Monitor

"In een oomblik verander alles". "Dit is hoe maklik 'n ongeluk kan gebeur." Dit is van die vele stellings wat jy jaarliks tydens padveiligheidbewusmakingsveldtogte hoor. Volgens statistiek van die Padverkeersbestuurskorporasie, word 4 mense ernstig beseer vir elke mens wat op Suid-Afrikaanse paaie sterf. Volgens die jongste statistiek van 2016, is net meer as 14 duisend mense dood. Die statistiek...

Hoewel die tyd vir baie mense 'n vreugdevolle tyd is, veroorsaak dit vir ander spanning en laat dit sommiges teneergedruk voel. Dr. Rykie Liebenberg, 'n psigiater verbonde aan die Depressie en Angsgroep (SADAG) sê aan Hanri Wondergem selfmoordpogings en die misbruik van middels soos dwelms en drank neem ook oor die feestyd toe.

ONS WAARSKU DAT HIERDIE BYDRAE SE INHOUD SEKSUEEL VAN AARD IS: Seksuele hulpmiddels is niks nuut nie... Maar is jy bereid om duisende rand te bestee aan 'n pop om jou sekslewe op te kikker of dalk jou seksmaat te vervang? Hanri Wondergem het meer gaan uitvind.

Ondersteuners van adj.pres. Cyril Ramaphosa is bekommerd oor hul veiligheid in die aanloop tot - en by - die ANC se komende nasionale leierskonferensie. Heindrich Wyngaard vra die ANC se Wes-Kaapse sekretaris, Faiez Jacobs, hieroor, oor gerugte van "betaalstemme" en wat hulle sal doen as Ramaphosa nie wen nie.

Vakansietyd het vir talle Suid-Afrikaners aangebreek - maar saam met vakansie-planne kom daar ook kommer oor eiendom en besittings wat agtergelaat word. Mike Bolhuis, 'n spesialis ondersoeker van ernstige misdade en ekonomiese misdrywe, het aan Hanri Wondergem 'n paar praktiese wenke gegee oor hoe om jou eiendom te beveilig.

Om president Jacob Zuma self toe te laat om 'n nuwe Nasionale Vervolger aan te wys na die hooggeregshof sy aanstelling van advokaat Shaun Abrahams ongeldig verklaar het, sal absurd wees. Die oud-regter Johann Kriegler het in 'n onderhoud met Heindrich Wyngaard gesê dit sal, op die minste, 'n botsing van belange wees.

Die veteraan-politieke joernalis Tim du Plessis praat met Heindrich Wyngaard oor die raakpunte tussen die ANC se konferensies in 1997 (Mahikeng), 2007 (Polokwane) en die 2017-een.

Die skrywer van die veelbesproke "The President's Keepers", Jacques Pauw, reageer op die polisie se planne om hom te probeer gryp en bewerings oor oudmin. Pravin Gordhan glo by die skryf van sy boek betrokke was. Heindrich Wyngaard vra die vrae.

Die vermaarde digter Don Mattera, ontvanger van die Orde van die Kremetart (goud), in gesprek met Heindrich Wyngaard oor 'n huldigingsgeleentheid vir hom die naweek.

Wim en Kevin, die twee boesemvriende van die klug-fliek "Vuil Wasgoed", kan vergelyk word met die destydse komiese paar Al Debbo en Frederik Burgers, berig Anna-Marie Jansen van Vuuren.

'n Deskundige op die gebied van transisionele geregtigheid sê die nuwe administrasie in Zimbabwe moet die regerende ZANU-PF party se rol in menseregteskendings erken om plaaslike en internasionale geloofwaardigheid te wen. Piers Pigou is 'n senior konsultant in Suider-Afrika vir die Krisisgroep, wat op die voorkoming van wêreld-konflik fokus. Pigou het ook ervaring van twee waarheidskommissies. Hy...

Sterk gerugte doen die ronde dat afgevaardigdes by die ANC se komende nasionale leierskapkonferensie tot R70 000 elk vir hul stem aangebied word. Heindrich Wyngaard het die etiekkenner prof. Piet Naude, direkteur van die Universiteit van Stellenbosch Bestuurskool, daaroor gepols.

