Todos os podcast | En xogo motor

Na sección de voces expertas, Tito Lesende presenta as novidades musicais: Miriam Rodríguez publica este venres o seu terceiro disco 'Líneas rojas', o avance do disco de Carlangas e os Cubatas, o LP de Ana Lua Caiano e o disco 'Branca Vela' de Budiño.

A compañía Fran Sieira estrea 'CEIBE' o 2 de marzo no Auditorio de Cangas. Unha peza con 8 bailadores e bailadoras que se distancia dos estereotipos sexistas e propón novas formas de entender a identidade de xénero desde o baile tradicional. Preséntannos 'CEIBE' os seus directores artísticos, Fran Sieira e Sergio R. Suárez.

A compañía Sarabela Teatro estrea 'O dragón de ouro' que presenta nos escenarios galegos ao dramaturgo alemán vivo máis representado. "Roland Schimmelpfennig crea niveis de narratividade moi novos. Reinventa a posta en abismo", asegura a directora Ánxeles Cuña nunha entrevista neste podcast do Diario cultural.

Falamos con Tito Asorey, director de ´Unha inimiga do pobo`, de Talía Teatro; Álex Sampaio, director de ´Hamelin`, de Redrum Teatro e Víctor Mosqueira, protagonista de ´O Auto do Castromil`, de Producións Teatrais ExcéntricAS en coprodución co CDG. As tres montaxes son as favoritas para os premios María Casares, que se coñecerán no decurso da gala do vindeiro 21 de marzo.

O noso expero en música clásica achéganos unha proposta da RFG para mañá en Santiago e o venres en Vigo. Coa dirección de Sebastian Zinca e Judith Jáuregui ao piano han interpretar Entropía, de Inés Badalo. Noches en los jardines de España (orq. Bética) de Manuel de Falla e Sinfonía en Re, de Juan Crisóstomo de Arriaga.

A compañía Chévere estrea a montaxe 'Helen Keller, a muller marabilla?', unha obra que parte da figura da primeira persoa xordocega en titularse na Universidade, a estadounidense Helen Keller. O modelo de superación no que foi convertida agachou a súa faceta de activista en favor de causas como o pacifismo, o sufraxismo ou o comunismo. A compañía Chévere volve cuestionar os relatos ofici...

A compañía Producións Teatrais Excéntricas estrea 'Monstros'. É unha peza de teatro familiar sobre un texto de Lucía Aldao e María Lado. Neste Diario cultural conversamos con Marcos Orsi, director da montaxe.

Entrevista a Diego Mas, codirector de Cinema por mulleres. Esta segunda edición do certame celébrase do 22 de febreiro ao 9 de marzo na Coruña.

Dolores Vilavedra achéganos a tradución de Moisés Barcia para a editorial Rinoceronte desta novela de Alice Walker gañadora do Pulitzer.

Mónica Maneiro comenta a mostra 'Paco Pestana. O curto voo dun paspallás'. Un pequeno roteiro emocional por obras gardadas polos amigos. A mostra pode visitarse na Fundación Granell ata o 31 de marzo.

Antón Reixa e Antela Cid recuperan personaxes da mitoloxía grega en 'Míticas pero secundarias'. Un díptico escénico que pecha a última edición ciclo 'Clásicas desfeitas' na Cidade da Cultura. 'A infeliz felicidade e o prezo do aceite' é unha conferencia satírica na que Reixa une a Polícrates e a Rosalía, mentres que en 'Tres somos ti' Cid encarna tres muller...

"Gozamos dun momento moi bo creativamente, moi diverso e con moita xente nova”. Os Premios María Casares de teatro presentan finalistas da edición que rexistra maior participación da súa historia. Neste Diario cultural falamos con Arantza Villar, presidenta da AAAG.

Emilio Españadero tráenos a Fuxan os ventos co gallo do pasamento estes días do padre Mato e mailo cabodano de Moncho Díaz. Tamén a Carapaus coa Alborada pra Rosalía, no mes de nacemento da nosa autora máis senlleira. E dúas citas a marcar no calendario deste mes: concerto de Xosé Manuel Budiño na Coruña e disco novo de Isidro Vidal.

Mario César Vila avánzanos a nova edición do Encontro Arqueolóxico do Barbanza, que se desenvolve en Boiro os días 24 e 25 de febreiro. Un foro de divulgación arqueolóxica que acollerá expertos do ámbito galego, estatal e internacional.

Unha nova xeración de comunicadoras conquista Youtubeiras. Conversamos con tres dos gañadores desta sétima edición do certame que recoñece o contido en galego en redes: OU Ké!, premio Canle, xornalismo político para redes desde Ourense; O Faiado Podcast, premio Revelación, cultura pop e vida cotiá; e Recuncho Gamer, premio Youtubeira, videoxogos e moito máis.

"Ninguén fala de Luísa Villalta como teórica da literatura. Ela moveu os marcos”. O escritor e músico Xurxo Souto reivindica o método Luísa Villalta e reúne no volume 'Somos un pobo de artistas', un conxunto de ensaios e artigos que subliñan a unidade entre a música e a poesía.

Iniciamos unha rolda de conversas con creadores e creadoras finalistas nos premios do audiovisual galego do 23 de marzo. Galiñanes por ‘Fatum’ e Lucía Estévez por “O neno sardiña’ e ‘Os Argonautas’. Con Luis Iglesia analizamos o papel dos actores e actrices de dobraxe, a raíz das palabras de S. Weawer nos Goya.

Afonso Becerra achéganos a peza ´Anda, Diana`, da coreógrafa e bailarina lusa Diana Niepce, en cadeira de rodas dende hai dez anos. A artista protagoniza unha danza na que dous bailaríns a van movendo sobre o escenarioi.

"A danza neste momento necesita un plan integral para saír adiante”. Branca Novoneyra é unha das organizadoras do ciclo 'Lecturas que danzan' que relaciona, na Biblioteca Ánxel Casal, as artes do movemento coa saúde, a filosofía ou o activismo.

Na sección de voces expertas, Eva Mejuto desafíanos a un reto lector. Descubrimos ideas para os primeiros meses do #retolibroscontos.

Do Perú á Coruña. Pamela Rodríguez preséntanos 'Meigas', o seu primeiro disco galego. O traballo inclúe versos de Rosalía e colaboracións de Guadi Galego e Iván Ferreiro. O disco ten bases electrónicas e letras que reivindican a liberdade, o erotismo e a madurez. Pamela Rodríguez presenta o disco no Riquela Club de Santiago o vindeiro venres 23 de febreiro.

Begoña Vázquez entrevista a María Maquiera ao respeco da súa exposición ´Entroido Enfeitizado`. A mostra recolle 18 debuxos que ilustran o relato homónimo do cineasta Carlos Velo. Na galería Visol de Ourense.

Xa nos cines a última de Sofía Coppola. ´Priscila´ narra a relación entre Elvis Presly e a única muller coa que casou. ´Buscando a Coque´é unha comedia romántica española que supón o debut na pantalla grande de Teresa Bellón e César F. Calvillo.

Tito Lesende debulla as vendas globais de discos e pica cancións de varios grupos: Mundo Prestigio publica disco o 7 de marzo; escoitamos o novo son De Ninghures e, ademais, Los Planetas pasarán este verán polo Atlantic Fest.

O artista Vicente Blanco expón na galería Néboa de Lugo 'Os coleccionistas de sombras'. Unha serie de debuxos que crean un estado mental no que paira a tensión causada na sociedade actual pola perda de biodiversidade, de tradicións e formas culturais. A exposición pode visitarse ata o 13 de abril.