Todos os podcast | Galicia en goles

Non foi unha boa xornada para os equipos galegos de fútbol. O Rácing de Ferrol segue sen gañar esta temporada tras caer 1 a 4 na Malata ante o Albacete. Tamén segue con malas sensacións o Deportivo que perdeu ante o Burgos por cero a dous. No fútbol da Federación o Celta Fortuna non pasou do empate a cero en Balaídos ante o Unionistas mentres que o Bergantiños rabuñou un empate na visita do líder...

O Galicia en Goles deste venres estivo centrado no Pazo Provincial dos Deportes de Lugo. Alí disputáronse as dúas semifinais da Copa Galicia de baloncesto masculino sen sorpresas. Gañaron os dous equipos ACB, o Básquet Coruña eliminando ao Obradoiro e o Breogán facendo o propio co COB. Asimesmo na última hora analizouse detalladamente o que será a xornada deportiva galega desta fin de semana.

Tres vitorias en tres encontros. Esa é a estatística do Celta coma local esta temporada. A súa última vítima foi o Valladolid, a quen derrotou por tres tantos a un. Mentre na segunda división o Rácing de Ferrol segue sen coñecer a vitoria na segunda categoría profesional, pero conseguiu un valioso empate nun campo ben complicado.

Na 1ª RFEF o único partido con presenza galega foi o disputado no Couto con igualada a cero do Ourense CF e Segoviana. na 2ª RFEF o Fabril venceu no derbi ao Compostela. No polideportivo o baloncesto tivo protagonismo co encontro de consolación do EncestaRías coa vitoria do Básquet Coruña ante Breogán e o triunfo do Ourense ante Mataró na Copa FEB.

O Deportivo segue sen gañar lonxe de Riazor. O equipo de Imanol Idiakez caeu por dous a cero nun partido no que non estivo atinado nas dúas areas. Así mesmo, o Torneo Encesta Rías viviu as súas semifinais, e no Galicia en Goles escoitaron aos protagonistas.

O Galicia en Goles dominical arrincou antes do mediodía e chegou ata as dez da noite de maneira ininterrumpida. Contouse a xornada galega que arrincou co empate a cero goles do Rácing de Ferrol ante o Mirandés na Malata. Na 1ª RFEF a gran nova chegou en Sestao, coa primeira vitoria do CD Lugo esta temporada. Mentres, na 2ª RFEF o Bergantiños goleou ao Avilés e o Compostela empatou in extremis no V...

O sábado non foi demasiado positivo para os intereses galegos, cun empate do Deportivo no campo dos Cármenes ante o Granada. Tampouco no que se refire á 1ª RFEF, onde o derbi de Balaídos entre Celta Fortuna e Arenteiro rematou nun gris empate. Posteriormente o Ourense CF caeu por tres a cero na casa do BarÇa Athlétic. Ademais vivimos o primeiro partido das Celtas da súa historia e o Torneo FEB no...

Non hai xornada de fútbol na primeira división esta fin de semana pero si no resto de competicións. Roberto Carlos Carballo analizou a fin de semana futbolística, coa última hora dos encontros do Deportivo, o Rácing, os conxuntos galegos da 1ª e 2ª RFEF e o arrinque da Terceira. Asimesmo contouse o amigable do Breogán ante o Porto e a histórica xornada deste sábado en Balaídos, co debút das Celtas...

Previas e análise da xornada de onte e hoxe

Entrevista a Jailson, do Celta; roldas de prensa de Claudio Giráldez, Cristóbal Parralo e Imanol Idiákez. Tamén escoitamos os protagonistas do Lugo, Ourense CF e Pontevedra, tras a xornadas nas categorías RFEF.

Seguimento á primeira xornada da División de Honra xuvenil, con entrevistas aos adestradores Sanfiz, do Montañeiros, e Manuel Pablo, do Deportivo. Entrevista con Raúl Jardiel, adestrador do Arenteiro. Tamén informamos da primeira xornada da Liga de balonmán feminino, con entrevistas ás xogadoras do Porriño e Guardés Mica Casasola e Cecilia Cacheda.

Analizamos os partidos dehoxe e as previas do domingo

O Celta perdeu no Madrigal nun partido que foi unha montaña rusa e no que puido haber máis goles. Con este resultado, o Celta queda con 6 puntos tras tres xornadas de competición.

Na edición mediodía do Galicia en Goles repasaron o máis salientable da comparecencia de prensa de Cristobal Parralo trala derrota ante o Granada. Tamén falou polo conxunto verde o central Naldo. Asimesmo escoitouse a protagonistas do empate do Ourense CF en Tarragona e da derrota do Lugo en León

O Galicia en Goles deste domingo estivo centrado na primeira xornada da 1ª RFEF. En Balaídos o Celta Fortuna desaproveitou unha vantaxe de dous goles e rematou empatando ante o Barakaldo. Peor lle foron as cousas ao Arenteiro que debutou en liga con derrota no campo do Tarazona. Ademais na Sangriña desputaronse as finais da Supercopa de Galicia de balonmán, con triunfo do Novás na categoría mascul...

Analizamos a vitoria do Celta ante o Valencia, a derrota do Deportivo no Alcoraz e o encontro que enfrontará na Malata a Rácing de Ferrol e Granada.

O Granada asaltou a Malata cun tanto a falta de cinco minutos para o final do partido. O Rácing de Ferrol non puido así sumar o primeiro triunfo da temporada e suma un punto de seis posibles. Ademáis, na 1ª RFEF, o Ourense CF debutou na categoría empatando a un no Nou Stadi mentres que o CD Lugo caía no Reino de León por dous goles a cero.

Cara e cruz para os dous conxuntos galegos do fútbol profesional que disputaron a segunda xornada de liga este venres. O Celta remontou o gol inicial do Valencia en Balaídos para rematar vencendo 3 a 1 e facendo pleno de vitorias no que levamos de temporada. No senso contrario, o Deportivo segue sen sumar tras caer derrotado no Alcoraz por 2 a 1 cun tanto do Huesca no tempo de prolongación.

Bronce con polémica para o púxil galego Emanuel Reyes e resumo dos amigables de pretemporada.

Balance da xornada de medallas españolas nos Xogos Olímpicos.

Ribeira pendente de Ana Peleteiro e Previa da xornada de pretemporada galega de fútbol.

Victoria do Celta e derrotas de Racing de Ferrol e Deportivo nos amigables da xornada.

A última hora dos Xogos Olímpicos de París, e o repaso da actualidade futbolística do día.

O remeiro noiés Caetano Horta accede directo á semifinal no dobre scull lixeiro logo de remataren 2º na sua serie, por detrás de Suíza. Escoitamos ós protagonistas dos amigables en Galicia. A Dani Barcia e ó técnico Iago Iglesias no Pontevedra 0 - Deportivo 2, goles de Diego Villares e Hugo Rama. E a Josué Dorrio no Racing Club Ferrol e a Josema Raigal e Moisés Rodríguez no Ourense CF, trala victo...