Gesondheid

Los maar die slang-teengif by die huis – as jy dit verkeerd gebruik kan dit jou doodmaak! En moenie kinders wat paraffien of motbolle ingeneem het, laat braak nie. Wees versigtig vir TwoStep – 'n teelepel vol kan noodlottig wees vir 'n grootmens. En 10 gram Panado's kan drie dae later tot lewerskade en dood lei. Kom luister na die en ander feite oor gifstowwe en vergiftiging.

As jy gedink het talle houe teen die kop (selfs die wat nie harsingskudding veroorsaak nie) nie tot breinskade lei nie, dink weer. Nuwe mediese bewyse toon dat vele ligte houe of stampe teen die kop inderdaad skade aan die brein veroorsaak. Marí Hudson praat met 'n neuroloog oor die nuwe mediese bewyse van breinskade.

Vir baie jare het ons gedink as iemand wat fisiek siek is en ook depressief voel, dit maar bloot verbygaande emosies is. Nou weet psigiaters dat by veral hartsiekte, borskanker en verskeie ander fisieke siektes, depressie of angstigheid inderdaad deel is van die fisieke siekte, en uit dieselfde biochemiese veranderings ontspring en dus ook behandel moet word as deel van die volledige behandeling v...

Die hartpionier Chris Barnard is aan hierdie siekte dood. En Ryk Neethling, Roland Schoeman en Schalk Burger Junior is van die bekendes wat hieraan ly. Marí Hudson praat oor asma, die longprobleem wat steeds lewens eis en lewenskwaliteit kan inboet as dit nie baie goed beheer word nie.

Is moedersmelk werklik so 'n wonderbaarlike voedingstof soos wat almal dink dit is? Is borsvoeding werklik so fantasties en onontbeerlik as wat dit aangeprys word? Indien wel, waarom? Marí Hudson gesels met 'n dieetkundige om die vrae te antwoord.

Baie vroue sukkel met blaasprobleme, en 'n vorige program oor die onderwerp het baie reaksie gelok. Daarom saai ons weer die program van ons gesprek met twee spesialiste op die gebied uit. Hulle sê daar is altyd nog iets wat gedoen kan word as 'n eerste operasie vir 'n lek-blaas of prolaps by vroue later nie meer werk nie.

Hoogtesiekte of lugdruksiekte word bespreek na aanleiding van die dood van twee Suid-Afrikaners, een op Kilimanjaro en een op Everest. Wat gebeur met die brein en liggaam? Op watter hoogte kan dinge skeef loop? Hoe moet mens klim om voldoende te akklimatiseer? Waarom kan die Tjerpas Everest op en af klim sonder probleme?

Dr. Sam Piek van die VGK Immanuel, Paarl.

Daar is altyd nog iets wat gedoen kan word as 'n eerste operasie vir 'n lek-blaas of prolaps by vroue later nie meer werk nie. Twee spesialiste op die gebied beantwoord luisteraarsvrae oor blaas- en ander probleme by vroue, en vertel ook van nuwe behandelingsmetodes.

Het jy geweet te veel van 'n spesifieke soort medikasie vir Parkinson se siekte kan tot impulsiewe gedrag lei soos byvoorbeeld dobbel en sekskapades?

Wat het die oordragstof dopamien in die brein met Parkinson se siekte te doen? Hoe werk dit dat 'n tekort aan die oordragstof tot die tipiese simptome van die siekte lei?

Die siekte kan jou binne 24 uur doodmaak, of met ernstige breinskade laat indien dit nie baie vinnig gediagnoseer en behandel word nie. En in die geval is die bakteriële vorm baie gevaarliker as die soort wat deur 'n virus veroorsaak word. Voorts kan dit veral in die lente uitbrekings veroorsaak. Ons praat van akute bakteriële meniningitis oftewel breinvliesontsteking.

Het jy geweet genetiese toetse kan nou op embrios gedoen word sodat die gesonde embrio in die ma teruggeplaas word sodat sy verseker weet dat haar baba gesond gaan wees en nie 'n ernstige genetiese siekte wat in die familie voorkom, onder lede gaan hê nie. Ons gesels ook oor hondsdolheid, wat sonder behandeling 100% dodelik is, en met vroeë en korrekte behandeling 100% geneesbaar.

