Todos os podcast | Pensando en ti

Neste programa exploramos como son as relacións coa veciñanza. Preguntámoslle aos oíntes que tal se levan cos seus veciños, se se axudan, se teñen confianza con eles, se se mantén algunha actividade comunitaria... Ademáis o noso colaborador Andrés Breijo fálanos das chamadas telefónicas que nos fan as compañías comercializadoras de electricidade.

Raquel propón un reto, localiza-lo oínte de máis idade do programa. Isi volve do entroido para contar experiencias persoais tristes e outras divertidas.

As mulleres son as protagonistas do programa. Escoitamos historias de matriarcas, das mulleres que dedicaron a súa vida a coidar dos demáis, das que foron discriminadas, das que tiveron que renunciar á súa carreira profesional pola familia... E ademáis, falamos da polimedicación, deses case cen mil galegos que toman unha decea de pílulas cada día.

Falamos da obesidade, dos problemas físicos que xera e tamén dos sicolóxicos. Ademáis pedímoslle aos oíntes que nos aporten expresións que só se utilizan en Galicia e que só nós entendemos.

O entroido invade o "Pensando en ti". Ata Pepe Capelán veu disfrazado....

Mentres Hollywood entrega os seus premios Óscar os nosos oíntes outorgan os seus particulares Óscar ás persoas que lles fixeron ben na súa vida. E ademáis falamos de "independizarse" dos pais.

Comentamos a enquisa que sinala que o 65 por cento dos españois considera que enviar mensaxes subidas de ton a alguen que non é a nosa parella é unha infidelidade. Tamén lle preguntamos aos oíntes se son bos ou malos enfermos. Quéixanse ao mellor sinal de malestar? protestan á hora de tomar medicamentos?

Cada oficio ten a súa xerga, a súa linguaxe particular. Neste programa queremos coñecer esas maneiras particulares que teñen de chamarlle ás cousas en distintos traballos. Ademáis propoñémoslles aos oíntes que nos falen dos profesores que marcaron dalgún xeito a súa vida.

Pasamos a noite cos presentadores da TVG Paula Señarís e Adrián Díaz. Con eles e cos oíntes falamos de como nos cambia a vida ter fillos e do importante papel dos avós na nosa sociedade.

Pedímoslle aos nosos oíntes máis veteranos que nos transmitan os seus recordos do entroido. Como se celebraba nas súas vilas? Como era a figura do meco? Pepe Capelán axudaranos a coñecer algunhas desas antigas tradicións como o "entroido de Samede". Ademáis debatemos sobre a violencia no deporte e como erradicala.

Celebramos o corenta aniversario da Radio Galega cos oíntes no estudo do "Pensando en ti"

Falamos de voces; das que nos engaiolan, das que nos irritan, daquelas que non cadran co aspecto físico da persoa que a posúe; dos que perderon a voz, dos que a utilizan como ferramenta profesional...

Este xoves de compadres, que é tamén o Día Internacional do Gato, comentamos os datos de nacementos en Galicia que confirman que o noso saldo vexetativo é negativo. Ademáis, un bólido iluminou o ceo do país. De todo isto falamos no programa.

Preguntámonos como é vivir nun núcleo rural onde apenas quedan residentes. Queremos saber que dificultades ten habitar aldeas sen veciños preto e se hai persoas dispostas a cambiar a súa vida na cidade para instalarse no rural.

Falamos de praceres culpables; daquelas cousas que nos gustanaínda que non o recoñezamos; do quer gozamos ás agachadas con vergoña. Ademáis falamos de violencia no deporte. Estanse perdendo os valores ou as agresións físicas e verbais sempre estiveron presentes nos campos de deporte?

Imos de celebración. Escoitamos a persoas que festexaron as súas vodas de ouro ou de prata e pedímoslles que nos expliquen cal é o segredo do seu longo matrimonio. Queremos saber como se celebran estes aniversarios e tamén por que hai quen opta por non vivir en parella.

G. Face pasa a noite cos oíntes do Pensando en ti e agasállaos coa estrea do seu novo tema "Maldito Cupido". O Día de San Valentín o programa está cheo de historias de amor.