Driesestig

Johan Oldenburg vertel vir Martelize Brink van die afgelope Kersfees wat hy in Oekraïne, op die grens met Rusland, deurgebring het. Kinders van daar is nou vir twee weke in Nederland met vakansie van die oorlog.

Die Reisende Klaskamer is ‘n skool wat na die kinders toe gaan. Dis ’n opvoedkundige inisiatief deur DGB, ‘n wynprodusent en -verspreider. Twee mobiele rekenaar- en biblioteekklaskamers reis deur die wynlande, en besoek 19 laerskole op ‘n tweeweeklikse basis. Dit is daarop gemik om die opvoedkundige gaping te oorbrug, en meer as 5 000 laerskoolkinders en 153 onderwysers te inspireer. Haidee Muller...

Dr. Mandie Uys vertel van die Babiloniërs. Babilon was uiters strategies geleë waar die Tigris- en die Eufraatriviere bymekaar kom, in wat vandag Irak is. Die stad se ligging was uitstekend vir in- en uitvoere.

In China gons die internet oor ‘n familiefoto by ‘n troue. Identiese tweelingbroers het met identiese tweelingsusters getrou. By die troue was die bruide se identiese tweeling-ooms, so ook die bruidegomme se identiese tweeling-ooms.

Nick Bezuidenhout vertel van sy nomadiese bestaan. Die afgelope ses jaar was hy al in 17 lande. Hy vertel van Panama waar hy nou al twee maande bly.

Met die verwoestende brande wat tot verlede week nog in die Kouga-streek gewoed het, is die Kabeljous-reservaat buite Jeffreysbaai gelukkig ‘n vlammehel gespaar. Dié reservaat is een van die weinige plekke wat nog ‘n veilige habitat vir die bedreigde witkruisvleivalk bied. Hoewel dit ‘n provinsiale reservaat is, word dit al jare lank deur vrywilligers van die Kabeljous Reservaat Aksiegroep in stan...

In Rusland word ’n ultra-marathon in ysige omstandighede gehardloop. Die Pole of Cold Oymyakon-marathon se 50 km is verlede week in -41 grade Celsius gehardloop.

Cassie Carstens praat oor sekretarisvoëls, wat mens in die gras sien stap. In Suid-Afrika is hulle as kwesbaar gelys, maar daar is groter uitdagings vir hulle voortbestaan verder op die vasteland.

Haidee Muller-Isaacs kuier by Lorinda Smit, die tuintannie by DF Akademie. Lorinda vertel van die inspirerende tienerseun wat aanvanklik die saadjie geplant het vir hierdie tuinplanne.

Dr. Willem Botha vertel waar dinge fout gaan met name opgee, asook die variasies van Johan.

Dit klink vreemd, maar Saoedi-Arabië voer sand in. Hulle het so baie, maar dit is nie geskik om mee te bou nie. Hulle bousand word hoofsaaklik van Australië af ingevoer.

Onder die blaredak van die Tsitsikammabos is daar n toerisme-instansie wat al jare lank prestasietoekennings inpalm. Deel van die wenresep blyk die indiensneming en opleiding van plaaslike mense te wees, het Mariska Spoormaker gehoor toe sy met Anneline Wyatt, besturende direkteur van Stormsriver Adventures gepraat het.

Heleen Meyer vertel hoe rooibos vir kleur, geur en vele ander dinge aangewend word. Sy gee ook ‘n resep vir rooibos-geroosterde druiwe op gebakte camembert.

In China kon jy voorheen liefdesversekering uitneem. ‘n Skoolmeisie het in 2016 dit as ‘n geskenk vir haar kêrel teen $28 gekoop. Na hul troue kon hulle kies tussen 10 000 rose of 10 000 juan, of te wel $1 400.

Haidee Muller-Isaacs gesels met die oud-RSG-omroeper, Jerome Topley, oor hoogte- en laagtepunte, sy toetrede tot die landboubedryf, en selfs Eugene Terre' Blanche. En dan vra Haidee ook 'n vername vraag: sou hy ooit weer heeltyds wou uitsaai?

Dr. Ria Smit vertel vir Martelize Brink van Zeolite, wat in produkte soos Absorbatox is.

Die sêding is: liewer laat as nooit. Tegnologie is egter erg verouder as selfoonvoorraad vir jou winkel 16 jaar laat afgelewer word. Dit het nou met ‘n man in Tripoli gebeur.

Twee Baaise skole, Laerskool Kabega en Walmer-Wes, is pas aangekondig as die wenners in ‘n landwye kompetisie vir die herwinning van onbruikbare elektroniese toerusting. Herwinning is n groot pluspunt, want dit bied ekstra inkomste vir die skoolkoffers, en verbreed die leerlinge se algemene kennis, het dr. Adele Botha, leerkrag van Kabega, vir Mariska Spoormaker gesê.

Dr. Mandie Uys vertel verder wat ons alles by die Sumeriërs kan leer.

‘n Man wou baie graag Harvard Universiteit toe gaan. Toe hy nie van hulle hoor nie, word hy ‘n musikant. Ses jaar later ontdek hy ’n e-pos wat hy misgekyk het, wat sê dat hy wel by Harvard aanvaar is...

Elizna Greeff Maloney vertel vir Martelize Brink van Hongkong, waar sy rugby speel en skool gee.

Die Diamond Gospel-musiektoekennings is verlede jaar op Kimberley in die Noord-Kaap gestig. Haidee Muller-Isaacs het meer gaan uitvind.

‘n Betaalde toepassing wat die meeste afgelaai is in China, se naam beteken: Is jy dood? As jy nie elke tweede dag aanteken en ‘n knoppie druk nie, laat weet dit ’n persoon, wat jy vooraf genomineer het, dat daar fout is.

Ons ons meer uit van ‘n kameelmelkery in die Kalahari saam met Hans Knoesen, en Martelize Brink proe kameelmelksjokolade.

Dis die haan wat op die kerktoring staan, maar nie wanneer jy Willowmore toe ry nie. Kom ons hoor by Johan Rademan en Jurgens Schoeman wat staan dan op Rietbron se kerktoring.