Hoe werk dit dat 'n kind wat eens gesond was, se hart só beskadig word deur hartspiersiekte dat slegs 'n hartoorplanting sy lewe kan red? Kan dit met jou gebeur?

Lae tiroïedfunksie is een van die groot oorsake van moegheid. Die tiroïed kan te veel of te min hormone afskei. In Woensdag se program kyk ons na oordosering, na wat gebeur as jy nie behandel word nie, na nodules of gewasse op die tiroïed en as die fout by jou hipofise lê.

Meer as 2 miljard mense in die wêreld ly aan onderaktiewe tiroïedfunksie en dan is daar nog baie ander tiroïed probleme wat lyers se lewenskwaliteit inkort. Hoe werk die tiroïed (skildklier), wat is die oorsake, die simptome en die behandeling?

Gemiddeld 45% van die bevolking ouer as 60 jaar, ontwikkel osteo-artritis. As die knie-gewrig so beskadig is dat 'n knievervanging nodig is, is pleks van 'n totale knievervanging, in sommige gevalle slegs 'n halwe knievervanging nodig. Met 'n halwe knievervanging bly die knieligamente behoue en behou mens dus beter funksie van die knie. Maar wie is kandidate vir 'n halwe knievervanging en hoe bepa...

Baie (ouer) vroue se blaas lek bloot as hulle hoes of nies. Ander kan eenvoudig nie knyp nie. Baie vroue is te skaam om hulp te soek. Marí Hudson gesels met 'n nuwe soort spesialis wat spesifiek na die probleme omsien. Sy bring ook nuus oor 'n nuwe doeltreffende sterilasiemetode vir vroue wat binne 5 minute en sonder narkose gedoen kan word.

Die meeste vroue ondervind simptome van premenstruele sindroom oftewel PMS. Maar sowat drie uit elke 100 vroue ly aan 'n ernstige graad van PMS en dit het nou amptelik 'n naam gekry, naamlik premenstruele disforiese versteuring. Daar is behandeling. Diagnosering en behandeling is belangrik want vroue wat aan die probleem ly, het 'n groter kans om aan nageboorte depressie te ly.

Hoe werk tuberkulosemiddels? Hoe goed is die kans vir 'n kind met tuberkulose om genees te word indien hy behandel word?

Tuberkulose in kinders is anders as tuberkulose in grootmense. Hulle steek gewoonlik aan by die een wat die meeste tyd met hulle deurbring. Dit kan nie net die longe aantas nie, maar ook die brein en ander organe. As dit egter vroeg gediagnoseer en reg behandel word, kan selfs kinders met uiters middelweerstandige tuberkulose herstel.

Baie paartjies droom van 'n baba van hulle eie, maar wat as die vrou om 'n mediese rede nie haar baba kan dra nie? Dan is haar droom in die hande van 'n surrogaat. Marí Hudson gesels met 'n bekende fertiliteitspesialis oor ova-skenking en -vriesing, surrogaat-swangerskap en die groot behoefte aan goedhartige surrogate.

'n Kaapstadse hartchirurg is die eerste en enigste in die land wat opgelei is om drie van die hart se vier kleppe deur 'n klein snit deur die ribbekas te herstel of te vervang sonder om die borsbeen oop te sny. Die materiaal wat in die herstelprosedures gebruik word, word deur die liggaam se eie endoteelselle omring en meer as 90% van pasiënte het nie, soos in konvensionele hartklepbvervangings, n...

'n Kaapstadse hartchirurg is die eerste en enigste in die land wat opgelei is om drie van die hart se vier kleppe deur 'n klein snit deur die ribbekas te herstel of te vervang sonder om die borsbeen oop te sny. Die materiaal wat in die herstelprosedures gebruik word, word deur die liggaam se eie endoteelselle omring en meer as 90% van pasiënte het nie, soos in konvensionele hartklepbvervangings, n...

Het jy geweet dat die Herpes virus wat koorsblare veroorsaak, een van die dinge is wat die binne-oor kan aantas en vertigo veroorsaak? Vind ook uit hoe duiseligheid weens 'n probleem in die binne-oor, met oefening behandel kan word. Die brein kan geleer word om nie hipersensitief vir beweging van die kop te wees nie. 'n Vestibulêre fisioterapeut verduidelik.