouers wat 30 000 vrae deur die loop van ‘n oggend moet antwoord!

Amanda Broodryk van die Laeveld deel haar persoonlike reis met haar seuntjie by wie disleksie geïdentifiseer is. Opvoedkundige en disleksiekenner Yolanda Gani deel ook haar insigte.

Anthea Warner praat met die Basiese Onderwysdepartement en Sesame Workshop International South Africa oor die registrasie van vroeë kinderontwikkelingsentra.

Ons fokus op leesagterstand, en wat die regering se planne is om die probleem aan te pak, saam met remedierende terapeut en medeskrywer van die Tippie-reeks, Reinette Lombard.

Ons kyk na jong kinders se akademiese reis, en wanneer dinge nie volgens plan verloop nie. Wat staan ons te doen wanneer daar struikelblokke opduik? Kleinkinder-onderrigspesialis en kleuterskoolonderwyser Yolandi van den Heever gee raad.

Volgens navorsing en beskikbare syfers is tot tien persent van die wêreld se bevolking linkshandig, en onder hulle is bekendes soos Albert Einstein, Napoleon Boneparte en Oprah Winfrey. Ons fokus op linkshandigheid saam met arbeidsterapeut Charlene Cruickshank.

Dieetkundige en borsvoedingskonsultant, Natascha Olivier, praat oor die struikelblokke wat mammas kan laat dink dat hulle nie genoeg borsmelk produseer nie.

Dieetkundige en borsvoedingskonsultant, Natascha Olivier, neem ons deur die proses om suksesvolle borsvoeding te inisieer.

Die sprong na Graad 1 is groot, en vir hierdie oorgang om suksesvol te wees, is dit nodig dat die voorskoolse kind oor die nodige vaardighede beskik. Afrikaans.com, in samewerking met Oasis Club Learning, het ’n skoolgereedheidsprogram ontwikkel wat ouers help om probleemareas te identifiseer, en indien nodig die nodige stappe te doen as ouers vermoed hulle kind is nie skoolgereed nie. Yolandi van...

Slaapkonsultant Jolandi Becker deel haar kennis oor goeie slaapgewoontes, en hoe om met pasgebore babas goeie beginsels te implimenteer.

Voorligtingsielkundige Fiona Doman-Olivier praat verder oor die rol en impak van 'n ma en pa op verskeie gebiede van ontwikkeling en welstand in 'n kind se lewe.

Voorligtingsielkundige Fiona Doman-Olivier praat oor die rol en impak van 'n ma en pa op verskeie gebiede van ontwikkeling en welstand in 'n kind se lewe.

Wie onthou nog DF Malherbe se gedig oor slaap? Die wondersoete ding! Maar dis natuurlik nie altyd die geval vir baie nuwe ouers nie. Soms sukkel ‘n kleinding om te slaap, en ouers is radeloos, want as baba of kleuter nie slaap nie, dan slaap hulle nie. Slaapkonsultant Jolandi Becker het raad.

Ons sit die gesprek voort met spraakterapeut en skrywer Christien Neser, oor hoekom dit so belangrik is om vir jou kind voor te lees.

Spraakterapeut en skrywer, Christien Neser, vertel hoekom dit so belangrik is om vir jou kind voor te lees.

Ons het die afgelope paar weke gefokus op neurodiversiteit en outisme teen die agtergrond van Outisme Bewusmakingsmaand. Ons sluit die reeks gesprekke af met vroeë kinderontwikkelingspesialis en opvoeder, Sophie Breytenbach, ouma van twee kleinkinders met outisme.

Die fokus is op neurodiversiteit in die klaskamer teen die agtergrond van Outisme Bewusmakingsmaand. Kleinkinderonderrigspesialis en kleuterskooljuffrou, Yolandi van den Heever, deel haar insigte en gee raad.