Driesestig

Terblanche Jordaan vertel hoe dit gebeur het dat ‘n drama van hom, die eerste in Afrikaans, in Suid-Afrika Huis se Edwardteater in Londen opgevoer is, en hoe hy oor die jare kalmer geraak het. Johan Rademan het in Tamboerskloof by dié kunstenaar, skrywer en leraar gaan kuier.

Thinus Smuts verduidelik die verskil tussen organiese en biologiese boerdery, en waar dit inpas by volhoubare boerdery.

Cambridge Woordeboek se woord van die jaar is HALLUCINATE.

Dawie Botha praat in SO IS DIE LAND GEBOU oor Despatch - van die oorsprong van die dorp se naam tot Despatch se steenfabriek.

As jy eers gehoor het hoe fluit-huil ’n blouaap-wesie vir sy ma, dan sal jy verstaan hoekom ’n groep Baaienaars elke teelseisoen apie-wesies inneem, wanneer hul ma’s of doodgery, of gebyt of doodgeskiet word. Die organisasie se naam is Monkey Matters, en Mariska Spoormaker het gaan inloer.

Dr. Landi Lombard praat oor die verskillende bloedtoetse vir diabetes, en veduidelik die uitwerking van sekere soorte kos op mense se bloedsuikervlakke.

‘n Fillipynse matrasmaatskappy het ‘n Guiness Wêreldrekord opgestel vir die meeste matrasdominoes, wat hulle met ‘n mens op elke matras laat kantel het. Daar was 2 355 matrasse.

Vehan Landman van die Twee Oseane Akwarium vertel vir Martelize Brink van Bob, die seeskilpad, wat ná agt jaar se rehabilitasie vrygelaat is. Bob se liggingsender het na agt maande opgehou om seine stuur.

Fanie Cronjé vertel vir Martelize Brink wat ‘n politieke risiko-ontleder doen om ondernemings te help.

‘n Skildery wat in ’n bejaarde Franse vrou se kombuis gehang het, en sy geen waarde aan geheg het nie, is vir $25 miljoen op ‘n veiling verkoop!

Vir enige mens is trek van een woonplek na ’n ander ‘n spanningsvolle ervaring, maar soveel te meer vir ‘n senior burger wat, ná jare in dieselfde woning, moet afskaal en trek na ’n aftreeoord of ouetehuis. In Nelson Mandelabaai bied Jo Robberts ’n afskaaldiens aan, wat gepaardgaan met berading. Mariska Spoormaker wou by haar weet hoe sy op die idee vir só n soort diens gekom het.

Ronel de Jager kuier by Martelize Brink met haar gesogte suurdeegbrood. Sy is gevra om deel te wees van die kosmaakspan by vanjaar se Eat Out-toekennings.

Karlien van Jaarsveld vertel vir Martelize Brink van haar en broer, Bobby van Jaarsveld, se Facebookprofiele wat deur skurke oorgeneem is.

Hetta van Deventer-Terblache praat oor die geskiedenis en oorsprong van kerrie.

Haidee Muller-Isaacs gesels met TV-aanbieder en taalfoendi, Susan Booyens, oor haar lewe, haar flink brein en haar liefde vir boeke. En waar kom daai rustigheid vandaan wat sy uitstraal?

Vier mans is vasgetrek en aangekla vir die diefstal van ’n toilet van 18 karaat goud ter waarde van R110 miljoen uit Winston Churchill se geboortepaleis.

Gevierde natuurlewefotograaf, Bruna Mentrup, gesels oor haar betrokkenheid by natuurbewaring die afgelope twee dekades.

Haidee Muller-Isaacs loer in by die Tweet-Tweet rehabilitasiesentrum vir voëls, waar Danica Munro haar vertel van beseerde voëltjies se gesondwordproses.

Verbruikersprokureur Trudie Broekmann vertel wat jy in aanloop tot Swartvrydag kan doen om nie vir slenters te val nie.

‘n Australiese man het weggekom van ‘n soutwaterkrokodil wat hom aan die been beet gekry het, deur die krok se oogbank te byt.

Chelsea-Faith Thomas vertel vir Martelize van haar loopbaan op die verhoog, met onder meer Krismis van Map Jacobs, en TV-rolle in Arendsvlei en Spinners. Sy het ook groot drome vir ‘n loopbaan in die VSA.

Was dit nie vir Covid se streng grendelperiode nie, sou die Baaienaar Christelle Swanepoel dalk nooit ’n suksesvolle stadsboer op haar erf van minder as n kwart akker geword het nie. Mariska Spoormaker het gaan inloer.

Martelize Brink gesels oor Wêreld Beplanningsdag met Maartje Weyers, ’n geregistreerde professionele beplanner by die Suid-Afrikaanse Raad vir Beplanners.

Amerikaanse TV-persoonlikheid John Oliver het sy program gebruik om stemme te werf vir sy gunsteling in Nieu-Seeland se voël van die eeu kompetisie. Hy wil hê die pūteketeke moet wen.

Prof. Kobus du Plessis praat oor die belang en die rol van munisipale ingenieurs.