Todos os podcast | Galicia en goles

O Celta prolonga na Copa da Rei as boas sensacións dos últimos partidos de Liga. Cun equipo con moitos suplentes habituais, os vigueses venceron en Mestalla 1-3, con dous goles de Douvikas e outro de calcaño de Luca de la Torre e unha granhde actuación dalgúns canteiráns.

Mal domingo para os galegos na Primeira Federación: o Celta Fortuna caeu na casa 0-1 co Nástic e o Deportivo perdeu 1-0 coa Cultutal, rival directo polo ascenso. No fútbol, narramos tamén a derrota do Compos en Santiago e escoitamos os adestradores do Pontevedra e do Coruxo. No baloncesto, o Celta superou 73-66 o Barcelona mentres que na ACB caeron o Breogán e o Obradoiro.

Empates galegos na 1ª e 2ª División: o Celta volveu cun punto de Palma, 1-1, e o Racing de Ferrol foi quen de igualar co Espanyol na Malata, 0-0. Na Primeira Federación, o Arenteiro superou o Barça B, 2-0, pero o CD Lugo sucumbiu en Tarazona, 1-0.

Gran noite para o baloncesto galego na LEB Ouro: o Basquet Coruña gañoulle 97-82 ao Melilla e certificou a clasificación para disputar a Copa da Raíña; e en Ourense o COB superou 99-77 ao Valladolid. No fútbol, as previas da xornada e entrevista co central do Deportivo Pablo Martínez.

Domingo de Copa do Rei de fútbol: o Celta pasa a oitavos ao gañar 2-4 en Amorebieta e o Racing perde co 1-2 Sevilla condicionado pola expulsión de Manzanara. A xornada de 2ª e 3ª RFEF e, no baloncesto, o Breogán pode co Granada, 85-79, e o Obra leva o Barça á prórroga no Palau, 92-90.

O Anxo Carro celebrou o día de Reis coa visita do Atlético de Madrid, que acabou impoñendo o seu potencial ante o CD Lugo. na Copa En Oira, o Ourense CF regalouse unha vitoria sobre o Avilés para se colocar líder da 2ª RFEF. E estivemos en Corme na homenaxe ao árbitro falecido Lucas Vidal, coa familia, xogadores e outros colexiados.

Fin de semana... de Copa. O Racing recibirá o Sevilla en Ferrol e o Lugo nada menos que o Atlético de Madrid mentres que o Celta, que xogará en Amorebieta, presentou xa a Jailson. No fútbol, ademais, falamos co adestrador do Ourense CF, que aspira a ser líder na Segunda Federación, e no baloncesto escoitamos a Lino López, o técnico do Uni Ferrol.

Comezamos na Sede do RC Celta trala presentación do mexicano Marco Garcés como novo director deportivo do club. E logo imos en directo a Riazor para narrar integramente o Deportivo 2-Real Sociedad B 1 que pecha a xornada 18 na 1ª RFEF.

Especial Galicia en goles pola transmisión do Valladolid-Racing, partido da última xornada da primeira volta en Segunda División. Os verdes, noutra exhibición de fútbol, venceron 0-1 cun gol de Álvaro Jiménez e chegan ao Nadal como subcampións de inverno.

O RC pecha o ano do Centenario en posto de descenso e con sensacións moi preocupantes. Os de Benítez caeron 3-2 no campo do Villarreal por culpa, sobre todo, dunha moi mala primeira metade e chegaron a ir perdendo 3-0 despois do descanso. A reacción no segundo tempo non foi dabondo.

Domingo cargadísimo de deporte: o Barcelona-Uni Ferrol do baloncesto, a vitoria do Celta Fortuna en Fuenlabrada, o derbi Arenteiro-Deportivo, o Breogán-Murcia da ACB, o Pontevedra-Fabril da 2ª RFEF e o triunfo do Racing, 3-1, sobre o Tenerife na Segunda División.

O Celta vence 1-0 ao Granada, rival directo pola salvación, conseguindo o primeiro triunfo na casa e o segundo en 17 xornadas de Liga. Na 1ª RFEF, o Lugo volve se nada de Cornellá, 1-0; e na Terceira imos ao Couto para o UD Ourense-Bergantiños e a Bouzas para o Rápido-Estradense. E pechamos a tarde co baloncesto, narrando o igualado Obradoiro-Real Madrid no Sar.

Comezamos no pazo dos deportes de Riazor conversando con Fernando Romay e con Ricardo Aldrey despois do partido solidario de lendas selección galega-Real Madrid. No fútbol, o ex adestrador do Granada Fabri González analiza a visita dos nazarís a Balaídos e saudamos a Argimiro Marnotes antes do Arenteiro-Dépor. Ademais, no atletismo conectamos co Porto do Son para coñecer as novidades da carreira S...

