Driesestig

Lili Rademan vertel vir Martelize Brink van navorsing oor die vrouestem wat min gehoor is tydens Covid-19-verslaggewing.

Jo-mari Nel praat oor die kultuur van die Richtersveld se mense, wat vasgevang is in verhale.

Die eerste marionette (handpoppe wat met toue hanteer word) is in die 17de eeu in Europa opgeteken. Van die eerste marionette het die Maagd Moeder Maria uitgebeeld. Hierdie eeuoue uitvoerings word steeds gebruik om stories aan oud en jonk te vertel. Haas Das, ‘n handpop, is vir baie Suid-Afrikaners ‘n bekende figuur, wat meer as ‘n half eeu gelede op televisie verskyn het. Jacqui January neem ons...

Gadiel Robertze praat oor ‘n groei-ingesteldheid om vaardighede te ontwikkel.

Johann Nel gesels met Johan Rademan en Martelize Brink oor sy pad met drama op radio, die verhoog en TV.

Pieter Streicher vertel vir Johan Rademan en Martelize Brink van die Fauresmith 200 km uithourit waaraan 300 ruiters en perde deelneem.

Petri Botha vertel vir Johan Rademan en Martelize Brink hoe hy as 15-jarige die grendeltyd gebruik het om die teorie vir sy vlieglisensie te doen. Op 17 is hy nou bykans klaar met sy praktiese vliegure.

Chantel Memizwa vertel vir Johan Rademan en Martelize Brink van die Oorplantingspele waaraan sy binnekort deelneem. Sy deel ook haar oorplantingsverhaal.

Adriana, of Arrie, Robinson is die afgelope 25 jaar 'n kankeroorwinnaar. Sy het klierkanker drie keer geklop! Albei haar ouers is oorlede aan kanker. Sy vertel vir Haidee Muller-Isaacs dat sy en haar man bevoorreg is om 2022 se Cansa Hero of Hope Survivor and Carer te wees. Daar is soveel dankbaarheid in haar hart om kanker te kon klop.

Hanene van Dyk vertel vir Johan Rademan en Martelize Brink van plaaslik verboude truffels, die honde wat dit uitsnuffel, en hoe dit in geregte gebruik word.

Wilfred Chivell vertel vir Martelize Brink van ‘n studie van twee orkas se impak op die groot withaaibevolking aan die Suid-Afrikaanse kus.

Rehan Greeff gesels met Martelize Brink oor die drie volle driekampe in ses dae in drie lande, wat hy die naweek afgehandel het. Dit het plaasgevind in London, Kisoro in Uganda en Kaapstad.

Annabe Pretorius vertel vir Martelize Brink hoe plastiek vervaardig word.

Insekte is hoogs suksesvol. Baie geleerdes dink hulle is die suksesvolste skepsels in die diereryk. Hulle lewe oral op land, in die lug en in die water en is merkwaardig toegerus vir amper enige soort omgewing, selfs die ysmassas van die Noord- en Suidpool en die snikhete woestyn. Jacqui January het meer gaan uitvind van inseknavorsing in Suid-Afrikas se botaniese tuine.

Maryke Visagie gee vir Martelize Brink praktiese wenke om plastiekgebruik te beperk.

Maryke Musson vertel vir Johan Rademan en Martelize Brink van al die aktiwiteite by uShaka Marine World in Durban.

Haidee Muller-Isaacs kuier op Worcester by die Karoo Desert Botaniese Tuine waar haar paaie kruis met Maria van der Westhuizen. Maria het in 2005 as skoonmaker daar begin, en toe gaan studeer sy verder in tuinboukunde. By die tuine op Worcester is daar 'n bordjie by die vetplante wat lees: Hierdie area word bestuur deur Maria van der Westhuizen. Sy vertel vir Haidee van haar grootworddae op 'n pla...

Jan Malan vertel vir Johan Rademan en Martelize Brink van Die Koelkamers-teater op Paternoster, wat uit die Covidpandemie gebore is.

Jeff Coetzee vertel vir Johan Rademan en Martelize Brink van sy tennisloopbaan as speler en ATP-afrigter.

Bianca Clarke vertel vir Johan Rademan en Martelize Brink van African Women in Agriculture, ‘n organisasie wat jong swart vroue blootstelling en opleiding in landbou gee.

Marshall Hartogh, Villa Brown en Jeffery Hartzenberg vertel vir Johan Rademan en Martelize Brink van DIE KHOI in die Paarl wat jou die geleentheid gee om die Khoikultuur eerstehands te ervaar.

Haidee Muller-Isaacs kuier by oud-onderwyseres Adri Vivier op Melkbos. Adri vertel van haar passie vir mosaïek en haar nuwe TV-loopbaan op 61.

Ronel Steenkamp, ’n natuurlewebeampte by die OR Tambo Internasionale Lughawe in Johannesburg, vertel vir Johan Rademan en Martelize Brink hoe voëls by beheer word om seker te maak hulle kom nie naby die aanloopbane nie.

Ernst Retief vertel vir Martelize Brink van die beste plekke in Suid-Afrika om te gaan voëls kyk.

Junika Hugo vertel vir Martelize Brink van ruiterkuns. Dié 15-jarige ry Amerikaanse saalperde. Sy is opgeneem in die Senior Vyfgang Protea Ruiterkunsspan wat in Julie in die VSA sal deelneem aan die Wêreldbekerkompetisie.