Groeipyne

Johan van Lill praat met Lezinda Beer, ‘n pastorale jeugberader, en Sonja Teitge, ‘n spesialis welstandsberader, oor wat om te doen wanneer kinders oor alles baklei. Wat maak ek as my kinders net nie met mekaar oor die weg kom nie?

Johan van Lill praat met Marezelda Combrinck, 'n ontwikkelingskenner, en Mariette van Zyl, 'n opvoedkundige sielkundige, oor watter speelgoed goed is vir kinders se ontwikkeling. Hierdie tyd van die jaar kreun die winkels se rakke onder die speelgoed vir die feesseisoen – watter speelgoed kan my kind geniet en terselfdertyd goeie stimulasie bied vir ontwikkeling?

Johan van Lill praat met Sonja Teitge, ‘n welstandsberader en spelterapeut, en Lezinda Beer, 'n pastorale en jeugberader, oor wat om te doen wanneer jou kind na niks en niemand luister nie en hom of haar nie aan die reëls van die huis steur nie.

Johan van Lill praat met Elzette Fritz en Melissa Cawood, opvoedkundige sielkundiges, oor hoe om kinderstres, -angs en -vrese te hanteer. Wanneer moet ek bekommerd wees oor my kind se stres- en angsvlakke, en hoe gaan soek ek hulp daarvoor.

Hoe moet ouers en versorgers dit met kinders hanteer wanneer ‘n huwelik of verhouding besig is om te verbrokkel, en daar is baie spanning en stres in die huis?

Johan van Lill praat met onderwyskundige prof. Ignatius Gous oor ouerskap wat lewens verander. Hoe help ek my kind om te floreer en rigting in die lewe te kry?

Johan van Lill praat met Wilna van Rooyen, 'n onderwyskundige en vroeë kindontwikkelingspesialis, oor wat ouers en versorgers tuis kan doen om kinders gereed te kry om te leer lees.

Johan van Lill praat met twee arbeidsterapeute, Elize Janse van Rensburg en Chané Potgieter, oor die rol wat sensoriese ontwikkeling in kinders se ontwikkeling speel.

Johan van Lill praat met prof. Renata Schoeman, 'n psigiater, oor kinders se blootstelling aan skermtyd, en wat die tekens is waarvoor jy op die uitkyk moet wees wat op skermverslawing dui. Skermverslawing het ‘n negatiewe impak op kinders se konsentrasievermoë, aandag, geheue, slaapgewoontes, algemene gesondheid en ontwikkeling.

Johan van Lill praat met twee opvoedkundige sielkundiges, Elzette Fritz en Katherine van Heerden, oor ouerskapstyle, en hoe gemaak wanneer twee ouers in dieselfde huis verskillende ouerskapstyle toepas. Verander ‘n mens se ouerskapstyl soos wat jou kinders ouer word? Watter rol speel binding in ouerskap?

Johan van Lill praat met twee opvoedkundige sielkundiges, Alicia Bestbier en Melissa Cawood, oor hoe om met jou kind oor geld en finansies te praat. Hoe gemaak met sakgeld? Moet ‘n kind weet hoeveel jy verdien?

Johan van Lill praat met onderwyskundige en remediërende onderwyser, Isabel Pretorius, oor die rol wat perseptuele vaardighede in leesontwikkeling speel, en wat ouers en versorgers tuis kan doen om hulle kinders met die ontwikkeling hiervan te ondersteun.

Johan van Lill praat met opvoedkundige sielkundige Leanda Otto oor wat om te doen wanneer jou kind ‘n vloermoer gooi? Wat doen jy in die situasie? Hoe kan jy verhoed dat jou kind jou lewe ontwrig met sulke optrede? Wat gebeur wanneer jy die minste tyd of krag het om dit te hanteer?

Johan van Lill praat met twee opvoedkundige sielkundiges, Leanda Otto en Alicia Bestbier, oor pa en dogter-verhoudings tydens die tienerjare. Watter rol speel pa’s in die identiteit en selfbeeldvorming van hulle dogters, en hoe kan jy die beste pa wees vir jou dogter in die wêreld waarin hulle vandag leef?

Johan van Lill praat met opvoedkundige sielkundige Katherine van Heerden oor die uitdagings en praktiese dinge wat met enkelouerskap gepaard gaan. Hoe kry jy as enkelouer die balans tussen kinders grootmaak én tyd vir jouself?

Johan van Lill praat met Fanie Kriel, ‘n pastorale berader, en Ryno Els, ‘n predikant, oor pa en seun verhoudings in die tienerjare. Wat is ‘n pa se rol? Hulle gee wenke oor hoe om die uitdagings te hanteer.

Hoe gemaak as ek ‘n helikopter-ouer is? Ek wil net die beste vir my kind hê, daarom is ek betrokke by elke fasset van my kind se bestaan Wat is die beste vir my kind se ontwikkeling? Twee opvoedkundige sielkundiges, Natalie Pretorius en Melissa Bekker, gee raad.

Johan van Lill praat oor “oorslaap” met twee opvoedkundige sielkundiges, Melissa Bekker en Alicia Bestbier. Hoe pak 'n mens dit aan, en wanneer is my kind oud genoeg?

Johan van Lill praat oor kinders se suksesse en terugslae - Wat is die wenresep vir ouers en versorgers om dit te hanteer? Die kenners is Lizette Volkwyn, ‘n lewensafrigter, en Nantie van Aswegen, ‘n onderwyskundige.

Johan van Lill praat met opvoedkundige sielkundiges Elzette Fritz en Katherine van Heerden oor kindervrese, en hoe ouers en versorgers dit kan hanteer.

Hoe gemaak as my kind verveeld is in die skool? Jou kind het dalk uitsonderlike vermoëns of is begaafd, of dalk is hy net verveeld omdat hy lui is! Hoe hanteer jy dit as ouer en versorger?

Wat is die uitdagings vir gesinne wat net een kind het (of ‘n laatlammetjie) en hoe kan ouers en versorgers hulle ondersteun vir die lewe? Sy gaste is twee opvoedkundige sielkundiges, Joy Nel en Leanda Otto.

Johan van Lill praat met Jacoleen Vogel, 'n opvoedkundige sielkundige, en Charlotte Fourie, 'n dosent by die Wolkskool, oor hoe om dit te hanteer wanneer jou kind iets onbehoorliks op die internet en op sosiale media aanvang.

Johan van Lill kyk na wat onvoorwaardelike liefde binne 'n gesin beteken? Sy gaste is Fanie Kriel, 'n pastorale terapeut, en Zelda Pollard, 'n opvoedkundige sielkundige.

Johan van Lill kyk na die belangrikheid van speel vir kinders op 'n vroeë ouderdom. Sy gaste is Marezelda Combrinck, 'n ontwikkelingskenner en onderwyskundige, en Talita Veldsman, 'n opvoedkundige sielkundige.