Goeie reën het die afgelope week in groot dele van die land geval. Motoriste word gemaan om veilig te ry in die weerstoestande. Die besturende direkteur van driving.co.za, Rob Handfield-Jones sê 'n veilige volgafstand is van uiterste belang.

Die maatskaplike sekerheidsagentskap, oftewel SASSA, sê begunstigdes moet versigtig wees vir swendelaars oor die feestyd. SASSA sê die misdadigers wil begunstigdes se persoonlike inligting bekom en dit misbruik

Die meeste kabinetslede se 2017-prestasies is deur die DA met 'n F-simbool beloon. Hier is die politieke ontleder dr. Piet Croucamp en die hoof van AfriSake, Piet le Roux, se reaksies hierop teenoor Heindrich Wyngaard.

Die benoemingsproses in die ANC se leierskapstryd is uiteindelik aanduidend van die rigting wat die land polities inneem, sê prof. Susan Booysen, politieke ontleder, oor die stand van sake in die aanloop tot die ANC se nasionale konferensie. Sy het met Heindrich Wyngaard gepraat.

Is jou kar gereed vir die langpad? In Wessel Pretorius se weeklikse motorrubriek word daar raad gegee.

Drie Desember 1967 sal vir altyd onthou word as die dag waarop 'n Suid-Afrikaner die wêreld verstom het. Dr Chris Barnard het op die dag die eerste wetenskaplike geword om die hart van 'n mens suksesvol oor te plant. Maar die merkwaardige gebeurtenis het nie sonder sy kwota politiek gepaard gegaan nie, sê Marina Joubert, 'n navorser in wetenskapkommunikasie aan die Universiteit Stellenbosch.

Dit is 'n paar dae nadat Suid-Afrika se skoonheid Demi-Leigh Nel-Petres as Mejuffrou Heelal 2017 gekroon is. Maar wat beplan sy, en hoe gaan haar jaar in New York lyk? Sy het aan Joan-Marie Verhoef gesê ondanks haar nuwe titel, is sy steeds die Demi-Leigh wat almal ken.

Daar is nog min bekend oor die gebruik van die nuwe dwelm, Flakka in Suid-Afrika. 'n Rehabiltasiesentrum in Northcliff in Johannesburg, Changes sê wel hulle het nou enkele voorvalle aangeteken. Melissa Tighy het met die sentrum se bestuur gepraat.

Die tussenverkiesings wat op 30 November 2017 in die Metsimaholo munisipaliteit gehou is, kan 'n belangrike politieke aanwyser wees. Dit is die mening van die ontleder en bestuurskonsultant Dawie Scholtz. Scholtz het aan Izak du Plessis verduidelik waarom die verkiesings so belangrik is.

Duisende Zimbabwiërs het tot in die vroeë oggend-ure feesgevier in die strate van Harare, oor die nuus dat Robert Mugabe as president bedank het. Ook in Suid-Afrika het die vreugdevure hoog gebrand. Zimbabwe se afgedankte adjunkpresident, Emmerson Mnangagwa, sal vóór Vrydag as waarnemende president van Zimbabwe beëdig word.

Die Poskantoor sal van 1 April aanstaande jaar die uitbetaling van maatskaplike toelaes behartig. 'n Ooreenkoms hieroor is onderteken tussen die Poskantoor en die Maatskaplike sekerheids-agentskap, oftewel Sassa. Die inter-ministeriële komitee het die besonderhede van die ooreenkoms aan die Parlement uitgestippel.

Die voormalige adjunkpresident van Zimbabwe, Emmerson Mnangagwa sal na verwagting vandag as tussentydse president ingehuldig word. Oud-president Robert Mugabe het gister bedank en talle Zimbabwiërs het gisteraand sy bedanking gevier. Ons verslaggewer Noma Bolani is in Harare in Zimbabwe.

Die voormalige ANC-LP dr. Makhosi Khoza, wat weens haar uitgesprokenheid jeens korrupsie, staatskaping en president Jacob Zuma in onguns by die party verval het, het haar plan bekend gemaak om 'n opposisiegroepering in die 2019-verkiesing te lei. Monitor het vir die politieke ontleder Theo Venter en die hoof van die FW de Klerk stigting dr. Theuns Eloff gevra oor wat hulle dink van Khoza se plan.