Driesestig

Anda Grobbelaar vertel vir Martelize Brink van engeltjiepartytjies wat sy hou ter herdenking aan haar dogter wat dood gebore is.

Prof. Lizette Rabe gesels met Martelize Brink oor verweesde ouers, en ‘n artikel wat sy oor hierdie ouers se hartseer geskryf het.

Haidee Muller-Isaacs se pad het op Tulbagh met dié van Nick van Huyssteen gekruis. Hy is oorspronklik van Springs, maar woon al die afgelope paar jaar op hierdie pragdorpie, wat hy die dorp van omgee noem. Hy sê hy voel glad nie soos 'n inkommer nie. Nick het behoorlik nesgeskop en is betrokke by van die buurtwag tot die dorp se museums.

Marlinda Wright vertel vir Martelize Brink hoe die gemeenskap saamwerk om nasorgdienste by Just Care te bied vir kinders uit die minder gegoede gemeenskap van Mount Pleasant by Hermanus.

Mariska Spoormaker ontmoet Lyric, die eerste hond wat amptelik lid geword het van Lewensredders Suid-Afrika. Lyric se opleiding en daarna haar dienste, sal aanvanklik by Blouwaterbaai, een van die swemstrande in Gqeberha, geskied.

Gawie van Deventer vertel vir Martelize Brink van die VeldwagtersVereniging van Suider-Afrika, en wat agterplaasbewaring behels.

Leraars Scherlize van der Merwe en Niel Steyn vertel vir Martelize Brink van vraghouerbehuising vir jongmense in die Ysterplaat-gemeenskap.

Salvin Hirschfield vertel van die verskillende biefstuksnitte, ook die minder bekendes.

Haidee Muller-Isaacs gesels met De la Harpe de Villiers enn Adri Grobbelaar oor hoe die lewe draai met mens loop. Adri vertel hoe iemand anders se hartseer haar laat besin het en toe haar lewensuitkyk verander het.

Hein Koegelenberg van Franschhoek Toerisme praat oor Franschhoek wat aangewys is as een van Time Magazine se 50 beste plekke in die wêreld van 2022.

Edwin Africa vertel vir Martelize Brink van die Mamre Vereniging van Gemeenskaplike Eiendomme oor boerdery en geleenthede op gemeenskaplike grond.

Nagenoeg 47 jaar gelede het Etienne Weideman op ‘n Sondag by NG Kerk Kraggakamma gestaan en gedink: “Hierdie karre kan nie so in die son staan nie.” Toe begin hy en die gemeente inheemse bome plant, en hulle hou aan daarmee tot die bos op die rante van die Baai se Baakensriviervallei gestrek het. Mariska Spoormaker het gaan kyk hoe lyk die bos. Sy het vir Myra Schmidt daar raakgeloop.

Tertius Pieters gesels met Martelize Brink oor die plaas-tot-vurk-konsep en die rol van aerobiese kompostering.

Dokumentêre filmmaker Bonné de Bod vertel vir Johan Rademan en Martelize Brink van haar verslaggewing oor natuur- en omgewingsake.

Haidee Muller-Isaacs kuier by Sally Witbooi, 'n afgetrede dosent van UWK se biblioteekdepartement. Hulle samel elke jaar geld in vir Biblionef sodat hulle boeke kan koop om te skenk aan plekke waar daar niks boeke of biblioteke is nie.

Dirk Badenhorst van die SA Nasionale Balletkompetisie gesels oor mans in ballet, en waaraan die gewildheid van balletdansers in Kuba toegeskryf word.

Wat sê jou vullissak oor jou leefwyse? In Nelson Mandelabaai het die munisipaliteit afval- karakterontleding in die hoër-, middel-, en laerinkomste gebiede gedoen. Mariska Spoormaker het by Melinda Labuschagne van die munisipaliteit se department vaste afvalbeheer gaan hoor wat hulle bevindings was.

Adriaan Basson van News24 vertel van ‘n nuwe webwerf wat aandui wat die misdaadsituasie in jou dorp, stad en woonbuurt is. (https://crimecheck.news24.com)

Michelle Wiesner vertel vir Martelize Brink van Husky Rescue SA se toevlugsoord vir Huskies, en watter e temperament hierdie honde van Siberië het.

Vlugtige olie, ook bekend as essensiële olie, is teenwoordig in 'n klas van plante met aromatiese geur, wat verwerk kan word tot vlugtige olierige komponente. Boegoe is ‘n plant wat die Nederlanders by die Khoi en San leer ken het, en is bo aan die Suid-Afrikaanse lys van inheemse plante wat ge-oes word vir vlugtige olie. Jacqui January vertel meer.

Robert Schoeman vertel vir Martelize Brink van mikrobes wat loodgieters kan inspan om dreine skoon te maak.

Marshall Nelson vertel vir Martelize Brink hoe 'n 3D-drukker werk.

Quenten Pendle, Sheldon Adams en Gugu Selero vertel vir Martelize Brink van die radioakademie by die Pionierskool vir siggestremdes.

In die Baaise woonbuurt, Rowallanpark, omskep Johan Bothma amper sy hele huis elke jaar vir minstens drie weke lank in ‘n tydelike rugbymuseum. Sy vrou, Esther, sê hy doen dit al 20 jaar, en dit is goed só, want rugby het ‘n manier om geskiedenis en mense op gesellige wyse bymekaar te bring. Mariska Spoormaker het gaan kuier.

Natashia de Wet vertel vir Martelize Brink van ‘n projek waar die gemeenskap bokashi maak, wat dan verwerk word tot kompos en aangewend word in ‘n gemeenskapstuin waar hawelose mense werk gegee word.