Todos os podcast | En xogo motor

Canda Moncho Lemos falamos co  tenente coronel Marcelino Sempere Doménech, que esta tarde dá unha conferencia en Santiago sobre o centenario dos grandes voos da aviación española, nos que salientan os efectuados polo pioneiro galego Joaquín Loriga e a Escuadrilla Elcano.

Carlos Crespo tráenos a Portosanto, un grupo novo formado por Anaís, Andrés, Nuno (tamén Grande Amore), Simón e Xoel, é dicir, os mesmos integrantes da desaparecida banda Oh! Ayatollah. Mañá publican o álbum ‘Ten que haber un sitio para nós’ con Ernie Records. O sábado estarán en Pontevedra, no festival Galegote.

Mónica Maneiro analiza a mostra 'Pero no pintar' do artista ferrolán Juan López. A exposición pode visitarse na galería Nordés da Coruña ata o 2 de maio.

Que sensación deixa o triunfo do Deportivo ante o Mirandés?. Con Álvaro Santos, do Peñafiel, Carlos Alonso, do Coruxo e Pablo Iglesias, pichichi do Chantada, que vén de ascender a Preferente.

Andrea Jamardo tráenos ‘Virxinia e Castelao’, de Diego Bará, na colección Miudiños de Edicións do Cumio. Trátase dun álbum ilustrado que achega aos lectores máis novos á vida de Virxinia Pereira e Daniel Rodríguez Castelao, dúas figuras fundamentais da historia e da cultura galegas. Tamén a banda deseñada ‘Fauna’, de Iago Fernández e Damián Gómez, na colección Galopín de Antela Editorial. Un futur...

Tódolos protagonistas da segunda cita do CGR

Conversamos con Ugía Pedreira sobre o seu docudisco "Basal", un achegamento ao universo creativo da artista no que adquire protagonismo a relación coa súa filla, que ten parálise cerebral, e o patrimonio sonoro e físico da súa Mariña natal. Pedro Reboleiro fálanos de "Sen patrón", malabares e humor da man da compañía Pista 4. Escoitamos "Un saber", o disco no que o tr...

Unha viaxe con Diego Ameixeiras para falar da súa nova novela, "Asasinato no Consello Nacional". A Orde de Malta en Galicia. Conversa con Fernando Abreu, do Cuarteto Caramuxo, sobre o seu novo disco "Tiruriru". Parada teatral no Festival de Galicreques e outras propostas escénicas.

Viaxe pola cinema con Enrique Nicanor, coordinador do Festival de Cine de Ourense. Tamén as estreas de carteleira e todas as citas de ocio e cultura. Última parada do tren para camiñar pola terra de Costa de Marfil.

Conversa co director Juan Pinzás, que vén de estrear a súa nova película "As imaxes perdidas". Bota a andar en Galicia o novo selo discográfico "Matapadre" cun traballo do Colectivo Oruga. Parada na tese sobre a autoría feminina das Cantigas de Amigo. Percorrido polo mundo das artes escénicas coa nova proposta de Carlos Blanco, "Orden e progreso". Debate sobre a decis...

Primeira parada no Festival de cine de autor de Lugo. Sarabela Teatro representa en Ourense "O incerto señor don Hamblet", de Álvaro Cunqueiro. Percorrido do Expreso pola terra de Chile.

Arxentina, a quinta provincia galega.

Andando a Terra descubre Albania e a súa historia Na segunda hora o camiño pasa por Australia, o país das segundas oportunidades.

A Galicia mariñeira celebra as festas do Carme. Paradas na Mostra Internacional de teatro de Ribadavia e no Certame de Graffiti de Lugo. O camiño portugués pasa polo certame "Cultura quente" de Caldas. Achegamos una revisión da variada oferta do festival "Via Stellae", que multiplica concertos por todo o país, e tamén do "Pontejazz", a cita co blues e o jazz de Pontev...

Afonso Becerra comenta ‘Minor inter partes’, de Teatro Ensalle, con dirección de Pedro Fresneda e Juan Navarro. Trátase dunha proposta innovadora da que o público fai parte de xeito natural. Tamén nos propón o Primavera en Danza de Carballo.

Moncho Lemos recomenda o documental ‘Landa’, dirixido por Gracia Querejeta e Miguel Olid, e a película ‘La mujer más rica del mundo’, de Thierry Klifa. A fita está inspirada en Liliane Bettencourt, a herdeira de L'Oréal e protagonista na súa senectude dun dos escándalos máis célebres de Francia.

Novidades no Deportido. O post do Celta-Friburgo, con Raúl Blanco, canterán celeste do Alcorcón e curmán de Iago Aspas, Migui Fernández, da U.D. Ourense e Cheri, do Ribadumia.

Malores Villanueva comenta ‘As Humidades’, a estrea literaria de Alba Tomé, finalista do premio Illa Nova de Narrativa 2025.

Carlos Crespo tráenos a Tapa D’Orella, o novo proxecto musical de Willow GHZ e Pappaquino, que mestura música urbana, electrónica e unha estética moi ligada á cultura dixital do noso país. O dúo vén de publicar o seu segundo sinxelo, ‘Punto de Mira’.

Mónica Maneiro comenta a exposición fotográfica 'A natureza das cousas. CHEMA MADOZ', comisariada por Oliva María Rubio na sede de Afundación en Santiago de Compostela. Ata o 29 de agosto.

O Deportivo galeguizará o seu nome. Hoxe acompáñanos o adestrador do Fabril-Deportivo, Manuel Pablo. Tamén con Fran Justo, Ander Vidorreta, do Pontevedra e Dani Pedrosa vs Áled Cabarcos na previa do Estradense-Somozas

Andrea Jamardo tráenos hoxe dúas propostas: a novela ‘Pantasmadas’, de Andrea García Martínez. De nove anos en diante, en Edicións Xerais; e o álbum ilustrado de primeiras lecturas: ‘ Parchís’, de María Girón. Traducido ao galego por Iago Nicolás para Kalandraka

A derrota do Celta e o empate do Deportivo con David Rochel, canteirán deportivista e ídolo en Tailandia como xogador, Sergio Benito, do Ourense CF e David Rosón, do Compostela.

Na edición do motor deste domingo conversaron co piloto de montaña lucense José Antonio Alonso Liste sobre o seu novo proxecto para esta temporada. Tamén recibiron as experiencias de Edgar Vigo e Fátima Ameneiro dende Nova Zelandia, trala primeira proba do Campionato Asia Pacífico.