Driesestig

In Orlando, Florida, is ‘n hospitaal hof toe oor ‘n vrou wat vir langer as vyfmaande ‘n bed beset het, nadat sy as pasiënt ontslaan is.

Christo Kamffer vertel van Ovambo-hoenders, wat aangepas is vir Afrika, dus ook jou agterplaas.

Dr. Willem Botha praat oor die oorsprong en betekenis van die naam, Maria, en beantwoord luisteraarsnavrae oor Wicus, Terence en Suretha.

‘n Franse vlootoffisier het sy skip se posisie weggegee toe hy sy drafsessie op die dek, op die Strava-fiksheidstoepassing geplaas het.

Waldo Scribante vertel vir Martelize Brink van ‘n saamtrek van Mercedes-Benz W123-motors om die vyftigste bestaansjaar van die motors te vier.

Kos- en kultuurhistorikus Hetta van Deventer-Terblanche praat oor drankies met speserye. Sy deel ’n resep uit 1856 vir switchel (gemmerbier), en ’n resep vir Mexikaanse pynappelbier.

Jan Karsten gesels met Martelize Brink oor skaak. Dié 18-jarige is in 2023 al as Internasionale Meester aangewys. Nou het hy die SA Geslote Skaakkampioenskap gewen.

In die VSA was ‘n kat oppad om uitgesit te word oor ‘n verstopping. ‘n Organisasie het tot sy redding gekom, en 26 haarrekkies is uit sy ingewande gehaal.

Haidee Muller-Isaacs gesels met Karen Kemp oor Angel Hearts, 'n nie-winsgewende organisasie in Bloemfontein vir mense met gestremdhede, wat sy in 2015 gestig het. Mense word daar met baie liefde geleer om hulle kreatiweit te volle uit te leef.

Dieetkundige Valpré Huisamen praat oor plantgebaseerde opsies, wat lekker is en voldoende voed.

In die Franse dorpie, Arcis-sur-Aube, is Charles Hittler en Antoine Renault-Zielinski albei kandidate in die burgemeestersverkiesing. Sosiale media kan nie genoeg hiervan kry nie.

Komponiste soos Johann Sebastian Bach, Wolfgang Amadeus Mozart, Maurice Ravel en Alban Berg het almal op hulle dag aan musiekgildes behoort wat uit die Middeleeue stam. Gildes was daar om vakmanskap te bevorder, en vandag glo die Liedmakersgilde wat die kunslied in Suid-Afrika bevorder steeds aan mentorskap en om ‘n verhoog vir dié kunsvorm se kunstenaars te skep. Johan Rademan het met die klassie...

Dr. Mandie Uys praat oor die antieke Grieke en Romeine. Sy begin die verhaal waar hulle mekaar ontmoet, en half saam begin loop het.

In 1952 het Allan McCloskey vir ‘n week lank ingestaan vir sy dorp se grafgrawer. Daardie week word toe 73 jaar en 75 dae, tot hy in November 2025 op 92 afgetree het.

Milla Jooste vertel vir Martelize Brink van die lewe in Dubai, waar sy gebaseer is as lugwaardin.

Daar is al na hom verwys as 'n dienaar van die struggle en die kansel. Haidee Muller-Isaacs gesels met die anti-apartheidsaktivis, dr. Llewellyn Macmaster, oor die lewe ná sy aftrede in 2024, en hoe hy homself besig hou.

Dale Steele het op 100 die VSA se oudste orgaanskenker geword toe sy lewer oorgeplant is.

Eben Lourens vertel van SAWDN, ‘n netwerk van vrywilligers wat opgelei is om verstrengelde walvisse te red, deur toue en nette los te sny.

Dr. Willem Botha praat oor Hebreeuse name onder Afrikaanssprekendes, soos Elia en Elias, wat Ellis geword het. Ons praat oor Daniël wat Dail geword het, soos die beroemde Springbokvleuel, Dail Williams, en Joachim wat Joggem geword het, soos Joggem van Bruggen, die Afrikaanse skrywer.

Die Bank van Engeland het besluit om die afbeeldings van mense soos William Shakespeare en sir Winston Churchill op hulle banknote te vervang met diere. Daar is nog nie op spesifieke diere besluit nie. Diere-afbeeldings sal help om vervalsing te bemoeilik.

Die Goodnow-saal op Wellington spog met 'n ryk geskiedenis. Tien jaar gelede het die historiese gebou afgebrand. Hulle besonderse Steinway-klavier is erg beskadig. Die saal is gerestoureer, en die klavier is intussen herstel. André Terblanché, hoof van die Breytenbach Sentrum op dié Bolandse dorpie, vertel van die organisasie se konsertreeks wat nou in hierdie saal plaasvind. Hy brei ook uit oor d...

Kos- en kultuurhistorikus Hetta van Deventer-Terblanche praat verder oor hoe om jou eie speserymengsels te maak. Jerk en Japanese sewespesery is aan die beurt.

RSG se programbestuurder, Kobus Burger, en Eddie de Jager van die dramadepartement gesels oor die RSG-radiodramaslypskool in Kaapstad.

Meer as 2 000 koningin-tuinmiere is op Nairobi in Kenia se lughawe gekry op pad China toe. Dit was bestem vir die troeteldierhandel in Europa en Asië.

Johan Rademan gesels met Pierre-Jean Gerber oor Dirk Ligter se monument in die Ceres-Karoo, Indwe en die Ida-kerkie in die suide van die Drakensberg.