Groeipyne

Johan van Lill praat met dr. Danie Brink, 'n onderwyskundige, oor hoe om by kinders 'n gewoonte van “eerste keer gehoorsaamheid” te ontwikkel sodat hulle die eerste keer as jy praat, sal luister en reageer.

Johan van Lill vind uit of sekere kossoorte kinders hiperaktief kan maak en hulle gedrag kan beinvloed. Is daar 'n korrelasie tussen bloedsuiker en gedrag? Twee dieetkundiges verduidelik ook wat gesonde eetgewoontes vir kinders beteken.

Hoe gemaak as oumas en oupas nie saamstem met hoe hulle kinders die kleinkinders grootmaak nie?

Hoe gemaak as my kind 'n jaar op skool moet herhaal?

Hierdie week in Groeipyne gesels Johan van Lill met Anienie Veldsman, onderwyskundige, oor die rol van speel in kinders se ontwikkeling en hoekom kinders sekere goed nie kan doen nie as hulle nie genoeg gespeel het nie.

Johan van Lill kyk na die rol wat ouers speel in kinders se keuses ten opsigte van vakke en loopbane. Hoe kan ek seker maak my kind kies vakke wat vir hom die meeste geleenthede in die lewe sal oopmaak?

Johan van Lill praat met Gertie Smit, 'n onderwyskundige, oor watter liedjies 'n mens vir kinders kan aanleer, hoe jy dit aanleer en hoe kies jy die regte liedjies wat kinders se ontwikkeling kan stimuleer.

Johan van Lill praat met dr. Johan Anker, 'n geletterdheidskenner, oor hoe jy boeke kan gebruik om kinders se nuuskierigheid te prikkel. Daar is ook wenke oor hoe om voorlees te gebruik vir taalontwikkeling.

Johan van Lill praat met opvoedkundige sielkundige dr. Marinda Bannister oor hoe om jou kinders trots Suid-Afrikaans groot te maak. Hoe maak ek my kinders bewus van ons pragtige land met 'n ryke verskeidenheid kulture en klanke dat hulle die waardes van ons Grondwet sal uitleef.

Johan van Lill praat met pastorale sielkundige Fanie Kriel oor hoe ouerskapstyle kinders se selfbeeld of eiewaarde kan ontwikkel of benadeel.

Johan van Lill praat met Wilna van Rooyen, hoof van 'n pre-primêre skool, oor vryspel. Wanneer ouers 'n kleuterskool besoek, is een van die dinge waarna hulle moet oplet, watter keuses van apparaat daar vir die kinders is wanneer hulle speel – ons gee wenke waarna mens moet kyk.

Hoe kan ouers weet wanneer inligting wat op die internet verskyn, wel betroubare inligting is? Hoe lyk 'n gesonde kosblik?

Johan van Lill praat met Marise Oberholzer, 'n skrywer en wiskundekenner, oor hoe ouers en versorgers die begrip van meting by hulle kinders kan ontwikkel.

Johan van Lill praat met Nedine Blom wat pas haar meestersgraad behaal het oor die problematiek van mensehandel, en wat ouers en versorgers kan doen om hulle kinders hierteen te beskerm. Hulle bespreek ook die rol wat sosiale media speel om kinders weerloos te maak teen mensehandel.

Johan van Lill gesels met dr Renate Schoeman, psigiater, oor die impak wat tegnologie op kinders se slaapgewoontes het.

Hierdie week in Groeipyne gesels Johan van Lill Lizanne du Plessis, bekende skrywer en arbeidsterapeut, oor die belangrikheid van “rof speel” en “fisieke speel” in kinders se ontwikkeling.

Ons weet almal dat beweging belangrik is vir kinders se ontwikkeling en algemene gesondheid. Maar hoe gemaak met jou lui kind wat glad nie hou van beweging nie? Johan van Lill gesels met twee kinderkinetici oor hoe om kinders aan te beweeg te kry.

Johan van Lill praat met Christien Neser, 'n skrywer en spraakterapeut, oor hoe om stories vir kinders voor te lees of te vertel, om hulle geletterdheid te ontwikkel.

Johan van Lill praat met Lizanne du Plessis, 'n skrywer en arbeidsterapeut, oor hoe om die regte ingesteldheid te hê wanneer jou kinders met uitdagings gekonfronteer word.

Johan van Lill praat met onderwyskundiges Martiza Olivier en Ina-Marie Harcourt oor selfsugtige gedrag by kinders, en hoe om dit te hanteer. Hoe leer ek my kind om met ander te deel?

Hierdie week in Groeipyne gesels Johan van Lill met opvoedkundige sielkundige, Rina Brink, oor hoe ouers kinders kan help met hulle belangstellings, aanlegte en besluite oor loopbane en vakkeuses.

Johan van Lill praat met Debbie Cilliers van CPUT waar onderwysers opgelei word, oor hoe om suksesvol, en tot jou kind se voordeel, met die skool te kommunikeer.

Johan van Lill praat met dr. Annelie van Breda, 'n sielkundige, oor gesonde eetgewoontes by tieners, “binge eating” en hoe om jou tieners te leer van “mindful eating”.

Johan van Lill praat met ontwikkelingskenner dr. Melodie de Jager oor babas, en wat die belangrike dinge is waaraan 'n mens moet aandag gee wat probleme kan voorkom, sodat hulle ontwikkeling volgens die korrekte mylpale kan plaasvind.

Johan van Lill praat met ontwikkelingskenner dr. Melodie de Jager oor babas, en wat die belangrike dinge is waaraan 'n mens moet aandag gee wat probleme kan voorkom, sodat hulle ontwikkeling volgens die korrekte mylpale kan plaasvind.