Retransmisión dende o estadio de Vallecas do Rayo-Celta da 16ª xornada da Primeira División. Os vigueses, practicamente nulos en ataque, foron quen de manter outra vez a portería a cero e volven de Madrid cun punto.

Intenso domingo de competicións: pola mañá os partidos da 2ª RFEF do Compostela e do Racing Vilalbés máis o Joventut-Obradoiro da ACB de baloncesto. E continuamos á tarde con tres choques da 1ª RFEF, Dépor-Sestao, Lugo-Barça B e Majadahonda-Arenteiro, para pechar coa derrota do Racing 1-0 na súa visita ao Huesca na Segunda División.

Tarde do sábado repleta de competicións: fútbol co Celta B-Cultural na 1ª RFEF e co Ourense CF-Pontevedra na 2ª RFEF; baloncesto co Bilbao-Breogán, o derbi Uni Ferrol-Ensino e o Celta-Girona; balonmán co Cangas-Torrelavega e fútbol sala coa gran vitoria do Noia diante do Inter.

O que foi centrocampista do Celta e do Rayo Vallecano, Roberto Trashaorras, debúllanos o partido que os vigueses xogarán en Madrid. Na Segunda División, conversamos con Diego Rivas, ex porteiro do Racing de Ferrol e agora preparador no Arenteiro. e tamén saudamos o adestrador do Ourense CF, Rubén Domínguez, antes do derbi da Segunda RFEF co Pontevedra.

Especial Galicia en goles polos partidos da segunda eliminatoria da Copa do Rei de fútbol: o Racing de Ferrol venceu na Malata 1-0 ao Leganés, líder da Segunda División, e o Celta sufriu para gañar 1-2 no campo do Sestao, equipo da 1ª RFEF, grazas a un rigoroso penalti sinalado no treito final do partido.

A narración íntegra das tres eliminatorias da segunda rolda da Copa do Rei de fútbol que xogan este mércores equipos galegos: o Dépor perdeu no último instante da prórroga co Tenerife (2-3), o Arenteiro foi superado polo Burgos (1-3) pero o Lugo venceu un conxunto de Segunda, o Mirandés (2-0). Ademais, conectamos co baloncesto para ir seguindo o partido da Liga de Campións do Breogán en Turquía.

Retransmisión especial dende A Lomba polo Arosa-Valencia da segunda eliminatoria da Copa do Rei de fútbol. O equipo de Primeira adiantouse no minuto 8 pero logo o Arosa tivo varias ocasións claras para facer gol e a escadra de Rubén Baraja acabou pedindo a hora ante un conxunto de Terceira RFEF.

Especial Galicia en goles polo partido da 15ª xornada de liga de Primeira División entre o RC Celta e o Cádiz no estadio de Balaídos. Os andaluces adiantáronse no minuto 16 noutro erro da defensa do Celta pero logo sufriron unha expulsión rigorosa. E aínda xogando en superioridade máis dunha hora os de Benítez só foron quen de sacar un empate, 1-1.

Domingo de chuvia de goles na Malata, Racing 5-Albacete 4, e tres triunfos galegos na 1ª RFEF: o Dépor remonta no engadido en Barcelona, o Celta Fortuna vence nas Gaunas e o Arenteiro supera 2-0 o Sabadell. E no derbi da 2ª RFEF, 3-0 para o Pontevedra diante do Compostela. No baloncesto, o Real Madrid de Musa esmaga o Breogán e o Ensino malla no Barça, 85-60.

O sábado comezou con ledicia, a que nos trouxo o Lugo ao gañar 0-1 en Sestao con outro gol de Willy Ledesma. No fútbol, contamos tamén o derbi da 2º RFEF, Coruxo-Ourense CF, e a vitoria do Arosa ante a UD Ourense antes de recibir o Valencia na Copa. E no baloncesto, outras dúas alegrías: o Obradoiro impúxose 87-92 en Tenerife e o Celta superou 67-80 ao Gran Canaria.

Teresa Abelleira tivo a súa merecida homenaxe en Pontevedra e as campioas do Mundo de fútbol conseguiron a clasificación para a semifinal da Liga de Nacións malia perder 2-3 con Italia. Nun caos difícil de entender, España iniciou o segundo tempo con só nove xogadoras preparadas. Ademais, Paco Santos repasa a actualidade do resto do fútbol galego con especial atención á Segunda División e á 1ª RFE...

Un moi discutible penalti con expulsión frea o Racing cando gañaba 0-2 en Leganés. Na 1ª RFEF, narramos dende Riazor outro tropezo do Deportivo e a derrota do Celta Fortuna na casa. E, mentres, pendente do Breogán na ACB e do partido do Universitario de Ferrol.