Əkinçi

Hal-hazırda Sietl şəhərində yaşayan və üç ildən artıqdır ki, ictimai sektorda konsaltinq sahəsində çalışan Adnan Hacızadə qərarvermə prosesində məlumatların düzgün istifadəsi haqda danışır.

Media eksperti Seymur Kazımov kütləvi informasiya vasitələ ictimai fikrin manipulyasiya edilməsi imkanları və buna qarşı mübarizə üsulları haqda danışır.

ABŞ-ın Sietl şəhərində yerləşən Vaşinqton Universitetinin beynəlxalq araşdırmalar məktəbinin dosenti Skot Radnits uzun illərdir ki post-sovet məkanında konspirasiya nəzəriyyələri haqda tədqiqat aparır. Bizimlə söhbətdə Skot konspirasiya nəzəriyyələrinin mənşəyi və onlarla mübarizə yolları haqda danışdı.

ABŞ-ın Sietl şəhərində Vaşinqton Universitetində sosiologiya üzrə doktorantura tələbəsi Ramin Cabbarlı narazılıqların və repressiyaların siyasi səfərbərliyə təsiri haqda tədqiqatı haqda danışır.

Bir neçə ay öncə ABŞ-da tədqiqat aparan immunoloq Murad Məmmədovla koronavirus pandemiyası haqda söhbət etmişdik. Keçən həftə Muradla görüşərək, COVID-19 xəstəliyi ilə bağlı son vəziyyəti və vaksinlər haqda ümidlər barəsində ətraflı danışmaq imkanımız oldu.  Murad 10 yaşında ailəsi ilə bərabər ABŞ-a köçüb. Tibb təhsilini Corctaun Universitetində aldıqdan sonra Stenford Universitetində immunologiya...

Aygün Pəncəliyeva müəllimdir. On ildən çoxdur ki, orta siniflərə fransız dili dərsi deyir. Onun sözlərinə görə, dərslərin səmərəli keçməsi və dərsin müxtəlif elementlərini daha yaxşı qavranmasında oyunlar çox əhəmiyyətli rol oynayır.

Əkinçinin növbəti qonağı tanınmış televiziya aparıcısı Hüsniyə Məhərrəmova yerli televiziyaların mövcud problemləri haqda danışır.

Gender məsələləri üzrə tədqiqatçı Nurlana Cəlil qadınların siyasi iştirakçılığının əhəmiyyəti və buna nail olmaq üçün nəyin edilməli olduğu haqda danışır.

Bu ilin əvvəli Azərbaycanda bir neçə bankın bağlanması ölkədə inamla bağlı ciddi problemi olan bank sistemini daha da çətin vəziyyətə saldığını bildirən iqtisadçı Toğrul Vəliyev, bu inamın bərpası üçün həyata keçiriləcək işlər haqda danışır.

Ritual Mobil Teatr Laboratoriyasının təsisçisi Aynur Zərrintac sosial mövzuların tədrisində teatrın verdiyi imkanlardan danışır.

Memar Müslim İmranlı memarlıq layihələrinin reallaşdırılmasından öncə həmin yerin konteksti, tarixi və ruhunu anlamağın əhəmiyyətindən danışır.

İqtisadçı Əhliman Abbasov Azərbaycanda kiçik və orta sahibkarlığın inkişafında duran əngəllər və rəqabət mühitinin gücləndirilməsi yolları haqda danışır.

Qrafik dizayner Rəsul Həsən Azərbaycanda qrafik dizayn tarixi haqda araşıdırma aparıb və bu araşdırmanın nəticələrini kitab halına salıb. İndi isə o, aşkarladıqlarını Əkinçi auditoriyası ilə paylaşır.

Azərbaycan Turizm və Menecment Universitetinin rektor müşaviri Elvin Yusifli ölkəmizdə ali təhsildə mövcud olan çağırışlar və bu çağırışlara cavab vermək üçün lazım olan dəyişikliklərlə bağlı danışır.

Əkinçinin qonağı, siyasi təhlilçi və vətəndaş cəmiyyəti fəalı Anar Məmmədli siyasətdə nifrət nitqindən, onun yaratdığı problemlərdən və ifadə azadlığı ilə münasibətlərindən söhbət açır.

“Tez-tez cəmiyyətdəki problemlər haqda danışan insanları dinləyərək, əksəriyyətin daha mütərəqqi, hər kəs üçün bərabər imkanların mövcud olduğu bir cəmiyyətin arzusunda olduğunu anlayırsan.” Çıxışına bu sözlərlə başlayan ictimai siyasət mütəxəssisi Rahim Ağayev belə bir cəmiyyətin iklüziv cəmiyyət olduğunu deyir.

Azərbaycanda son illərin iki ən mübahisəli mövzusu feminizm və sülh mövzularıdır. Əkinçinin qonağı Sevinc Səmədzadə bu iki mübahisəli mövzusun kəsişməsində araşdırma aparır.

Uşağın erkən yaşları, xüsusən də 0-5 yaş arası onun gələcək inkişafının təməl illəri hesab olunur, çünki bu müddətdə onun beyni formalaşır. Əkinçinin qonağı, UAFA - Uşaqlara Dəstək təşkilatının təsisçisi və direktoru Qven Börçell belə deyir. Buna görə də uşağın mümkün qədər çox təcrübə yaşaması üçün ona çoxlu fürsətlər  yaradılmalıdır.

Əkinçinin qonağı, Azərbaycanda SOS Usaq Kəndlərinin baş korporativ fandreyzing meneceri Zakir Soltanov ölkəmizdə fandreyzinqin tarixi, növləri və bugünkü vəziyyəti haqqında söhbət açır.

İnformasiya texnologiyaları və yeni media eksperti Emin Hüseynzadə son illərdə dünyada data jurnalistikasının niyə bu qədər populyarlaşması haqda söhbət açır.

Əkinçinin qonağı, Azərbaycanda submədəniyyətlər mövzusunun araşdırmaçısı və Azərbaycanda repin tarixi haqda kitabın müəllifi Səid Riad submədəniyyətlər, onların yaranması, tarixi və formaları haqqında ətraflı söhbət açır.

Əkinçinin qonağı, Y-PEER şəbəkəsinin Azərbaycan təmsilçisi Namiq Abdullayev deyir ki, gənclər ən azından özlərinə aid olan məsələlərdə qərarverici olmalıdırlar.

Azərbaycanda SOS Uşaq Kəndlərinin Proqram İnkişaf Direktoru Sara Ağayeva kimsəsiz uşaqlar üçün alternativ qayğı növlərinin təklif olunmasının vacibliyindən danışır.

“Üçüncü bahar” təşəbbüsü haqqında Əkinçiyə danışan Nərmin Qəniyeva deyir ki, burada yaşlı insanların maraq dairəsinə görə maarifləndirici, sağlamlıq və yaradıcılıq istiqamətində fəaliyyətlər təklif olunur.

Azərbaycanda ilk kraudfanding platforması olan toxum.org-un həmtəsisçisi, sosial sahibkar Toğrul İsmayılov Əkinçi üçün kraudfanding fenomeni, onun tarixi və formaları, önündəki əngəllər və fürsətlər haqqında danışır.