Groeipyne

Johan van Lill praat met Johan Olivier, ‘n gekwalifiseerde finansiële opleier, oor hoe ouers en versorgers goeie en gesonde geldgewoontes by kinders kan ontwikkel. Wat is finansiële geletterdheid? Wat is die onderwerpe wat jy met jou kinders kan bespreek om hulle geldsake van jongs af goed te bestuur?

Johan van Lill praat met opvoedkundige sielkundige Katherine van Heerden oor kinderdepressie. Wat is dit, en wanneer moet ek as ouer en versorger bekommerd wees?

Johan van Lill praat met twee opvoedkundige sielkundiges, Anel Hattingh en Salomi Morkel, oor die moets en moenies van kinderkamers. Hoe lyk die ideale kinderkamer wat by jou kind se ontwikkelingstadium pas? Wat moet ek eerder vermy, en wat is belangrik vir ‘n kinderkamer?

Johan van Lill praat met twee opvoedkundige sielkundiges, Natalie Pretorius en Tanya van der Walt, oor tieneruitdagings. Hoe gemaak as my tiener vloermoere gooi en emosionele uitbarstings het?

Johan van Lill praat met opvoedkundige sielkundige, Talitha Veldtsman, oor die rol wat ouers en versorgers as opvoeders speel, en hoe ouers hulle kinders in hierdie rol kan voorberei vir terug skool toe gaan.

Johan van Lill praat met twee opvoedkundige sielkundiges, Alicia Bestbier en Jacoleen Vogel, oor ontwikkelingsuitdagings by kinders, wat soms lyk asof dit ADHD kan wees, maar dit is nie. Daar word so maklik ‘n diagnose van ADHD gemaak by kinders, maar baie ander ontwikkelingsuitdagings het presies dieselfde simptome, en moet eers uitgeskakel word.

Johan van Lill praat met twee opvoedkundige sielkundiges, Jacoleen Vogel en Marezelda Combrinck, oor of mylpale by kinders se ontwikkeling nog belangrik is. Maak dit saak of jou kind op ‘n sekere ouderdom begin praat en kruip het of regop kon sit?

Johan van Lill praat met twee opvoedkundige sielkundiges, Melissa Cawood en Talita Veldsmaner, oor kindertrauma en die impak wat dit op die gesin en kinders se ontwikkeling het.

Johan van Lill praat met Betsie Hartzer, ‘n geregistreerde berader, en Mariaan de Vos, ‘n opvoedkundige sielkundige, oor hoe jy met jou kind oor kinderveiligheid moet gesels. Baie van die gesprekke wat jy met jou kind hieroor het, is gevul met stereotipes. Hoe help ek my kind om altyd paraat te wees?

Johan van Lill praat met Lizette Labuschagne, 'n forensiese maatskaplike werker, en Minke Saayman'n kliniese maatskaplike werker, oor wat geweld teenoor kinders behels? Geweld kan soveel vorme aanneem. Wat moet ek as volwassene doen wanneer dit voorkom?

Johan van Lill praat met prof. Ignatius Gous oor kinders se uitvoerende funksies, en die rol wat dit speel wanneer hulle leer, studeer en ontwikkel. Hoe leer ek my kind om te prioritiseer, te selfreguleer en om te fokus op dit wat hy moet klaarmaak?

Johan van Lill praat met Lezinda Beer, ‘n pastorale jeugberader, en Sonja Teitge, ‘n spesialis welstandsberader, oor wat om te doen wanneer kinders oor alles baklei. Wat maak ek as my kinders net nie met mekaar oor die weg kom nie?

Johan van Lill praat met Marezelda Combrinck, 'n ontwikkelingskenner, en Mariette van Zyl, 'n opvoedkundige sielkundige, oor watter speelgoed goed is vir kinders se ontwikkeling. Hierdie tyd van die jaar kreun die winkels se rakke onder die speelgoed vir die feesseisoen – watter speelgoed kan my kind geniet en terselfdertyd goeie stimulasie bied vir ontwikkeling?

Johan van Lill praat met Sonja Teitge, ‘n welstandsberader en spelterapeut, en Lezinda Beer, 'n pastorale en jeugberader, oor wat om te doen wanneer jou kind na niks en niemand luister nie en hom of haar nie aan die reëls van die huis steur nie.

Johan van Lill praat met Elzette Fritz en Melissa Cawood, opvoedkundige sielkundiges, oor hoe om kinderstres, -angs en -vrese te hanteer. Wanneer moet ek bekommerd wees oor my kind se stres- en angsvlakke, en hoe gaan soek ek hulp daarvoor.

Hoe moet ouers en versorgers dit met kinders hanteer wanneer ‘n huwelik of verhouding besig is om te verbrokkel, en daar is baie spanning en stres in die huis?

Johan van Lill praat met onderwyskundige prof. Ignatius Gous oor ouerskap wat lewens verander. Hoe help ek my kind om te floreer en rigting in die lewe te kry?

Johan van Lill praat met Wilna van Rooyen, 'n onderwyskundige en vroeë kindontwikkelingspesialis, oor wat ouers en versorgers tuis kan doen om kinders gereed te kry om te leer lees.

Johan van Lill praat met twee arbeidsterapeute, Elize Janse van Rensburg en Chané Potgieter, oor die rol wat sensoriese ontwikkeling in kinders se ontwikkeling speel.

Johan van Lill praat met prof. Renata Schoeman, 'n psigiater, oor kinders se blootstelling aan skermtyd, en wat die tekens is waarvoor jy op die uitkyk moet wees wat op skermverslawing dui. Skermverslawing het ‘n negatiewe impak op kinders se konsentrasievermoë, aandag, geheue, slaapgewoontes, algemene gesondheid en ontwikkeling.

Johan van Lill praat met twee opvoedkundige sielkundiges, Elzette Fritz en Katherine van Heerden, oor ouerskapstyle, en hoe gemaak wanneer twee ouers in dieselfde huis verskillende ouerskapstyle toepas. Verander ‘n mens se ouerskapstyl soos wat jou kinders ouer word? Watter rol speel binding in ouerskap?

Johan van Lill praat met twee opvoedkundige sielkundiges, Alicia Bestbier en Melissa Cawood, oor hoe om met jou kind oor geld en finansies te praat. Hoe gemaak met sakgeld? Moet ‘n kind weet hoeveel jy verdien?

Johan van Lill praat met onderwyskundige en remediërende onderwyser, Isabel Pretorius, oor die rol wat perseptuele vaardighede in leesontwikkeling speel, en wat ouers en versorgers tuis kan doen om hulle kinders met die ontwikkeling hiervan te ondersteun.

Johan van Lill praat met opvoedkundige sielkundige Leanda Otto oor wat om te doen wanneer jou kind ‘n vloermoer gooi? Wat doen jy in die situasie? Hoe kan jy verhoed dat jou kind jou lewe ontwrig met sulke optrede? Wat gebeur wanneer jy die minste tyd of krag het om dit te hanteer?

Johan van Lill praat met twee opvoedkundige sielkundiges, Leanda Otto en Alicia Bestbier, oor pa en dogter-verhoudings tydens die tienerjare. Watter rol speel pa’s in die identiteit en selfbeeldvorming van hulle dogters, en hoe kan jy die beste pa wees vir jou dogter in die wêreld waarin hulle vandag leef?