Driesestig

Sidney le Fleur vertel van die medisinale plante wat hy by Plettenbergbaai verbou.

Haidee Muller-Isaacs gesels met Yolani Abrahams, bekend as ‘n fyngebak-sjef en destydse Sarie-voorbladgesig van die jaar. Yolani het onlangs afgehaak, en Haidee het gaan inloer om meer te hoor oor haar TV-loopbaan, nuwe projekte en planne.

Arleen Nel vertel vir Johan Rademan en Martelize Brink van ‘n omgewingsfilmfees in Kaapstad, wat fokus op die skakel tussen eetgewoontes en klimaatsverandering.

Akteur Erik Holm vertel vir Johan Rademan en Martelize Brink van sy loopbaan en die projekte waarmee hy besig is.

Anneke Snyman vertel vir Johan Rademan en Martelize Brink van haar rolballoopbaan. Op 28-jarige ouderdom neem sy vanjaar al aan haar tweede Statebondspele deel.

Tertius Pieters vertel vir Johan Rademan en Martelize Brink van die I AM NOT PLASTIC-beweging.

Marietjie Steyn vertel vir Johan Rademan en Martelize Brink wat dit verg om 'n pleegouer te wees.

Met die herdenking van Mandeladag nog vars in die geheue, is dit toepaslik om erkenning aan besondere gemeenskapsleiers te gee. Dis die persone wat dikwels ‘n vader- of moederfiguur is en diep spore trap in die harte van die mense wat hulle ophef. Jacqui January vertel van een só persoon.

John Uys laat proe Johan Rademan en Martelize Brink aan 'n plantgebaseerde hoenderalternatief.

Veearts dr. Ingrid de Wet vertel vir Martelize Brink van katpanleukopenievirus, 'n hoogs aansteeklike virale siekte wat nou kop uitsteek.

Professor Jean Greyling van die Nelson Mandela Universiteit vertel vir Haidee Muller-Isaacs van 'n reuse koderingstoernooi wat hulle aanbied ter viering van Mandeladag.

Boshoff Muller van Afrimat Hemp vertel vir Johan Rademan hoe jy met hemp huise kan bou.

Togeda Adams vertel van Ladles of Love se Guinness Wêreldrekord-poging op Mandeladag om die grootste mosaïek uit blikkieskos te bou.

Aalwyne speel, net soos enige ander plant, 'n onmisbare rol in die ekologie. Dit verskaf blyplek aan 'n verskeidenheid voëls en diere, veral in dele waar aalwyne die hoogste plante in die veld is. Vandag hoor ons ‘n ander kant van die aalwynstorie - die kloning en kruising van aalwyne wat vir tuinplante gekweek word. Jacqui January het die besonderhede.

Johnny Koen gesels oor sy dae as Springbokfietsryer, die Tour de France, en die beeld van fietsry.

Angelique Jones (30) was die eendag nog fiets, fiks en gesond, en die volgende is sy in die hospitaal besig om vir haar lewe te veg. In 2021 was sy ses weke swanger toe sy hoofpyn gekry het. By die hospitaal moes sy hoor 'n aar het gebars, en daar is bloeding op haar brein. Na vele ondersoeke, kom nog 'n skok - daar is velkanker in haar brein ('n baie skaars diagnose). Vandag is sy weer haar ou se...

Romy Stander praat oor natuurlike watersuiwering vir besoedelde riviere.

Ruan Hattingh vertel vir Johan Rademan hoe eSport as deel van ‘n skool se leerplan gebruik word.

Llewellyn Gwegwe wys vir Martelize brink hoe hy skaapkop verwerk. Dis ‘n vaardigheid wat hy as jong kind aangeleer het.

Layton Beard vertel vir Johan Rademan watter bedrieglike aansprake van petrolbesparende produkte die rondtes doen, en gee raad om petrolverbruik te verlaag.

Dr. Hanneline Smit-Robinson vertel vir Johan Rademan van 'n paar moet-sien bedreigde Suid-Afrikaanse voëls.

Haidee Muller-Isaacs gesels met Marinda Engelbrecht, wat bekend is vir haar kosprogramme en kookboeke. Sy is 'n oud-onderwyser wat steeds tussendeur werk as regisseur van kinderproduksies. Die liefde vir kinders bly in haar hart. Haidee het meer gaan uitvind oor haar planne.

John Uys praat oor die rol van tegnologie in toekomstige voedselkettings.

Annabe Pretorius van Plastiek SA vertel vir Martelize Brink hoe plastiek herwin word.

Ontmoet Lizette Volkwyn. Sy is een van slegs twee gesertifiseerde PEI-leuenverklikkers in Suid-Afrika. Hoewel hierdie gedeelte van haar werk as menslike leuenverklikker vir ander intimiderend kan wees, stel sy jou sommer gou gerus dat sy nie altyd “aan diens” is nie. “Natuurlik is daar soms tekens wat my opval wanneer ek sosiaal verkeer, maar ek verkies om nie daarop te reageer nie. Dis eenvoudig,...