Driesestig

Wie het al gehoor van ‘n pienk trekker, en gedigte oor veteraantrekkers? En wie het al gehoor van My Enjin Storie? Binnekort kom dié storievertellery weer aan die beurt, het Mariska Spoormaker gehoor toe sy by die Bloemskou na die veteraantrekkers gaan kyk het. Eric Mouton van die Sentraal Vrystaat Veteraanklub,Trekkers en Enjins, het haar onder meer van die Vaaljapie vertel.

Kos-en kultuurhistorikus Hetta van Deventer-Terblanche praat oor koljander waarvan die blare, sade en selfs die wortels gebruik word.

Stephanie Case het, ten spyte daarvan dat sy tydens ‘n 100 km ultramarathon drie keer gestop het om haar sesmaande oue dogter te borsvoed, steeds die vroueafdeling gewen!

Haidee Muller-Isaacs besoek die Alpaca Loom-plaas buite Paarl. Sy vind by Dietmar Keil meer uit oor hierdie besonderse diere.

Dieetkundige Valpré Huisamen praat oor die bloedgroepdieet. Hoewel dit gewild is, kan wetenskap nie die voordele van dié dieet bewys nie.

In Spanje is ‘n poedel genaamd Nilo, ’n vlak 1-reddingshond, wat die lewensredders bystaan op die strand. Die ander honde is almal labradors.

Liezl de Klerk van Weltevrede Vyeplaas vertel van die Adamsvy waarmee hulle die afgelope drie dekades voltyds boer in die Prins Albert-kontrei. Johan Rademan het met haar gesels teen die hange van die Swartberge oor wat jy alles met ’n vy kan doen.

Madelaine Fourie praat oor veeldoelige sellulose uit hout, wat in klere, skoonheidsprodukte, waspoeier en tablette gebruik word.

‘n Vrou in Engeland was onder die indruk dat £4.50 vir twee ure se parkering sou betaal, toe is dit al die tyd £4 586!

Jani van Wyk vertel vir Martelize Brink van die lewe in Sjanghai in China. So hoor ons selfs van klein tamatietjies op koeke!

Ernst Swart wou homself aanvanklik in die advertensiewêreld begewe, maar het bitter gou uitgevind dit laat nie sy hart vinniger klop nie. Toe beland hy per toeval in die media en toe ook in die TV-bedryf. Hy vertel vir Haidee Muller-Isaacs hoe hy 'n werk waaroor hy gaande was in Johannesburg by 'n gewilde sepie, gelos het om sy suster tydens haar kankerreis in die Moederstad te gaan ondersteun. Op...

Medieval Murder Maps, ‘n Projek wat met digitale hulpbronne na moord en verdagte sterftes in 14de eeuse Londen, Oxford en York kyk, sit nou die stukkies van die legkaart uit verskillende bronne aanmekaar om insigte te kry oor die maniere waarop mense geweld uitgevoer het, en die maniere waarop mense hulle daaroor bekommer het. Só kom fassinerende feite en karakters na vore.

Aan watter eienskappe moet ’n hond voldoen om ’n polisiepatrolliehond te kan wees? Mariska Spoormaker het dit met adjudantoffisier Damian Theron van die polisie se honde-eenheid in Gqeberha bespreek, nadat sy patrolliehond, Night, wat in April vanjaar ernstige steekwonde opgedoen het met die vastrek van ’n verdagte, weer aan diens is, en reeds ’n verdagte help aankeer het.

Martelize Brink gesels met Alita Basson van HTS Drostdy en Anja van Jaarsveld van Melkbosstrand Hoërskool oor die opwindende sport van toutrek, en wat dit so uniek maak. Hierdie twee talentvolle jong sportvroue is op pad om Suid-Afrika te verteenwoordig by die Wêreldkampioenskappe in Engeland. Anja is lid van die 480 kg o/19 dogters Protea-toutrekspan, en Alita is onderkaptein van die 520 kg o/19...

Francis Marais vertel vir Martelize Brink sy was nog op hoërskool toe sy en Ivan mekaar op ‘n blinde afspraak by ‘n garagepartytjie ontmoet het.

Die Britse polisie het gewaarsku teen rockfeesgangers wie se selfone dink hulle is in motorongelukke, oor die manier hoe daar gedans word. Vorige jare is daar oor die rockfeestyd tot 700 meer noodoproepe gemaak as gewoonlik.

Haidee Muller-Isaacs kuier by ’n kleikafee, waar oud en jonk kreatief kan raak. Sy vind toe uit die mense wat hulle kinders bring, is meer ernstig oor die verfstorie as hulle kroos.

Kos-en kultuurhistorikus Hetta van Deventer-Terblanche praat oor swart knoffel.

Armin van As vertel van Amerikaanse vlagvoetbal, wat ‘n nuwe sport by die 2028 Olimpiese Spele is.

Duitse toeriste het Dinsdag ‘n sopnat ontvangs op die lughawe in Windhoek gekry toe ‘n brandslang handuitgeruk het.

’n Gebed en ses smeerwortelplantjies 24 jaar gelede, het Sanet Mey van Patensie op ’n plantheelkundige trajek gesit waarvan sy nie kon droom nie. Mariska Spoormaker het by haar gaan kuier.

Motorjoernalis Marnus Hattingh vertel van motortegnologie wat help om die reën- en sneeuweer te hanteer. Hy gee ook bestuurswenke.

Dieetkundige Valpré Huisamen praat oor onderbroke vas, en wie dit liewer nie moet doen nie.

’n Laespoed-jaagtog het Sondagoggend in die VSA afgespeel. Verskeie polisievoertuie kon nie die graafmasjien stop wat soms so vinnig as 4,8 km per uur in die hoofstraat af gekruie het nie!

Hulle het pas teruggekeer van die eiland Malta in die Middelandse See. Hulle tree gereeld individueel of met wereldklasorkeste op in stede soos New York, Londen, Parys en Berlyn. Maar hulle is stewig gegrond in Suid-Afrika waar hulle in die mooi plattelandse dorpie, Prins Albert, tydens Gamka Klassiek opgetree het. Johan Rademan het met die ensemblekunstenaars van die Take Four Klavierkwartet gese...